░▒▓████ دريد مثل حد السيف !! ████▓▒░

[راع العلطا]

السلام عليكم ورحمة الله وبركاته
دريد ابن الصمة محراف و متى ما سمحلك وقتك








ياسلم الله سلام ٍ مثل حد السيف حده =مثل حد السيف حده فالمعادي والمبادي
يادريد الست والستين موتر من توده=انتبه لست و الستين الاصبع و الزنادي

[مرجح الميزان]

يادريد الست والستين موتر من توده;)


صح لسانك ياراع العلطا

وصح لسان دريد مقدما


متاااااااااااااااابع

والصف واحد

[$ الحــيــران $]

صح لسانك إبداع

[معجب العتيبي]

صح لسانك بس غير يسلم الله الى ياسلام الله
لأن المعنى يختلف

وصح لسان قبيلك

[محمد العضياني]

صح لسانك يا راع العلطا

وصح لسان دريد الصمة


متابع

[محب الهيلا]

مشكورين وماقصرتوا

[دريد ابن الصمة]

وعليكم السلام ورحمة الله وبركاته ..
حياك الله يا راع العلطا واسعد الحزات ..




يا هلا يا مرحبا ترحيب نداً شاف نده = عد زرقات الرماح وريحها عنبر وكادي

صاحبي قد الجبل ولا الجبل يالربع قده = كلمةً في سد قلبه ما مشت حسب اعتقادي

[دريد ابن الصمة]

مرجح الميزان ..


حي هالتواجد الكريم ... وصح بدنك .. ومتابعتك فخر لنا .


الحيران ..

صح بدنك .. ومشكور على التواجد ..


سارح البال ..

صح لسانك .. وتواجدك غير يا كحيلان ..


البواردي ..

حي هالتواجد وراعيه .. صح لسانك .. ومتابعتك فخر لنا ..


محب الهيلا ..

شكراا لمرورك ..

[راع العلطا]

الله يبقيك


البقا للطيبين وكل ضد يعرف ضده=ويكفي الحر الأشارة يا صدى صوت المنادي
يا دريد العلم عده مثل عد القرش عده=و الحركات القديمه حطها تحت الشدادي

[دريد ابن الصمة]

البحر قدام عيني وارقب لجزره ومده = اترك اللي راح عنك وهات لي علماً وكادي


اذكر الله واستخير وكل علماً فيه لده = وصك سمعك لا تسمع في بهاريج الروادي

[راع العلطا]

انت مدري وش تقول ؟ الظاهر انه بحر جده!؟ =قدمك الخط الحمر و العلم ساحة كل نادي
اعرف السبع المرد و اضحك على اصحاب المرده=شوكت الميزان واحد وزنها حرّ وبرادي

[دريد ابن الصمة]

هد نفسك هدها بالهون شعرك لا تشده = ذاك خطك وانت بصرك من ورا خطك وغادي


كل ما دندن رعدها فالسما هز الاشده = وانت مدري وش هجوسك نازلاً في بطن وادي

[راع العلطا]

العلوم المجرهدّه و الدروب المجرهدّه=انتبه للعلم سته ستّ حشوه بيت عادي
يا كل العلم بعضه و العلم سكين و محده=الجمل من مبركه ما قومه غار القرادي

[دريد ابن الصمة]

لو راحت للصغاير رحت كبرت المخده = مار شفت شعيل بخطامه وفيداه القيادي

يا جماعة خير صفقه كل مره فوق خده = مار من زاده عشاه و لا يخاشرني بزادي

[راع العلطا]

شايفه ما ياكله و اللي ما شافه لا تعده=لا تقوله قيد قوبعتك صباحين وهجادي
امتحيزم خيط الابرة ! و مستلّح بام خدّهْ!=مايعدونه سند يا اللي تعرضها السنادي

[راع العلطا]

دريد المعذرة الاتصال انقطع البارح

[دريد ابن الصمة]

راعي العلطا بعد ما ضاق من مزحه وجده = كل ما شاف له ديره قال هذي من بلادي

يا وسيع الحلق حلقك لا بلشت بعلم سده = واعلم ان البيض بيض ولا تجي مثل السوادي






وصح لسانك يا راع العلطا والختام عندك ...

[راع العلطا]

اخوي الغالي
.
دريد
.
صح لسانك
.
ولاهنت
.
انا و الله ما استانس الا اذا لعبت معك
.
تـحــيـــأأأتــي
.
اخــــوكـ
.
راع الـــعــــلــــطـــأأ
.
..

[بندر الهيلا]

راع العلطا-دريد الصمه
صحت السنتكم ياكبــــــــــــــــار

واصلووووا

تحيــــــــــــــــــاتي
بنــــــــــــــــــــدر الهيـــــــــــــلا

[راع العلطا]

بندر الهيلا صح بدنك ولاهنت على المرور.





والشكر لجميع من تواجد في هذا الموضوع............