مشاركة اولى

[رعد الروقي]

السلام عليكم

يطيب لي الانضمام الى هذا المنتدى الطيب

بعد متابعة طويلة لما فيه


سلام في منتدى ربعي كعام الحريب=اللابة اللي لهــا فالمجد قسم السنام
يطيب سوق المعاني والسوالف تطيب=بين العوارف وكلن يلتزم بالنظام

[مرجح الميزان]

حياك الله اخوي العمده بين ربعك.. واستلم مايلي..


يامرحبا ياهلا ..والقسم ماهو غريب=على عتيبه هل العوجا رفاع المقام
ياطيب هرج الرجال المعتبر والمصيب=خص ٍ ليا قاله العمده في وقت الدوام

[صقر نايف العتيبي]

صح اللستكم يالقروووووم واصلووووووو متاابعييين

[رعد الروقي]

دام البقا للنشـــاما من بعيد وقـــــريب=والنشمي اللي تقدم يحتزم بالحـــــزام
الريع فيه النمارة والجبــــــل فيه ذيب=ومرجح الله يعينه بعد سمــــــــّى وقام

[ريف المسايير]

الله الله


صح لسانك يالعمده وصح لسان مرجح ومتابع

[علي فلاح العضياني]

الله الله

صح لسانك يالعمده وبدايه توحي بان هناك شاعر قادم بقوه الله يوفقه ويحييه


وصح لسانك يامرجح الميزان مبدع كعادتك و رد وافي




واصلوا وحنا متابعين

[رعد الروقي]

بيرق الشعر صح بدنك وحياك الله

ريف المسايير صح بدنك ومرحبا بك

الفالح صح بدنك وابقاك الله وانا افتخر بشهادة الطيبين شرواك

[مرجح الميزان]

احزامنا ذاخرينه للزمان الصعيب=يوم ان بعض العرب ناره علانا سلام
ومدام وانك تحلم وانت وسط القليب=ماهمنا ماتقوله دام وانك مدام

[مرجح الميزان]

بيرق الشعر صح بدنك

ومتابعتك نوماس

[مرجح الميزان]

ريف المسايير

صح بدنك

ومرحبا بك مليون

[مرجح الميزان]

الفالح

يامرحبا مليون

ولا

يسدون

وفي كل مره أقول شهادتك وسام فخر

؛؛تحياتي؛؛

[رعد الروقي]

ماكنت اظن الهقاوي فالاوادم تخيب=حتى لقيتك تدرق تحت جنح الظلام
العقرب اللي تحط السم وسط الحليب=ما نقصت من مقامات الرجال الكرام

[مرجح الميزان]

اللي يبني بيوت الطين وسط الشعيب=لا يامن الصبح تصبح فوق راسه هدام
ماللجروح العطيبه غير طب الطبيب=ولا للنفوس المريضه غير حد الحسام

[مرجح الميزان]

أخوي العمده صح لسانك وعلا شانك

مبدع وجزل وانا اخوك..

تحياتي لك وبالتوفيق..

والأخيرعندك