الشاعر المتمكن يقرب

[راعي الشلفا]

سلام تسليم الوفى يوم الوفى ماله مكان=ألا مع رجالٍ تمد الاوله للاوله

هذا زمن الكذب والترفيع وأقمح يازمان=حتى حصاة أرزاح لو تدري ماجات محوله

[خوي السعد]

ياللي تسلم مرحبا ترحيب من قلب ولسان = واحسب حسابك للمسافه والعلوم امطوله
هذا زمان (ن) فيه خير وفيه خوف وفيه امان = لكن يالله لاتعين العالم المتسوله

[راعي الشلفا]

أشره على الي لا وقف ماهوب يضمنها ضمان=ماراح يتجول سوات العالم المتجوله

هذا زمانٍ من بغاله عشر مايضمن ثمان=والناس ماتقدر على حاجه لكن امهوله

[خوي السعد]

صح لسانك\استلم

اللي مايحفظ ماقفه ودك تكزه بالسنان = كلمه نقدمها ولكن من قديم امقوله
الرجل مايشكي من الدنيا وباذن الله معان = يعينه الله لو حموله فالجنوب امتوله

[راعي الشلفا]

عدونا دايم نكزه من على ضهر الحصان=والصاحب الوافي ليا ضاقت علاه انموله

بنذوقك بن اليمن والدله أم الزعفران =والي يسوي لك فناجيل المعزه سوله

[خوي السعد]

ياطيبكم ياربعنا يا اهل السنان مع العنان = لكن حنا اللي يعادينا نقوم انغوله
دلتك مشروبه ياراع الكيف دوب الكيف زان = حيثك كريم وحولك اجموع الرجال امظوله

[نواف العصيمي]

الله الله
..

صح لسانكم

متابع .

ولكم التقديرو الإحترام

[خوي السعد]

تسلم يانواف ومتابعتك تشرفنا

[مرزوق حمدان العتيبي]

عدونا دايم نكزه من على ضهر الحصان
والصاحب الوافي ليا ضاقت علاه انموله
بنذوقك بن اليمن والدله أم الزعفـران
والي يسوي لك فناجيل المعـزه سولـه

...
.
الله عليك يابعيد الدار مبدع كماعهدتك
نورت والحمدلله على السلامه ..
..



ياطيبكم ياربعنا يا اهل السنان مـع العنـان
لكـن حنـا اللـي يعادينـا نقـوم انغولـه
دلتك مشروبه ياراع الكيف دوب الكيف زان
حيثك كريم وحولك اجموع الرجال امظولـه


الله عليك ياخوي السعد
نورت القسم وعوده عزيزه على قلوبنا
هلابك..

واصلوا
....

[خوي السعد]

تسلم يابو محمد وهذا من طيبك
وحنا لاجتنا الفرصه مانفرط فيها ونتواصل معكم

[راعي الشلفا]

لكـن حنـا اللـي يعادينـا نقـوم انغولـه:)


اكرب حزامك واكثر الريجيل مايرضى الهوان=واليا رضى بالهون بالله عن حصانه حوله

لو تصلح النيه يزين اللعب مابين الخوان=معناك مثل السيف واهل الشعر سهل أتؤله

[راعي الشلفا]

صح بدنك يامرزوق
والله يسلمك من كل شر

[خوي السعد]

كارب حزامي ياوريث المجد في عسر وليان = يوم ان بعض الناس للعليا ماهيب امخوله
لاطابت النيه ترى اضمن لك نجاح المهرجان = ياشاعر (ن) علاه ربعه بالنجاح امعوله

بعيد الدار احب اقول انك شاعر ترفع الراس وتنومس
صح لسانك واستاذنك خروج وعوده الله اعلم متى
لكن بيض الله وجهك وسامحنا على التقصير.

[راعي الشلفا]

خوي السعد ماعليك زود
وهذا من طيبك ولاحصل منك قصور

[مرزوق حمدان العتيبي]

..
.

بكل امانه انكم مبدعين وجزلين ياثنين
والمشكله انكم متفقين على الغياب لفترات طويله
ومن ثم العوده بالابداع والامتاع ...
طابت ليلتكم ياشعار ... وجعل الله ايامكم كلها افراح ..
...
وسنظل في انتظار ابداع اخر .....
اخوكمـــ ....

[عيد العازمي]

اي والله مبدعين كلكم


بعيد الدار وخوي السعد لاهنتو

[معجب العتيبي]

بصراحه مادري كيف فاتنا حظور هالطاروق المميز

عالعموم مشكورين على الابداع


بس السؤال وينكم منذو مبطي؟

اخر تسجيل؟

[راس النايف]

بعيد الدار & وخوي السعد

صحت السنتكم

مبدعين والله

[ليل الحافي]

الله الله
..

صح لسانكم

متابع

[محب الهيلا]

مشكورين وماقصرتوا

[رعد الروقي]

صحت الالسن يا شعار

[ليل الحافي]

صح لسانكم يالشعلر