ماهذا يا قناه الساحة؟؟؟؟؟؟؟؟؟؟؟؟؟؟؟

[العنضولي]

كلنا نشاهد قناه الساحة
وكلنا نشهد لها بالتميز

ولكن
ولكن
ولكن
ولكن


شاهدنا العنصرية الواضحة في عروض الابل
حيث لايوجد الا هيف والهاجري وشيلاتهم ورقصهم

يوجد اذواد رائعه للسبعان وللمطران بغض النظر عن العتبان حتى لايقولو عنصرية

ماهذا

الساحة 1 لايوجد الاهيف وعرض المغاتير ثم المجاهيم ثم الشعل
واذا لايوجد عرض جابو لقاءات معه

الساحه 2 لايوجد الا الهاجري وعرض ابله

فهل القحاطين فقط المشاركين والا اللي مهو قحطاني لايتفرج

فضهرت العنصرية الواضحه هنا
حتى ان الناس ماتابعو مزاين ام ارقيبه زي كل مررررررررة
شكل كل قبيله تسوي قناه احسن

[ابو سعود الجعيداني]

لا تنسى ان صاحب قناة الساحة هو الشاعر ناصر القحطاني


بس حنا ماهمنا ماتعرضه القناة حنا همنا أننا نحن نفوز بالمراكز المتقدمة


تحيتي لك

[انتمي للهيلا]

والله أنك صادق

[الاصمعي]

لا يالذياااابي الدعوه
على مااعتقد انك تدفع اكثر نعرض ونعرض ابلك اكثر
وكل مازودت فهم يزيدووون ، ولكن ماعلااك
انشالله مراح تسمع الا اللي يرضيك..

وسع صدرك واركب سدرك ..:)

[منصور بن فهيد]

القناه على مااظن تصور حسب الطلب ..
بما انها قناة تجاريه اكيد كل شي بمقابل ..
والله اعلم ..
عموما هناك قنوات كثيره تغطي الحدث بما فيها قناة الصحراء فهي القناه المتفوقه والناجحه على مستوى القنوات الشعبية وقاعده تبذل مجهودها وتسوي لقائات بدون تحيز ..

[محب الهيلا]

والله ياأخوان طول فترة مزاين عتيبه ماأشيل عن الساحه ومن يوم راحت برامج المزاين ماعاد حطيت عليها النتائج نسمعها ان شاء الله مدويه لصالح الهيلا

[مشعل الاسعدي]

يــا اخوان اول شي راعي القناة الشاعر الكبير/ ناصر القحطاني .
وهو رجل معروف بلطيب وعدم والعنصرية بس على ما اتوقع انها مثل ماقالوا الاخوان قناة تجارية .بعدين لو ميجي من قناة الساحة الا انهم غطوا مزايين عتيبة يكفي منهم وماعلى المحسنين من سبيل وهذي وجهة نظري فقط .

[عتيبـــــ ولد ــــــــة]

يــا اخوان اول شي راعي القناة الشاعر الكبير/ ناصر القحطاني .
وهو رجل معروف بلطيب وعدم والعنصرية بس على ما اتوقع انها مثل ماقالوا الاخوان قناة تجارية .بعدين لو ميجي من قناة الساحة الا انهم غطوا مزايين عتيبة يكفي منهم وماعلى المحسنين من سبيل وهذي وجهة نظري فقط .

تراهم ماقصروا في نقل مزاين الهيلا وابدعوا صراحة في نقله ..

وبالنسبة لمزاين أم رقيبة ..

بما أن عتيبة ليس لها الأمر ولم تدفع ولم تشترط مثل ما عملت في ملتقاها (يعني مالها دخل في إدارة المزاين ) فهي فرصة لأبراز الغير لأحساسهم بالنقص أمام شهرة عتيبة التي طغت على غيرها ..

خلوهم يفلونها ..

والشهرة لفنجال عتيبة الله يسلمه ..

حتى الظاهر بوش الله يلعنه لو يشوف بعير قال:

" أوووه ماي قاد .. ذس أنيميل فور فونجال " ..

[مشاري]

للمعلوميه فقط ملكية قناة الساحه لـ هيف القحطـاني .. وناصر القحطاني فقط مسؤول عن القنـاه ..

للتوضيـح فقط ...


مودتي...

[روق والسماء فوق]

مابعد مزاين عتيبه شي في نظري

[ابن فيحان الدلبحي]

حسب علمي بأن العروض الخاص بالأبل مقابل مبلغ

والقناة تجارية

يعني كل طالعه لهيف على الجيب ... بمبلغ وقدره

ورش على القناة

[العنضولي]

مشكوووووووووورين اخواني على المرووور


ولكن عندي بعض الملاحظات

1- ملكية قناة الساحة ليست لناصر القحطاني فقط واول الداعمين هو هيف

2- مهو معقوله يا اخوان ان اللي يدفع بس هيف والهاجري
نشاهد عروض لبعض الاذواد ولكنها اذا عرضت لم ترجع وش يعني هذا ان هؤلاء يفعون ايضا

3- بالنسبة لمزاين الهيلا لايختلف اثنان ان قناة الساحة نكيته ودفنته
واكبر خطا حصل في المزاين ان قناه الساحة تولت نقله

بالتوفييييييييييييق للجميع

[الـثـقـفـي]

اصف كلامي لي اخوي روق والسماء فوق والله انه صادق\ وتقبلو مروري
ابن عمكم...(عزيز الثقفي)

[الـذيب]

شرهتكم على الي حط الساحه من عقب مزاين عتيبه والله القناه تجاريه وبااايخه بالعربي ودون المستوى وانا اكتفي بمتابعت الاخبار وسماع البشاير انشاءالله بفوز كل من شارك من العتبان بام رقيبه انشاءالله في المنتدى ونحتفل جميعاً هنا وخل ساعتها الي مقهور وحاسد على نجاح الملتقى يمووت بقهره اذا فزنا انشاءالله بام رقيبه .

[عتيبي وافتخر بعتيبه]

والله انك صادق وانا بغيت اكتب قبل كذا بس خفت الموضوع يصادر مثل سابقه
ثانيا الي يقول القناه ماقصرت في منتدى عتيبه اي ماقصرت يارجال كل ذا وماقصرت ؟
القناه ناقله بفلوسنا ومدفوع لها مبلغ وقدررررره غير مبالغ الحفلات وخلافه
وهذه عنصريتهم البغيضه بانت هالايام في ام رقيبه لكن بالنسبه لي انا كنسلت القناه وتابعت الصحراء تغطيه ممتازه وشامله
والي اعرفه ان القناه مملوكه لواحد يمني اسمه على سعد وهوصاحب الاوتار والي كان لها الفضل في شهرة ناصر القحطاني وانتاج اغانيه
.................................................. .................................