العازمي تقدم .....

[نايف بن ملحق الثعلي]

مرحبا ترحيب مثل الذهب يالعازمي=وانت راعي ظلم وتلد عينك في القرى
الشرا والبيع في السوق عانه محتمي=سرها والدرب قدام لا ترجع ورى

[عيد العازمي]

البقا عداد وبل الخيال المرزمي = والقرى ديرة جدودي يابن ثعلي ترى


فالديار الواسعه لو سجّيت اقدمي = راجعلك يالقرى حي ياذاك الثرى

[علي فلاح العضياني]

الله الله


صح لسانك على هالبدايه الطيبه


وصح لسان ابو طلال مقدما والصف صفك يابن عاصي

[نايف بن ملحق الثعلي]

انت كبيت القرى يالعقاب الصيرمي=والحقايق واضحه كل مارد البرى
واثر مالك في الديار النحيه لازمي=مار جرحك من غبون الليالي ما برى

[بندر المرشدي]

الله الله ياسلام

طاروق روعة وشعراء مبدعين

[عيد العازمي]

لو كبيت القرى فيه منساب اعجمي = ما يشيله غير من شال منظومة كرى


فالقدايم خصمنا فالقرى رجل اسلمي = والسنين التاليه ولّعت تحت الذرا

[عيد العازمي]

بندر والفالح هلابكم


لاهنتو

[نايف بن ملحق الثعلي]

احسبنك محزمي واثر منت بمحزمي=اخر الايام كنك بليس الاعورى
والله انا مانذم العوازم يأدمي=فعلكم خلى الذي مادرى عنكم درى

[نايف بن ملحق الثعلي]

الفالح
بندر المرشدي

هلا وغلا

[عيد العازمي]

محزمك قدام الاعدا عدوّن ضيغمي = كان تطمع في عدودي بعد طارن طرى


فعلكم مع فعلنا في قرانا مسهمي = مير عودو للفضيله قبل وقت الزرا

[نايف بن ملحق الثعلي]

ماطمعنا فيك مار انتبه لا تنعمي=تدري انا في ديرنا مشايخ وومرا
انت قسمك تعرفه وش تبى في مقسمي=الله اكبر كيف ماتنكرون المنكرا

[عيد العازمي]

ميلكم بيّن يانا يف علامك تنجمي = كل شيخن من فعوله يبين ويذكرا


قسمنا من دونه الموت الاحمر والدمي = كان نايف طار بحلوقنا مثل الغرا

[نايف بن ملحق الثعلي]

انصحك لاتقرب النار فيها ميسمي=حجتي يشهد لها اللي كتب و اللي قرا
انت منت بجايلي نص لقمه في فمي=مار خل السالفه ريح مسك وعنبرا

[سلمان الروقي]

نايف صح لسانك
العازمي صح لسانك

لاهنتوو

[نايف بن ملحق الثعلي]

سلمان الروقي
صح لسانك

[عيد العازمي]

ميسمك حطه على اللي لملكي يهتمي = حجتي قدام علم الكتابه يثمرا


انت مطعومك يانايف يغاير مطعمي = غير في كيف النشاما وفالتمر اخشرا

[نايف بن ملحق الثعلي]

حجتك ضاعت وجاك الزمان العالمي=مار روح يم طيبه وزور ام القرى
لا تحسب انك سوات الرسول الهاشمي=عازميٍ تخلط الاحمرا بالاسمرا

[ابن نميان]

لو كبيت القرى فيه منساب اعجمي = ما يشيله غير من شال منظومة كرى


فالقدايم خصمنا فالقرى رجل اسلمي = والسنين التاليه ولّعت تحت الذرا


محزمك قدام الاعدا عدوّن ضيغمي = كان تطمع في عدودي بعد طارن طرى


فعلكم مع فعلنا في قرانا مسهمي = مير عودو للفضيله قبل وقت الزرا


:D

أرحب يابن عااااصي تراحيب المطر

الليل الليل

سجلني في صفك

<<---------- عنصري:Dههههههههههه

ولايهون ابن روووق نايف صح لسانه مدد بلاعدد

متابع لكم وفالكم التوفيق يالقرووووووووووم :)

[نايف بن ملحق الثعلي]

ابن نميان صح لسانك
واترك العنصريه
ياولد عاصي

[عيد العازمي]

تحسبن العولمه باخذ حق المسلمي = وانت ترجع في عوارف وعقّل وشعرا


الرسول الهاشمي للخلايق ملهمي = يوم غربك فوق راسك تمايل وانفرا

[عيد العازمي]

الشكر لكل من مر وشرفنا


ابن نميان لاهنت

[نايف بن ملحق الثعلي]

العازمي اسعدتنا باللعب معك يالغالي
صح لسانك

[عيد العازمي]

لاهنت يانايف شرفتنا


واستفدت منك طال عمرك على الطاعه