الهيــلا...بالدلائـل ..والشـواهـد

[بعيـد المرامع]

قبــــيلة عـــتيبه..

الهــــــيــلا..

ذباحة الحايل..لطامة لعايل

مربية العسيف .. آخاذت الحفيف

ومخلفت الهقاوي..وملحقين المخلين

واهل المركي..ومرجحت الموازين

وغيرها الكثير من الالقاب..للي تتميز..عتيبه..وتوصف بها ..


فلقب...الهيـــــــــــــــــــــلا..


احد اقدم الالقاب للي اطلقت على قبيلة عتيبه....


ويورد مختار الصحاح تعريف.... هاله وانهال..اي جرى وانصب..

وهي كنايه ..عن انصباب..ونزول ...وانحدار..

وفي ذلك ...

يقول الشيخ تركي بن حميد ..متهدد ..ومتوعداً..وواصفا خيل عتيبه بالانهيال ..


جزاك من عندي من الخيل حثلوم
^^^^^^^^^^^مثل البرد من مزنة مستهله

ويورد بن بليهد واصفاً نزول عتيبه لنجد...في كتاب صحيح الاخبار ص 131 الجزء الثاني..

(فاختلف مع قبيلة عتيبه, وكانوا اذا ذاك يخرجون من تهامه والحجاز كأرجال الجراد ومن استوطن نجد لم يرجع. )

وهذه صفه لقوة ..النزول ...وهول الانهيال ..

فكلمة الهيلا: مشتقة من الانهيال , ومعنى الانهيال هو النزول بقوة وبكمية كبيرة من المكان المرتفع للمكان المنخفض ..

لذا سمية عتيبه بالهيلا..عندما انهالت من مرتفعات الحجاز انحدار على سهول نجد واستقرارها فيها..


وفي هذا السياق...يقول الشاعر الكبير بن زويبن الحربي..


تعيش السباع الشهب والطير أبو جنحان
^^^^^^^^^^^على جرة الهيـــــلا الياجات منــهاله


ونورد بعض الشواهد الشعريه ..لشعراء من خارج القبيله اوردوها

في حقب زمنيه مختلفه


يذكر محمد بن سالم بن جروان العلياني القحطاني في منتصف القرن الثاني عشر هجري....


ولا هم الهيلا مدابيس الوغى = وافعالهم غنت بها الاطيار


يقول فهيد بن عبد الله الخرينق الرشيدي
في حدود عام 1280


لابد من يوم ٍ يدرجك النصيب = راسي خطير ٍ بالوجع وانته بلاه
وانا مع الهيلا مدلهت الغريب = اللي تحط اله الرويكب في عصاه



ويقول :
حسن العماري الدوسري من عرض قصيده في منتصف القرن الثاني عشر الهجري..


عتيبه الهيلا بعد ينحونه =ليامن تعشووه تغداناه
عاره من العتبان يلطم وجهه = عساه يفنى ماخذا قضاه



ويقول الشاعر مشخص دحيم الهذيلي البقمي في قصيده له عام 1386 ه

عتيبه الهيلا هل الذكر والمجــــــــــــــد= لطامة العائل كبار المهـــــــــــــــابه





كما اوردت مجلة العرب ..الهيلا لقب لقبيلة عتيبه في عدد رجب 1413هجري الصفحه رقم 38..


وايضاً اورد الخالدي في كتابه ..الجامع المختصر للالقاب والعزاوي عند البدو والحضر .. صفحه 277..

الهيلا: لقب لقبيلة عتيبه وذلك لكثرة عشائرها ونفوسها ..



يقول شاعر المحاوره..
عبد الله سالم الرفاعي الغامدي


سلام الله على الهيلا عتيبة نقوة الفرسان =رجالٍ يشهـد التاريـخ لاولهـا وتاليهـا
يامستور العصيمي لاتزعل صاحبي سلطان = تراها واضحه ولا انت بسلوبـك تخفيهـا



الشاعر عبد الله بن زويبن الحربي


هذي عادة العتبان ياجاهل العتبان = تكلل جهود اللي بنفسه يوراله

أهل لطمة العايل وذبحة سمان الضآن =تضد الخصيم وضيفها تكرم اسباله

زمان ٍ مضى يوم القبايل ماهم بخوان = يرد البرا حتى البناخي على خاله
تعيش السباع الشهب والطير أبو جنحان =على جرة الهيلا الياجات منهاله





مصلح بن عياد الحارثي


توكلنا على الله لين جينا فا لمحل العام =محل عتيبة الهيلا محلٍّ ما يحلاّ به

سلام الله عليكم يا عتيبة والسلام اسلام = سلام اسلام نعلن به ونختم به ونبدابه


قصيدة للشاعر/ مناور بن دغيم بن مشوح الرمالي الشمري


نعم اليا قالواهل المجد عتبان=ذباحة الحايل سطام لعايل
عتيبه الهيلا قبايل وعربان=فكاكة المضعون ستر الحلايل
ياقاطبة سرد السبيا بالاكوان=اهل الفعايل يوم صايل وجايل


يقول الشاعر الكبير لافي الغيداني الحربي


ســلام يالهـيـلا قبيـلـة عتـابـة =سلام(ن) اسوقه من الـروح لـروح

نفحة شذى ريضـان نبـت السحابـه=معه وعليكـم تنبعـث منـه وتفـوح

مـن بيننـا مابـا المعـزه غـرابـه= لها بوسط قلوبنـا ابـراج وصـروح




ويقول مضواح بن شتوي الحبابي القحطاني


وياعتيبه الهيلا هل الملتقى الرنان = مواقيفكم يشهد لها البر وبحوره
سعيتوا على العليا مشايخ مع الاعيان = على الطيب والاعلام خضرا ومنشوره


ويقول محمد المجول العجمي


خال.. مال العيال إلا الخوالي لاإستشك الصبي بأصله يجيله=مايتوّه تراه أصلي وفصلي من نسل يـام مايحتـاج دلـه.

