قصيده في زيادة الاسعار

[ابن البجاديه]

اعجبت بهذه القصيده واردت ان انقلها لكم واتمنى بأن تعجبكم


الراس صاير فيـه ورشـة حـداده***قام يتحلل فيـه مسمـار ...مســـمـــار

قلت الركـاده ميـر ويـن الركـاده*** كنّي مع الحجاج في رمـي الاجمــــار

من عقـب ماجانـا قـرار الزيـاده*** من مجلس اهل الجود وافين الاشبار

كـلٍ مـن الفرحـة بيقـدح زنـاده*** جبنا القروض نضارب السوق وانهـار

وجينا نبي بـس الرجـا والهـواده***والله وكيلك شبّت اسعارنا .. نـاااااار

والراتـب الماخـوذ جتـه القـراده*** ماينزل الا..صافقه مثـل الاعــــصـار

فاتـورة الهاتـف وعاجـل سـداده*** والقرض والكهرب وتسديد الايـجـار

والتاجـر المليـان جـاب الوسـاده*** يبــــي يوصّـل راس مالـــه لمـلـيـار

والا المواطن صارسهل اصطياده*** جته الهوامير بوسَط غـب الابحار

واصبح نهار وليـل وسـط العيـاده*** مابين طب الراس والقلـب وشهـار

يامـن يوصّـل كــلمتـي للقـيـاده*** لـلحاكـم المحبــوب والوالـــد البـــــار

ماعاد نبغـى فـي الرواتـب زيـاده*** الـلي نـبـيـه اليوم تخفيـض الاسعـار

وسلاااااااااااامتكم...القصيده منقوووله

[محب الهيلا]

مشكر وماقصرت

[ابن البجاديه]

شاكر مرورك

[--- المسعودي ---]

مشكوور


قصيدة رائعة بس من اللي قايلها

[ابــن مـــنـــيـــع]

قصيدة جميلة مشكور على نقلها ياذيب

تحياتي لك

[ابن البجاديه]

اخوي المسعودي اشكر مرورك
وبالنسبه للي قايل القصيده
لا ادري من يكون

[ابن البجاديه]

ابن منيع مشكور واسعدني مرورك