تربع فيه برقا اليوم ولا تربع الروقه

[زيد الرايز]

هذه المحاورة منقولة من منتدى شبكة العضيان الرسمي
بين العضو الشاعر كحل اسلامي غير معروف والمشرف الشاعر
قول وفعل العضياني ,وعسى أن تعجبكم...


كحل اسلامي :


سلام الله سلامن فالمخيله لاحت بروقه = عسى وبله يعل الأرض لين يصدر الضامي
تربع فيه برقا اليوم والاّ تربع الروقه = يشوق عيون ناس ما كحلها كحل الأسلامي

قول وفعل :


هلا يا مرحبا حييت والغايات ملحوقه = تشوف البرق وتخيله وقلبك منه منضامي
مهوب أنته يهابه كل من شاف ورأى فروقه = على كبد الحسود أركت ثعوله ميسم حامي

كحل اسلامي :


يا قول وفعل بيت الشعر لو يعجبك طاروقه = ترى بعض المعاني ما تعالج جرحك الدامي
وأنا مالي دخل في خزنتن فالسوق مسروقه = تجمعها شيوخ القوم وتوزعها الأشوامي

قول وفعل :


أنا ما أعجبني الطاروق جيت أذوقك ذوقه = بعدها تنتبه وتعرف قسمك بين الأقسامي
من الماضي نعرف أهدافكم يا شلة البوقه = سماكم مرجفه وأنتم لنا في الأرض خدامي

كحل اسلامي :


عباتك فوق متنك يا وسيع العرف مشقوقه = وثوبك ما هو الأول ولو وسعت الأكمامي
لو إن الوقت يرجع ثمن الرجال منطوقه = ولا عاشوا شيوخ القوم بضيافات الأيتامي

قول وفعل :


تقوله وأنت كبدك يا رفيع الشأن محروقه = من أللي تونسه وأللي تشوفه وسط الأعلامي
لو إن الوقت يرجع كان شفت الروؤس محلوقه = ولا قامت رويبضت الدحول تحط مرزامي
كحل اسلامي :


أنا رجل غناوي والحكي ما همني سوقه = ولا فاحت دلالي من سوالفكم من العامي
غروب المجد يا قول وفعل ما يشبه شروقه = لكن سوق المطيه لين ياصلك أمرنا السامي

قول وفعل :


صحيح أنك غناوي والغناوي يعرف حقوقه = تركد لا تخلينا نلزم فيك بإلزامي
ترانا ليا نوينا الخصم زينا له وفوقه = يا راعي الأمر دافع عن كيانك وأمش قدامي

كحل اسلامي :


حبوبك في رحانا يا طويل العمر مدقوقه = لا يزعلك الكلام الزين وأنته في بلد نامي
مصادرنا ليا جبنا الخبر يا قول موثوقه = ما فيه إلا عوافي لو يعوّد حكم صدامي

قول وفعل :


أقول ارتح وعيّن خير دام النفس معتوقه = رحاتك كسّرت من يوم جيتك يا أبو عرامي
مصادركم غلط والصّح عندي قفل صندوقه = تطاول وأنت أشوفك في عيوني مثل الأقزامي

كحل اسلامي :


أنا أشوفك كبير القوم لو مشيتك مطفوقه = من الفسقه على دربك تفجر كل الألغامي
نبيها سابقه من يمكم ما هي بمسبوقه = ورى إبن العود غير مشيته من زود الأنعامي

قول وفعل :


كبير القوم ولاّ صغيرهم والخصم أنا عوقه = قصرت بهقوتك يوم أنت زادت فيك الأوهامي
أبا أعلّمك كانك ما تجيك أخبار مصدوقه = تغيّر مشيته لا جاء نهار صفوف وزحامي