الوليد الحافي
11-Dec-2007, 10:00 PM
بسم الله الرحمن الرحيم ..
اعزائي اعضاء منتدى الهيلا ,,,اقدم اليكم محاوره
جرت بين شاعر روق وسلطان الجذع
محاوره من اروع ماقرات
من حيث السبكـ والحبكـ
وكذلك النقض والفتل حتى من خلال البيت
حتى اصحبت المحاوره كتله واحده
بالامكان ان نسميها نقاش شعري ممتاز
لله درهمــــــــــــــــأ
استمتعوا
شاعر روق
مرحبا ترحيبةٍ حسب الطلب مختاره=بالبعيد وبالقريب وكل رجلٍ غالي
الغشيم اللي عيونه ماتحق الشاره= لايشرّه في عطاي لبندقي وعقالي
سلطان الجذع
البقا بالشاعر اللي قد لفتنا أخباره =معه فاقد لي بعير من خيار جمالي
ان خذا بندقك رجل عالي مقداره =عيبك انه منك أحق بها (على ماقالي
شاعر روق
في ديار العز يومٍ ان الجذع في داره=والديار المسنيه مالي بها منزالي
ماانت باخذ بندق اللي مايهس إعياره=محزمه مليان مايافر عدو وموالي
سلطان الجذع
لاتقوله وانت من جده لواد ستاره =تقضي فصول السنه ماشفت برق خيالي
كان غرك فعل راع الوقفه الجباره =بيننا فرض الحقوق وطرحه المعدالي
شاعر روق
ربنا منش السحايب مايشح بخاره=غير عن دار لجيش مسيلمه مدهالي
يوم عج الكون مع عمك يثور غباره= ماتبين راسك الا في النهار التالي
سلطان الجذع
دارنا اللي طيبنا بين الديار شعاره =الله اللي من دخوله محرم الدجالي
مير يوم ان المسابق جيت في مضماره =سابقي ياروق الاولى ..والشهود أفعالي
شاعر روق
داركم سقفه دمار ولايضل جداره=والسبايب كل ابوها عمك العمالي
والصراحه سابقك مابان لي مظهاره=وان عدت ماهرولت بك في الطويل العالي
سلطان الجذع
انت وش بك في قفا الغايب تشن الغاره =هرجه الرجال عيب في قفا الرجالي
القعيده سولفوا عنها مع السباره =كنها من خيل بن هندي تسر البالي
شاعر روق
البخيل اللي يمينه ماتبل إيساره= لا ولد عمي ولا ابويه ولا هو خالي
سولفوا عنها نهار الحرب شبت ناره=ماتهرول غير مقفي في النهار الصالي
سلطان الجذع
ثوبك اللي به بلاك الحظ ..زر ازراره =لاتعذرب فيه تتهمك العرب بخبالي
علمك اللي ماعليه ثبوت دور غاره =ماني بمثلك ...لاجاك العلم ..جاك جفالي
شاعر روق
الجذع رجلٍ محامي جيدات افكاره=طمعوه وباع نياته بربع ريالي
ماانته بمثلي عشاي بعير وانت إكراره=فيك جوع وفيك شر ولا كنزت المالي
سلطان الجذع
الجذع رجال وافي مايعرف الباره =يوم ابو وجهين خلي في خلاه الخالي
دامك تعشى الجمل نحتاج منك زياره =لا أجل اقدم لك جملنا اللي يمشي الحالي
شاعر روق
الجذع في الدّين يغنيني عن الكفاره=عقب غلظت اليمين وعقب حوله حالي
كل ساقط فاتحٍ للساقطه منخاره=والجذع نزّل علومه مالقى مدخالي
سلطان الجذع
علموا رجل سرى ليله مطفى انواره =الجمل مهما يصير بولية الجمالي
مااكبر المدخال في بيت العرب وجداره =فوق نفسك لاتضوي الساقطات اشكالي
شاعر روق
احسب انك عارفه واثرك ماش إقطاره=ليش يوم إنك تعود لاول الموالي؟!
