المجال مفتوح

[بحــ الخليج ــر]

بعد جينا وسجلنا الاسم في منتدى العتبان=سلام الله سلام(ن)يجمع القاصي مع الداني
وانا توي جديد ولا اعرف الشاعر من الفنان=ولكن لحضرنا نفرق الاول عن الثاني

[سعود البرقاوي]

بعد جيتوا وسجلتوا هنا في منتدى الشجعان
هلا يامرحبا ترحيب ماينقال مجاني

وحنا كلبونا نضرب القيفان بالقيفان
ليا قمنا تشوف الفعل ياللي جيتنا عاني

[سهم جده]

اليل ياشعار ونا ماسك صف سعود البرقاوي ولا يهون بحر الخليج

[بحــ الخليج ــر]

تقابلنا وتوكلنا وجر الصوت ياذيبان=يدوملك البقا ونجازي الاحسان باحساني
عساكم كلبوكم تضبطون القاف والاوزان=والا يامكثر اللي يخلط البيبسي مع الشاني

[بحــ الخليج ــر]

اليل ياشعار ونا ماسك صف سعود البرقاوي ولا يهون بحر الخليج

لاهنت ياسهم جده

[سعود البرقاوي]

الا يابحر كنت احسبك فيك اللول والمرجان
صحيح انك بحر لكن بلا لولوا ومرجاني

هقيت انك تطلعها وتركزها على الظلعان
وضاعت هقوتي هالحين والا ضعت يافلاني

[دريد ابن الصمة]

صحت الالسن ..


ومتااابعين ..

[سهم جده]

الايابحركنت احسبك فيك اللوال والمرجان

الا يابحر كنت احسبك فيك اللوال والمرجان

[بحــ الخليج ــر]

الا ياسعود والمرجان يبغى واحدن فسقان=يغوص البحر مايرجع عن المرجان غرقاني
اشوفك عجل والعجله تراها سبة الشيطان=وانا ماضيع لو انك تضيعها بالالحاني

[بحــ الخليج ــر]

صحت الالسن ..


ومتااابعين ..

صح بدنك ومتابعتك تشجيع لنا

[$ الحــيــران $]

صح لسانك بحر الخليج

صح لسانك سعود

متابع عساكم على القوة

[معجب العتيبي]

ماشاء الله هلا بالبحر ومبدا كايف

وكفو يالبرقاوي انا اشهد انك ماتخلط الببسي مع الشاني


ابدعتما فشكرا لما قدمتماه....