قوم يالعازمي والبرق عانه يلـوح

[محمد العضياني]

الاخ العازمي

السلام عليكم

طاروق للفائدة

استلم


قوم يالعازمي والبرق عانه يلـوح=من صدوق الخيال ومقتفيه المطر
انت رجلً فطين وللمعالي طموح=سج رجلك مع البيدا ومد النظر

[علي فلاح العضياني]

الله الله

طاروق على مستوى لله درك يابو سلطان


وفي انتظار ابو طلال وانا في صف العازمي



واصلوا وعلى القوه

[عيد العازمي]

ليل ليل السعد والعز نده يفوح =عن بروق الحيا ماجاك علم وخبر


للمعالي بنينا ياعميلي صروح = زيد يفرح ليا قابل خويّه عمر

[عيد العازمي]

البواردي اتشرف باللعب معك


ولكن عندي دوام نكمل القابله لاهنت


تراني طربان للعب مع شاعر كبير بمستواك

[محمد العضياني]

عندي اخبارها واخبار عن قوم نوح=يوم هل السحاب الماء وفاض البحر
اسر والشك زايل يا بعيد الشبـوح=عقب دار الفلك دور لنفسـك مقر

[محمد العضياني]

معذور يالعازمي والشرف لي

واشكرك على المجاملة التي ذكرتها

وهذا تواضع منك طال عمرك

على العموم الدوام اهم

ومتلاحقين وانا اخوك القابلة

[عيد العازمي]

افد روحك يابن عاضي بمليون روح = واتعظ من قصصهم دام فيها عبر

كان دار الفلك بالسد حذرا تبوح = ماتغير محلّلي والقدر فالصدر

[نايف بن ملحق الثعلي]

صحت السنتكم شعار
مبدعين

[محمد العضياني]

السفينه واهلها والحصان الجموح=ماعليها خلاف ولا عليهم خطـــر
وارد العد لــــو انه بدلوه يمــوح=لبّسه طيــّب المـــدات ثوب الفخـــر

[عيد العازمي]

ويش رايك نجدد ماضيات الجروح = كل جرحن عليه اندق واحد وتر


وارد العد يسق الطيبين ابوضوح = مير ثوبك علامه عن رجولك شمر

[محمد العضياني]

شب نارك بعدما راح وقت المزوح=واعرف ان التمر ماهوب مثل الجمر
ثوب ابو زيد ضافي والشقاوي ينوح=من صدوف الليالي ما لقاله مفر

[السيف الارقب]

صح لسانك على هالبيت

[السيف الارقب]

وتحياتي للجميع وشكراً

[عيد العازمي]

نارنا شف حطبها سمر ماهو سروح = مار قرب تدفى لاتروّح خصر


ماطلبنا عطيه من يدين الشحوح = نكسب الطيبه قدام كل البشر

[محمد العضياني]

ما لقيت الك نار وعن حليب المسوح=حدك الحظ الاقشر والزمان الغبر
المساميـــر مغروزه على كل لوح=لان صب العرب منها جنون البقر

[عيد العازمي]

كان تمشي مغمض جعل حظك دبوح = طحت فالنار لكن استعن بالصبر


جارنا كل ليله يطلب الله نروح = في مريكا تسويها الهنود الحمر

[محمد العضياني]

عن حياة القرادة فكروا فالنزوح=ماعليكم ملامة لو وصلتوا مصر
ساكن الدور الارضي لو طلع للسطوح= ميّز الفرق مابين الغنا والفقر

[عيد العازمي]

ياحياة المعزه واعتزي بالطلوح = لاتعاين سما يجهرك نور القمر


ماطلبتك تبيّن باقيات الشروح = لو تعلّم بوضعك محد يمك نظر

[محمد العضياني]

والله ونعم لكنك كفيت الصبوح=والقمر يالعتيبي جاه نور الفجر
عينك اللي عن القول الموثق تشوح=جعلها بالسلامه ياطويل العمر

[معجب العتيبي]

والله مالقيت كلام اكتبه الا هالجمله:


مدري وشلون فاتني هالطاروق المميز ومن شعار مميزين؟

[عيد العازمي]

سارح البال لاهنت


والبواردي شاعر علم منه نستفيد والله

[ابن نميان]

نارنا شف حطبها سمر ماهو سروح = مار قرب تدفى لاتروّح خصر


ماطلبنا عطيه من يدين الشحوح = نكسب الطيبه قدام كل البشر


ما لقيت الك نار وعن حليب المسوح=حدك الحظ الاقشر والزمان الغبر
المساميـــر مغروزه على كل لوح=لان صب العرب منها جنون البقر


كان تمشي مغمض جعل حظك دبوح = طحت فالنار لكن استعن بالصبر


جارنا كل ليله يطلب الله نروح = في مريكا تسويها الهنود الحمر


عن حياة القرادة فكروا فالنزوح=ماعليكم ملامة لو وصلتوا مصر
ساكن الدور الارضي لو طلع للسطوح= ميّز الفرق مابين الغنا والفقر


ياحياة المعزه واعتزي بالطلوح = لاتعاين سما يجهرك نور القمر


ماطلبتك تبيّن باقيات الشروح = لو تعلّم بوضعك محد يمك نظر


والله ونعم لكنك كفيت الصبوح=والقمر يالعتيبي جاه نور الفجر
عينك اللي عن القول الموثق تشوح=جعلها بالسلامه ياطويل العمر

:)

أبحث عن جملة أسطرها هنا في هذا المتصفح لاأجد غير كلمة واحدة

ولا أدري أتفي بـ ا الغرض المنوط بها ..!!

إبداع فقط ولاغير الأبداع هنا..!!

البواردي وابن عاااصي

رسمتم الأبداع بكلمات تحكي قوة شاعريتكم

فـ صحة السنكتم مدداً بلا عدداً

كل التوفيق والأحترام لكم

[محمد العضياني]

الفالح

نايف الروقي

السيف الارقب

مرحبا بكم وصحت ابدانكم

ــــــــــــــــــــ

سارح البال

حياك الله

وصح بدنك

شرفتنا بحضورك وعطرت المتصفح بتعليقك

الذي نعتبره فخر

ــــــــــــــــــ

ابن نميان

ارحب ارحب

ومجرد حضورك يشرفنا فما بالك

اذا نورت المتصفح بحروفك

والابداع هو تشريفك انت وشرواك

وما تفضلت به اعتبره وسام

ـــــــــ

الشاعر الرائع العازمي

صح لسانك مليون

ولك تقديري

[محب الهيلا]

مشكورين وماقصرتوا

[$ الحــيــران $]

عزالله محراف كايف صحت ألسنتكم