اذا ادلهم الليل

[صنداح الزلامي]

اذا ادلهم الليل وضفاء سكونه ------ ونامت عيون اللي يحب الرقادي

قلب العناء قامت تداعاء شطونه------ والليل طال شوي والهــم زادي

هاذي مواعيده وهاذي حتونه ------ اليانامو العالم هجدني هـــجادي

وابحرت في بحرن تلاطم ركونه----- جوه من العاصوف ماهوب هادي

وضلى يقالبني على هالنمونه------ ولايطرده ياكود صوت المنــــادي

ويحول نور الصبح دوني ودونه------ واصبح كما شلون طواه البــيادي

وياالله ياوالي عليك المعونه ------ وانت القوي اللي عليك أستـــنادي

يامنزل غيث المطرمن مزونه ----- وتحــياء ديـــار قبل كانت هـمــادي

ويخضر الغصن العود ويزين لونه ---- وتكسيه من فضلك ثيابن جدادي

بعد الحطام اللي دخل في فنونه ---- واقبل على حبل الدرك والنفادي

ياواحــــدكل المـــــلاء يرتجــونه ----- وهو الكريم اللي عليه عتمادي

افرج لمن ذاق العناء والمهونه ------ ويحداه في وقته ظروف وحوادي

عزيز نفسٍ وقام وقته يخــونه ------ عـــــــــلاوة على كـــلام الهبادي

[شعيل الزلامي]

صح لسانك ياابومحمد
وقصيده وافيه

[ابن دسمان]

وما قصرت وبيض الله وجهك

[خالد عبدالله القداح]

يالله ياوالي عليك المعونه = وانت القوي اللي عليك استنادي =ياليت هذا البيت واللذي يليه كان في اول القصيده وعلى العموم صح لسانك

[هايل الهيلا]

ويالله ياوالي عليك المعونه =انت القوي اللي عليك استنادي




صح السانك ويعكيك الله العافيه




وتقبل تحياتي

[@ـايل]

صنداح صح لسانك

واشكرك على الابداع ماشاء الله

لاهنت وقواك الله

والى الامام

[فهد رشيد الزلامي]

صح لسانك ياحلووووووووووووووو

[الذيبان]

مشكووووور واللة روعة وجهك ابيضـ