من روائع الشعر

[الامير]

قصيدة الشاعر الكبير : صقر النصافي

ياعلي خل العيد لأم الدناديش=اللي تنظف كل يوم (ن)جسدها
تبغي تماري ناقضات العكاريش=في كل ملفاح(ن) تنقض جعدها
العيد عيد الله لو فات حتيش=من حبسة ايام(ن) يمرك عددها
نبي نعلمك المساري على الجيش=تمشي ذلولك لين يفتر جهدها
خابرك ما انت ضاري للمطاريش=نبيك تونس حلوها من نكدها
ليله على مسرى وليله مغابيش=وليله نخلي نومها لمن رقدها
وليله على تمره وليله على عيش=وليله نوكلك الشحم صيد يدها
يا علي لا جيت العرب لا تجي ديش=خبل(ن) ليا جاب السوالف سردها
احفظ لسانك لا يجي فيه تبطيش=تصبح عيونك كايدات(ن) رمدها
يجيك من ينشدك نشدة تفتيش=يبي يسنع هرجة(ن) يعتمدها
خله يقوم مفلت في يده ريش=يروح منك وحاجته ما وجدها
ترى دعا بيك الخبول الغوانيش=تبدي بما فيها ولا أحد(ن) نشدها
يجيك واحدهم يورش توريش=عجاجته يسبق مطرها رعدها
والا لغمقات السوالف مناقيش=قراية الكلمه على اول عددها
تجي سوالفهم بضحك وتبهيش=وقلوبهم ما احد يفكك عقدها

[ابن مشيب]

قصيدة رائعة يوجد بها كثيراً من النصائح العظيمة , وصقر النصافي غني عن التعريف , وقصائدة في قمة القصائد.


تشكر على هذة المشاركة يالامير.

[الامير]

اشكرك على مرورك

[ابن فرحان]

مشكور يا الامير .. على هذه القصيدة الجميله ..

الله يعطيك العافيه ..

[الامير]

جزاك الله خير على ردك الجميل

[فيصل محمد]

نسقتها لتزداد روعتاً وجمالاً
مشكور على هذه القصيدة يا الامير.. وصح لسان قائلها

[ابو وعيل]

قصيدة رااائعه

صح لسان قايلها

تحياتي

[الجـــــارح]

الامير

ماقصروالله لايهينك

قصيدة رائعة

وصح لسان قائلها

[الامير]

لا هنتم يا الربع على هذا المرور الطيب