ابو فلاح مساء الخير!!...

[سلمان الروقي]

سرى الليل يالفالح وليلك غرابيل=تحيزم ترى قافيك طرقه طويله

من العام وانت تشيل وتحط وتشيل=ولا شفت لك منتوج ظاهر حصيله

[علي فلاح العضياني]

سرى الليل وانته مبتدي فاول الليل=وانا اسري على الشعار في كل ليله
لا تظلم رفيقك متعب الجيش والخيل=انا بالمعزّه فوق سرج الاصيله

[عيد العازمي]

سلمان صح لسانك


الفالح كفو لاهنت

[صخر]

سرى الليل وانته مبتدي فاول الليل=وانا اسري على الشعار في كل ليله
لا تظلم رفيقك متعب الجيش والخيل=انا بالمعزّه فوق سرج الاصيله

سلمان صح لسانك الفالح صح لسانك

سرى الله = سرى الليل :)

[عيد العازمي]

سرى الليل وانته مبتدي فاول الليـل
وانا اسري على الشعار في كل ليله

[سلمان الروقي]

علومك تراها كلبوها تهاويل=ترانا نعرف الذيب دم وفصيله

انا خابر رجال وتوفي الكيل=ومعروف يابن الناس مافيك حيله

[سلمان الروقي]

العازمي مرورك يسعدنا ويشرفنا
صخر مرورك شرف الله يطول عمرك

[علي فلاح العضياني]

علومي وانا الفالح علوم الرياجيل=ومن لا يثمّن كلمته عزّتيله
ورى ما غزيت سليم و مطير و هذيل=انا وانت ربع وكلنا من قبيله

[علي فلاح العضياني]

اشكر جميع الاخوان اللي حقيقه نوّروا الصفحه وتحياتي لهم

[سلمان الروقي]

نعد الحقايق وانت مارضا لك الميل=وبديك بالمده ومد الجزيله

بروق الحياء جاتك من القبله اتخيل=ومن يعترض لسيل يبغا يشيله

[علي فلاح العضياني]

ترى مدّتك مضمون من دون تحليل=ابدّيك بالمدّه ولا هي قليله
بروق الحياء لاحت ولا شيف له سيل=وبرقٍ بليّا سيل ما احدٍ يخيله

[سلمان الروقي]

بلا قصور فالحضار وبكل حلحيل=ومثلك فـ هالعالم مانلقاء مثيله

اظن النظر قاصر وتحتاج دربيل=ولافيه شي الا وله كم وسيله

[علي فلاح العضياني]

يقدّيك نجم الجدي فالليل وسهيل=وتصبح مع الشعار ما فيك حيله
امدّ النظر وآشوف ما ابغى درابيل=وكلٍ على معناه ينضح صميله

[سلمان الروقي]

انا مستدل مع الدليله..ولي حيل=ولن شفت لي منجوم انا له دليله

ترى الكيف مايصلح بلا بن ٍ وهيل=حلاته ليا زودت بنه وهيله

[معجب العتيبي]

الفالح لروقي ابداع متجدد

وموضوع شيق يستحق النقاش

متابع

[سلطان بن ثعلي]

الله الله ياشعار

صحت السنتكم

سلمان الروقي

الفالح

والليل واصلوااا ابداع


سلطان بن ثعلي

[محب الهيلا]

مشكوررررررررررررررررررر