هلا مرحبا والا سلام ومســا خير

[محمد العضياني]

ياليل ما يسريك في بعض الاحوال=الا ذيابً ما تهاب اشهـــــــب اللال
وان صار وزن وكيل توزن وتكتال=والنــــــــــار والجنة خبرها مع الله


هلا مرحبا والا سلام ومســا خير=ليا شافها الطيّـــــــب تخيّر حداها
في سوق الثمينة من يعدّ الدنانيـــر=فرق سعرها في سوقها واشتراها

[معجب العتيبي]

ياليل في وقت اللوازم سريناك=ماهمنا فالوقت ذولا وذولاك

ولاحسبنا حساب ذيبك وظلماك=والنار والجنـة خبرهـا مـع الله




نرد السلام ان كانبالوضع تخيير=تحية هل الجنه وكلٍ بغاها
ليا جيت وسط السوق مالي مخاسير=اسوم الثمينه مالتفت في غلاها

[محمد العضياني]

اجل توكل يالعتيبي على الله =ناحر لبيت الله والفرض صله
عساك تاصل للجدي في محله = والنار والجنه خبرها مع الله


على الخد ينبت قحويان ونـــــواوير=ليا هلت السحب المراديف ماها
تحيزم وموح الدلو واشرب من البير=عسى النفس يابو زيد تقطع ضماها

[عيد العازمي]

هذا طاروق الاسبوع


ابداع يالبواردي وياسارح البال لاهنتو

[السيل-الحافي]

واصلووووووووو يالذيابة

[معجب العتيبي]

الفرض يابن الناس حنا نصليه=
يومن بعض الناس دايم يخليه=
ونور القمر لابان للنجم يخفيه=
والنار والجنه خبرها مع الله=



تبا تنبت الارض وتزين التعابير=ليا هلّت اللي مردمه في سماها
جب العلم يارجال وابدا المشاوير=ونفسك على نيتك درّج خطاها

[معجب العتيبي]

هذا طاروق الاسبوع


ابداع يالبواردي وياسارح البال لاهنتو

خلك في شغلك انت ههههههههه

لاهنت على الاطراء ياغالي

[محمد العضياني]

ما اقول فيك قصور يا سارح البال=لكن حسب بدع القصايد والامثال
البــدر في تال الشهر يرجع هلال=والنار والجنة خبرها مع الله


هل الصيت فوق معسكرات المسامير=ومن مد نصف الكف ياخذ ملاها
شداد المطية طول الازمان للزير=وغيره رهين الهقوة اللي هقاها

[محمد العضياني]

العازمي


السيل الحافي


يا مرحبا ويا هلا

نورتوا المتصفح

وتشرفنا بحضوركم

[معجب العتيبي]

يعني مكان الجدي ثابت يارجال؟=
يمكن ولكن تبعده بعض الاحوال=
هذي حقيقه وانشد اصحاب الاقوال=
والنار والجنـة خبرهـا مـع الله=


ترا المجد فازوبه رجالٍ مناعير=ومن دوّر العليا لنفسه لقاها
ترا الزير في هالوقت ياصاحبي غير=تحده ذيابن فاللقا ماقواها

[محمد العضياني]

الجدي ما يخسف ولا يعكس النور=كوكب مشع ونجم عالي ومشهور
هذا الخبر ثابت وفالصحف منشور=والنار والجنة خبرها مع الله



على بكر دارت قاسيات المقادير=وفريسها فالوقت جاها قضاها
غدوا طعمة للذيب والنمر والطير=حداها الزمان الصلف عن مبتغاها

[معجب العتيبي]

يانجم نور الشمس حذرا يغطيك=
ترا الليالي ياعميلي دواليك=
وصحيبك ابدالك نصيحه ويغليك=
والنار والجنـة خبرهـا مـع الله=


قريت التواريخ وبغا عقلك يطير=لكنّ انتبه لاعاد تبحث وراها
هذا وقت فيه ادهن على السير ويسير=ونفسك عزيزه لاتبّح خفاها

[محب الهيلا]

مشكورين وماقصرتوا على الابداع

[ليل الحافي]

الله الله
اجتمع الابداع
العازمي.... و....سارح البال ..
واصلوا وعلى القوّه .... مشجع بقوّه ....

[$ الحــيــران $]

البواردي وسارح البال إبداع إبداع
لاخلا ولاعدم صحت السنتكم

[محمد العضياني]

عزيزي سارح البال

الطاروق مضى وقته

مار صح لسانك والقادم اجمل ان شاء الله

وشكرا للاخوان الذين تواصلوا

[هداج المخامر]

مشكورين الاخوه الاعزاء على الابداع

[مرزوق حمدان العتيبي]

الجدي ما يخسف ولا يعكس النور
كوكب مشع ونجم عالي ومشهور
هذا الخبر ثابت وفالصحف منشور
والنار والجنـة خبرهـا مـع الله







على بكر دارت قاسيات المقادير
وفريسها فالوقت جاهـا قضاهـا
غدوا طعمة للذيب والنمر والطير
حداها الزمان الصلف عن مبتغاها



الله الله على الابداع
....



يانجم نور الشمس حذرا يغطيك
ترا الليالي ياعميلـي دواليـك
وصحيبك ابدالك نصيحه ويغليك
والنار والجنة خبرها مـع الله






قريت التواريخ وبغـا عقلـك يطيـر
لكـنّ انتبـه لاعـاد تبحـث وراهـا
هذا وقت فيه ادهن على السير ويسير
ونفسـك عزيـزه لاتبّـح خفـاهـا

ياسلام ياسلام يابو سلطان ...
مبدع كالعاده

صحت السنتكم
......