شبل المحاني تفضل

[نايف بن ملحق الثعلي]

يامرحبا والليل ياشبل المحاني لايروح=نبا نسولف والسوالف لاتزل احدودها

انا ادري انك فاللزوم اللازمه منت بشحوح=كانك تميز فالعلووم اصدورها وورودها

[شبل المحاني]

دام البقاء يالي ترحب عد براق ٍيلوح=سولف وابا سولف وجود الناس من ماجودها

انا احمد الله فالمواقف مانغيب ولانروح=نرسي كما مرسى جبال ٍ ماتلين احيودها

[نايف بن ملحق الثعلي]

ترى العلوم اخذوعطى لكن سدك لايبوح=ياراعي النيه تراني عارف ٍ مقصودها

ترى السفينه ماشيه واللي ركبها اصحاب نوح=منته بقايدها ولونك بغيت اتقودها

[معجب العتيبي]

الليل الليل لايروح

عزالله بدا ليلكم بدري هههههههه



وطاروق حامي من اول حرف ولا املك الا الشكر والمتابعه

[شبل المحاني]

ترى العلوم انواع فيها جد والاخرى مزووح=وانته تخير فالعلوم امزوحها وجدودها

اللي ركب وسط السفينه قوم مزحم والطلوح=اللابه اللي فالمواقف تعتزي بجدودها

[نايف بن ملحق الثعلي]

الظاهر انك ماتعرف ان الدوى يبر الجروح=مالك ومال الحجه اللي باطلين اشهودها

حنا بنينا صرح عالي من خيارات الصروح=وانته تشب النار لكنه يدخن عودها

[نواف العصيمي]

الله الله

صح لسانك يانايف وصح لسانك ياشبل

ومتابع ..

ولكم التقدير والإحترام

[شبل المحاني]

ياصاحبي عارف ماعندك غبوق ولاصبوح=حصلت لك خلفه ولكن ماتدر اديودها

انته بنيت البيت لكن ماسقفته بالسطوح=والناس يالروقي تراهم باذلين اجهودها

[نايف بن ملحق الثعلي]

سارح البال +نواف العصيمي

لاهنت على المرور وتشرفنا بمروركم

[شبيب شافي الملعبي]

صح السان الشاعرين
وتقبلوا مروري