الــــــــــــــعـــــــــــــــــــــمـــــــــــ ـــــده

[علي فلاح العضياني]

شفت لي فالمنتدى شاعرٍ توّه جديد=قوم يالعمده وعطني علومك كلّها
مدري انته يا اجودي من قريب او من بعيد=وباقي الالغاز ما نبتلش في حلّها

[أبو نجر النفيعي]

..

الله الله عليك يالفالح ..

صح لسانك وفكرك ... واصل واصل ..

وصح لسان العمده .. مقدما ..

ومرحبا فيه :)

.

أخوكم..


متااااااااااابع

[سلطان بن ثعلي]

الله الله

يا الفالح صح السانك وابدااااع


وانا الليلة في صفك،،،



شفت لي فالمنتـدى شاعـرٍ تـوّه جديـد=قـوم يالعمـده وعطنـي علومـك كلّهـا
مدري انته يا اجودي من قريب او من بعيد=وباقي الالغـاز مـا نبتلـش فـي حلّهـا

[أســ القاع ــد]

صح السانك يا الفالح


واعتلا شانك

ويعطيك الله العافية

تحياتي ،،،

[رعد الروقي]

العلوم طوال والبنـــــك مليانً رصيد=الخيــــول نعنها والسيــوف نسلها
من عتيبة لابة العــــــــــــــز والراي السديد=مار عد النايفة والطمينه خلها

[أســ القاع ــد]

صح السانك يا العمدة

والليل ياشعار

واصلواا ولاهنتوا

تحياتي،،،

[علي فلاح العضياني]

يا لعلّك عند ربعك تفيد و تستفيد=فالبيوت اللي يظلل عتيبه ظلها
بان حيد العلم واللي بقي هل من مزيد؟؟=الفريضه كلها يالعتيبي صلها

[علي فلاح العضياني]

ابو نجر النفيعي





سلطان ابن ثعلي




اسد القاع



لاهنتوا على المرور ويعطيكم العافيه

[رعد الروقي]

اشتري وابيع بالقرش فالشي الفريد=للــرفاقة ريف والقوم عندي ذلها
من سلايل روق والسيف سيف ابن الوليد=مار ليلى يابيض الوجه من هو خلها

[رعد الروقي]

الاخوان اللي شرفوني بتعليقهم مشكورين وصحت ابدانهم

[محمد العضياني]

صحت السنتكم يا شعار مبدعين بحق



متابع

[عيد العازمي]

بان حيد العلم واللي بقي هل من مزيد؟؟==
الفريضـه كلهـا يالعتيبـي صلـهـا



كلام يالفالح صح لسانك


العمدة صح لسانك شاعر جزل

[بعيدالهقاوي]

صــــــــــــــح لســــــــــــــــانك

[علي فلاح العضياني]

يوم يجمعنا بمثلك نعدّه يوم عيد=احتزم واللي يعقد الحبال يحلّها
والله ونعمين يا راعي السيف الحديد=والخليله هاويتني وانا كفوٍ لّها

[رعد الروقي]

ماعليكم زود وانتم هل الباس الشديد=والموارد عندكم ما اشتكيتوا قلها
ابن غانم ماذكر له شبيه ولا حفيد=وان نزل ديره برمحه يبا يحتلها

[علي فلاح العضياني]

انت معنا يا ولد روق والزايد يزيد=العلوم تجيبها والدروب اتدلها

غير ابو زيد الهلالي ما فالكون ابو زيد=يحتمي علياء من القوم ما تاصلّها

[وحي العقل]

كلام كبير وشعراء كبير

ماشاء الله

[رعد الروقي]

معك لكن المقدم شوي عن العقيد=والعلوم دقاقها مايشابه جلها
قد عطيناك الحقيقة ولكنك عنيد=سل نفسك بالمناوي بكيفك سلها

[مرجح الميزان]

الفالح

والعمده

صح لسان كل منكم وفوقها حبة خشم

متابع لآخر حرف

[دريد ابن الصمة]

والله ونعمين يا راعي السيف الحديد
والخليله هاويتني وانـا كفـوٍ لّهـا



ابن غانم ماذكر له شبيه ولا حفيـد
وان نزل ديره برمحه يبـا يحتلهـا


غير ابو زيد الهلالي ما فالكون ابو زيد
يحتمي علياء من القـوم مـا تاصلّهـا



قد عطيناك الحقيقة ولكنك عنيد
سل نفسك بالمناوي بكيفك سلها



الله اكبر يا مبدعين ..


الفالح صح لسانك ...


العميد .. صح لسانك واهلا بك وبجزالة شعرك ..


بيض للله وجيهكم على الطاروق الراائع ..

[علي فلاح العضياني]

انته عمده حيّ ما انته عقيد و لا عميد=مع هل الحاره تقهوى ودلّك دلّها
والله انّك تعرف الحق والعلم الاكيد=مار نفسك كيف شيطانها سوّلّها

[رعد الروقي]

انته عمده حيّ ما انته عقيد و لا عميد=مع هل الحاره تقهوى ودلّك دلّها
والله انّك تعرف الحق والعلم الاكيد=مار نفسك كيف شيطانها سوّلّها

ههههههههههههه

مافيك حيلة مرة مار صح لسانك

واشكرك يالفالح على جزالتك

[علي فلاح العضياني]

اللي ما فيه حيله والله انت يالعمده كبير والله يالعمده

بيض الله وجهك على جزالتك وسعة صدرك

ومشكور طال عمرك

[_أبو هلا_]

صح لسانكم يالشعااااااااار

طاروق رائع

[$ الحــيــران $]

إبداع مامثله إبداع وفكر راقي وتميز بكل حرف

الفالح والعمدة صحت ألسنتكم

[محب الهيلا]

مشكور وماقصرت

[معجب العتيبي]

بصراحه المفروض شاعر جديد لابد ان يمر على الفالح
متمكن في التحقيق واظهار الحقائق


العمده شاعر متمكن بس ماطول مع الفالح حتى اعترف هههههه


لله دكما
الرد اللي فوق طلع مقطع

[نايف بن ملحق الثعلي]

شعار مبدعين
دمتم بحير