((المرجله))

[ابن البجاديه]

السلام عليكم ورحمة الله
هذه القصيده تحكي عن المرجله وقد اعجبتني واردت ان انقلها لكم
واتمنى أن تحوز على الرضا والقبول




الطيب كايد مـا يجـي بالتساهيـل
ولا كل من هاز المراجـل خذاهـا
ولا كل رجلٍ للصعيبـات حلحيـل
ولا كل من هـام الطويلـه رقاهـا
ولا كل رجلٍ مدتـه توفـي الكيـل
ولا كل من سام النـوادر شراهـا
ولا كل رجلٍ ينقل الحمـل ويشيـل
ولا كل من شال القضيـه حماهـا
ولا كل رجلٍ وقفته تعـدل الميـل
ولا كـل وقفـه تحتميهـا لحاهـا
أحدٍ غرامه شرب صعب الفناجيـل
ساق المراجل لين وصلت مداهـا
طلعه بعيدٍ مـا إلتفـت للعراقيـل
كل المراجـل حازهـا واحتواهـا
طيب وشجاعه بالكرم يفني الحيـل
دين وتواضع والفرايـض قضاهـا
وأحدٍ بدرب الطيب مالـه مداهيـل
أبسط دروب المرجله مـا مشاهـا
له لحيـةٍ شابـت بليـا محاصيـل
حتى الحقوق الواجبه مـا عطاهـا
خلفة عرب مسكين وضعيف وبخيل
أربع مراكـي والرخامـه غطاهـا
وأحدٍ غرامه نقلة القـال والقيـل
يشذب عراقيب البشر فـي قفاهـا
يعشق فنون الكذب يرسم تماثيـل
ومن الخساسه كل هرجـه لواهـا
بين العرب دايم يحيـك المحابيـل
ما يمسي ألا قد عقد فـي رشاهـا
نقصٍ على ربعه وصنف الرياجيل
تقصر يمينـه والسـواد ايغشاهـا
وعن لحيته تكرم بنات المشاكيـل
اللي على الجزله تربـي ضناهـا
وأكبر مصيبه لا تساوى فهالجيـل
ثلاثـة الأصنـاف فـي مستواهـا




وسلامتكم


ـــــــــــــــــــــــــــــــــــــ

[محب الهيلا]

مشكور على هذا النقل ابن البجاديه

[ابن البجاديه]

شاكر مرورك

[النخيــــــش]

يعطيك العافيه



على النقل وصح للسان قايله

[ابن رازن]

مشكور على النقل وتقبل تحياتي

[ابن البجاديه]

اخوي النخيش
اخوي ابن رازن
مشكورييين