البواردي عليك الطلب

[نايف بن ملحق الثعلي]

مرحبا عداد ماهب ذعذاع الهبوب=والمواقف عزها دايمٍ برجالها
يالعضياني ترا ماتضيقبنا الدروب=شد حيلك والاصيله تبا خيالها

[محمد العضياني]

ارحب ارحب يانايف تشرفني


استلم :



البقا ياللي ترحب عدد نبض القلوب=بيع واشتر والنشاما بروس اموالها
فيه بارق فالشمال وزوابع فالجنوب=والعرب تاخذ جزاها بحنس اعمالها

[نايف بن ملحق الثعلي]

الله اللي يعلم السر علام الغيوب=كل كلمه يالعتيبي يجيك ابدالها
بنت ابو زيد الهلالي لها عشرين ثوب=مار شرهتها تعود على رجالها

[سلمان الروقي]

الله الله
صح لسانكم يامبدعين

[محمد العضياني]

ان شعت النار جاك القدر من كل صوب=حملتــــك لابد يالاجودي تشتالها
من كفلها يحتميها بساحات الحروب=يمنع العدوان عنها ويحسن فالها

[عيد العازمي]

نايف والبواردي لاهنتو على الجزاله


استأذنكم

[نايف بن ملحق الثعلي]

لا تشب النار منت بعلى النار مغصوب=كان عندك حيلةٍ لازمن تحتالها
انت يارجال مافيك عيب من العيوب=والعلوم اتمر مدري متى تصحالها

[علي فلاح العضياني]

الله الله






واصلوا وعلى القوّه

[نايف بن ملحق الثعلي]

العازمي مرورك يشرفنا

دمت بخير

[نايف بن ملحق الثعلي]

الفالح ارحب ارحب

[محمد العضياني]

الشروق اللي تظنه يشابه للغروب=يختلف والشمس ميّز جميع احوالها
يا هجوسي لين اعرف الصدوق من الكذوب=استريحي عن قصار الطرق وطوالها

[محمد العضياني]

سلمان الروقي


العازمي



الفالح


هلا ومرحبا شرفتونا بحضوركم

وصحت ابدانكم

[نايف بن ملحق الثعلي]

لازمٍ نعطيك يا صاحبي حتى تتوب=وشتبى من دلةٍ شاربٍ فنجالها
ادري انك شاعرٍ في المواقيف محسوب=والسوالف طيعني لا تعقد احبالها

[محمد العضياني]

ما شربت الا قراطيع من ديس الحلوب=والبسيطة ماتعدي بروس جبالها
ليت نايف فالسفينه يدور له ركوب=البحر قبله رجالً كثير اغتالها

[علي فلاح العضياني]

الله الله



ولا يزال الابداع مستمراً

[نايف بن ملحق الثعلي]

لا تقوله والبحر لا تحسب انه يروب=والمواقبف الصعيبه ترا حنا لها
ابشر اني ياحمر العين مانيب امغلوب=مار بعض الناس يالله تستر حالها

[محمد العضياني]

والله انا حاسبينك من حساب الشعوب=مانت عمً للجليله ولا انته خالها
فوق كاهل طيب الراس يا كثر الذنوب=غترته من غابر الوقت مال عقالها

[نايف بن ملحق الثعلي]

صح السانك

تصبح على خير

والجايات اكثر

[محمد العضياني]

شرفتنا يالفالح

ولا تروح بعيد

اظنك تفزع لي ضد المدعو نايف

ترى ماعاد وراي قطرة

[محمد العضياني]

صح بدنك وشرفت اخوك بهذا القاف

وصح لسانك انت ايضا

وانت من اهل الخير

[معجب العتيبي]

توضيف للمعاني يثلج الصدر

ومشكورين على الطاروق