مايهاب الحر من طير اقطمٍ منقاره=واخساره فيك والله بدعت الامثالي
سلطان الجذع
سقت كيفك مير بنه ناقص وبهاره =رحت علكه ياصحيبي في فم العذالي
البلد يالشاعر الروقي نعرف أحراره =وانت مثل الطير الابرق ماعليك جدالي
شاعر روق
الاشاره تكفي العاقل عن الف إعباره=والمقفي مايهمه ختلة الختالي
البلد تشهد لشاعر روق كل خياره=واسمه اللي يعرفونه شارب الفنجالي
سلطان الجذع
العرب تشرب رها وانته من المطاره =حظك الغابر سقاك المر قبل الحالي
روق الاسم اللي يعرفون العرب شعٌُاره =وانت مانت حبيب ولا انت بخلف هذالي
اعزائي اعضاء منتدى الهيلا ,,,اقدم اليكم محاوره
جرت بين شاعر روق وسلطان الجذع
محاوره من اروع ماقرات
من حيث السبكـ والحبكـ
وكذلك النقض والفتل حتى من خلال البيت
حتى اصحبت المحاوره كتله واحده
بالامكان ان نسميها نقاش شعري ممتاز
لله درهمــــــــــــــــأ
استمتعوا
شاعر روق
مرحبا ترحيبةٍ حسب الطلب مختاره=بالبعيد وبالقريب وكل رجلٍ غالي
الغشيم اللي عيونه ماتحق الشاره= لايشرّه في عطاي لبندقي وعقالي
سلطان الجذع
البقا بالشاعر اللي قد لفتنا أخباره =معه فاقد لي بعير من خيار جمالي
ان خذا بندقك رجل عالي مقداره =عيبك انه منك أحق بها (على ماقالي
شاعر روق
في ديار العز يومٍ ان الجذع في داره=والديار المسنيه مالي بها منزالي
ماانت باخذ بندق اللي مايهس إعياره=محزمه مليان مايافر عدو وموالي
سلطان الجذع
لاتقوله وانت من جده لواد ستاره =تقضي فصول السنه ماشفت برق خيالي
كان غرك فعل راع الوقفه الجباره =بيننا فرض الحقوق وطرحه المعدالي
شاعر روق
ربنا منش السحايب مايشح بخاره=غير عن دار لجيش مسيلمه مدهالي
يوم عج الكون مع عمك يثور غباره= ماتبين راسك الا في النهار التالي
سلطان الجذع
دارنا اللي طيبنا بين الديار شعاره =الله اللي من دخوله محرم الدجالي
مير يوم ان المسابق جيت في مضماره =سابقي ياروق الاولى ..والشهود أفعالي
شاعر روق
داركم سقفه دمار ولايضل جداره=والسبايب كل ابوها عمك العمالي
والصراحه سابقك مابان لي مظهاره=وان عدت ماهرولت بك في الطويل العالي
سلطان الجذع
انت وش بك في قفا الغايب تشن الغاره =هرجه الرجال عيب في قفا الرجالي
القعيده سولفوا عنها مع السباره =كنها من خيل بن هندي تسر البالي
شاعر روق
البخيل اللي يمينه ماتبل إيساره= لا ولد عمي ولا ابويه ولا هو خالي
سولفوا عنها نهار الحرب شبت ناره=ماتهرول غير مقفي في النهار الصالي
سلطان الجذع
ثوبك اللي به بلاك الحظ ..زر ازراره =لاتعذرب فيه تتهمك العرب بخبالي
علمك اللي ماعليه ثبوت دور غاره =ماني بمثلك ...لاجاك العلم ..جاك جفالي
شاعر روق
الجذع رجلٍ محامي جيدات افكاره=طمعوه وباع نياته بربع ريالي
ماانته بمثلي عشاي بعير وانت إكراره=فيك جوع وفيك شر ولا كنزت المالي
سلطان الجذع
الجذع رجال وافي مايعرف الباره =يوم ابو وجهين خلي في خلاه الخالي
دامك تعشى الجمل نحتاج منك زياره =لا أجل اقدم لك جملنا اللي يمشي الحالي
شاعر روق
الجذع في الدّين يغنيني عن الكفاره=عقب غلظت اليمين وعقب حوله حالي
كل ساقط فاتحٍ للساقطه منخاره=والجذع نزّل علومه مالقى مدخالي
سلطان الجذع
علموا رجل سرى ليله مطفى انواره =الجمل مهما يصير بولية الجمالي
مااكبر المدخال في بيت العرب وجداره =فوق نفسك لاتضوي الساقطات اشكالي
شاعر روق
احسب انك عارفه واثرك ماش إقطاره=ليش يوم إنك تعود لاول الموالي؟!
مايهاب الحر من طير اقطمٍ منقاره=واخساره فيك والله بدعت الامثالي
سلطان الجذع
سقت كيفك مير بنه ناقص وبهاره =رحت علكه ياصحيبي في فم العذالي
البلد يالشاعر الروقي نعرف أحراره =وانت مثل الطير الابرق ماعليك جدالي
شاعر روق
الاشاره تكفي العاقل عن الف إعباره=والمقفي مايهمه ختلة الختالي
البلد تشهد لشاعر روق كل خياره=واسمه اللي يعرفونه شارب الفنجالي
سلطان الجذع
العرب تشرب رها وانته من المطاره =حظك الغابر سقاك المر قبل الحالي
روق الاسم اللي يعرفون العرب شعٌُاره =وانت مانت حبيب ولا انت بخلف هذالي