خلووووها

[ابو بندر]

ياهاجسي لن كان متضايق فرج ربي قريب=علاك باالشعارفي الهيلاو تلقالك خبر
سلم علاهم قبل قرص الشمس في بحره يغيب=واللي تباه تحصله في بر ولا في بحر

[مرزوق حمدان العتيبي]

حي الله اللي هاجسه عذب ٍ مثل طعم الحليب = صحيح من قال الشعر نوع ٍ من انواع السحر
امر يابو بندر ترى ماجيت تطلب لك صعيب = الخيل فالميدان والمعنى على سطح القمر

[سلطان الجـذع]

صحيح من قال الشعر نوع ٍ من انواع السحر:)

ياخطير



صحت الالسن و متابع للفائده

[مرزوق حمدان العتيبي]

..
.
هلا ببو عبد الله والصحيح مافيه اخطر منك :)
متابعتك تشرف ..
... اخوك ــ

[ابو بندر]

بقيت يا راع الوفى والجرح يلقاله طبيب=لو كان بعض الناس طول الوقت عايش في خطر
مابي يكود ارضاك يا مرزوق يا الرجل العريب=ودي نغني سامري ولا نغنيها شقر

[محب الهيلا]

مشكورين وماقصرت

[مرزوق حمدان العتيبي]

ياذيب ياذيب ٍ تجر الصوت ثم جاوبك ذيب = الخط قدمك يمترح واربط حزامك للسفر
خوة قوي المعرفه ترفع مقام ولاتعيب = وانا اتمتع بالسوالف مع بعيدين النظر

[مرزوق حمدان العتيبي]

..
.
حياك الله يامحب الهيلا
...

[ابو بندر]

افرح ليا خاويت فارس راكب صهوة نجيب=لو طالت الطرقه وخذناها سنه ولا شهر
لا كن يا ذيب الخلا محتار في الوقت العجيب=وقت يتقلب ما عرفناله بطن ولا ظهر

[معجب العتيبي]

ابدااااااااااااع وحوار سيصل حتما الى حل قضية ابو بندر
كيف لا؟ والطبيب اليوم هو مرزوق العتيبي.

ازهلوا الصفوف وانشغلوا بالنقض والفتل

..

[فهد النفيعي]

متابعينكم واصلوا الابداع

[مرزوق حمدان العتيبي]

لاينشغل بالك ولا تحتار فالوقت الغريب = خلك على نهج الحبيب المصطفى خير البشر
بان الهدف لكن جعل اللي يبا يرمي يصيب = مايطرح الشاره يابو بندر كفيف ولا عور

[مرزوق حمدان العتيبي]

ابدااااااااااااع وحوار سيصل حتما الى حل قضية ابو بندر
كيف لا؟ والطبيب اليوم هو مرزوق العتيبي.

ازهلوا الصفوف وانشغلوا بالنقض والفتل

..

...
هلا ومرحبا فيك يالاستشاري :)
نورت ووجودك فالصف يزيدنا فخر يابو سلطان
..
تحياتي

[مرزوق حمدان العتيبي]

..
.
يالله حي فهد نورت وشرفت
...

[ناصر الجلاه]

..

ابوبندر

..

مرزوق العتيبي

..

مرحبابكـ يابوبندر بين اخوانك .. وصح لسانك على البدايه الرائعه

وصح لسان مرزوق ابومحمد على الارد الوافي .

واصلوووووا متابعين

..

[ابو بندر]

الحمد لله مامشينا في الطريق اللي تعيب=حنا على هدي الرسول المصطفى صاحب عمر
واللي يخالف دربه ارموشه بعون الله تشيب=والوقت يا راع المثايل فيه الي ولك عبر

[ابو بندر]

الاخ الكريم ناصر الجلاه
ابقاك الله وصح الله بدنك

وجودي بينكم يا ابناء العم يزيدني شرف.

[معجب العتيبي]

ياسلام ياسلام


الوقت مليء بالعبر والسهره مليئه بالمفاجئات

لازلنا نتابع

[ابو بندر]

شكرا لك اخي /مرزوق العتيبي وصح الله لسانك
وشكرا للمتابعين
وتصبحون على خير

[راع العلطا]

هــنــــا


الأبـــد111ع

هــنـــا

ابو بندر و مرزوق

صح الله السنتكم وهذا الكلام و الملاعب اللي تشوّق متابعهااا

تقبلوا مروري

اخـــوكــم
راع الـــعـــلـــطـــاا

[$ الحــيــران $]

ياسلام يابو بندر رائع

إبداع يامرزوق لاهنتوا وصحت ألسنتكم