مفلحي مذكري والراس عالي منبعي يام إبن يصبا الأصيله = فدعجان العريبه زود أصلي من عتيبـه وفالهيـلا محلـه.



الشاعر / محمد بن فراج الدوسري


هلاهيل يا الهيـلا عتيبـه هلاهيـل=هلاهيل من وادي الدواسر كما السيل
مشاعري ماهـي مجـرد مشاعـر=تدفقـت ترجمتـهـا بالهلاهـيـل
متفاخـرٍ لونـي مـن ألآد زايــد=لطامة العايـل وملفـى المداخيـل


الشاعر/ ابن عريفج التميمي


سلام الله سلام الله سلام الله يالعتبان=عليكم عد مامجواخ خيبتوا هقاويه
خذيتوا الطيب ياذباحة الحايل بلا نقصان=الا لا ياقليلين العذارب وش لنا فيه
بها اصدح صدح يالهيلا واقوله بالفم المليان=وانا من لابة من عهد عيسى نارهم حيه


الشاعر/ الحميدي الشمري


ويعرفون النخاوي والعزاوي =ليامن صاحو الهيلا عتيبة
يجونك من على ظهور الاصايل=كتيبة مير عن مية كتيبة
يدوسون الصلابيخ برضمها=ويرقون المشاريف الرقيبة


نكتفى بهذا القدر...ونستميحكم العذر..


ونختم بهذه العباره...

يقال ان للاسماء...نصيب من اصحابها....

فمن باب اولى... ان تكون الالقاب...تنطبق على اصحابها :)...

بعيد المرامع ..منتدى عتيبه الهيلا...

وحقوق الطبع ...هيلاويه :)..


[/align]

[محمد فيحان العصيمي]

مشكور يا أخوي بعيد المرامع موضوع رائع و الله اننا أستفدنا منه و نتمنا المزيد من مواضيعك المميزة

[أبو نجر النفيعي]

..

أبو رمعه ..

.

بيض الله وجهك على الدلائل والشواهد .. وهي معرووفه بدون شك ولمن ... الهيلا ( لعتيبه الهيلا ) :)

وما ودنا نطليل بالحديث .. لاهنت يابعيد ..

.

أخوك.

[ابو عطا]

كلام جميل عن الهيلا والاجمل القصائد

ولاأقول الا بيض الله وجهك يابعيد المرامع

والله لايحرمنا من ابحاثك المفيدة الرائعة

[محمد بن غازي]

تميز لا يستغرب من الأستاذ/ بعيد المرامع وجهد جبار بارك الله فيك وفي جهودك .

[مرزوق حمدان العتيبي]

فلقب...الهيـــــــــــــــــــــلا..


احد اقدم الالقاب اللي اطلقت على قبيلة عتيبه....


ويورد مختار الصحاح تعريف هاله وانهال..اي جرى وانصب..

وهي كنايه ..عن انصباب..ونزول ...وانحدار..

حقائق ولقب لائق
وقبيلة عتيبه تتجمل بها الالقاب
وتزداد بها شهره...
من غير قصور في كل قبائل مملكتنا العزيزه ....
...
المميز بعيد لاشلت يمينك ... بحث مختصر
يغني عن مجلدات ...
اخوكـــ
....

[بعيدالهقاوي]

مشكوووووور على الموضوع الاكثر من رائع

[نواف العصيمي]

يعطيك العافيه يابعيد المرامع .. الهيلا هيلا لعتيبه ولا غيرها هيلا

من الماضي إلى الحاضر ..

حقائق ودلائل

الهيلا إستحقاق وتميز بالإمتياز لعتيبه

الشواهد التواريخ وكل القبائل .. دحر لكل طماع لسرقه مالنا

يقولون الإختلاس جنون ليتهم يدرون

:)

بعيد المرامع أجمل تحيه

ولك التقدير والإحترام

[الـذيب]

بيض الله وجهك بعيد المرامع وماقصرت

[سلمان الاسعدي]

الله يعطيك الف عافية موضوع رائع وقصائد رائعه وماقصرت
تقبلو تحياتي

[ابن مشيب]

يقول الشيخ تركي بن حميد ..متهدد ..ومتوعداً..وواصفا خيل عتيبه بالانهيال ..


جزاك من عندي من الخيل حثلوم
^^^^^^^^^^^مثل البرد من مزنة مستهله

ويورد بن بليهد واصفاً نزول عتيبه لنجد...في كتاب صحيح الاخبار ص 131 الجزء الثاني..

(فاختلف مع قبيلة عتيبه, وكانوا اذا ذاك يخرجون من تهامه والحجاز كأرجال الجراد ومن استوطن نجد لم يرجع. )

وهذه صفه لقوة ..النزول ...وهول الانهيال ..

فكلمة الهيلا: مشتقة من الانهيال , ومعنى الانهيال هو النزول بقوة وبكمية كبيرة من المكان المرتفع للمكان المنخفض ..

لذا سمية عتيبه بالهيلا..عندما انهالت من مرتفعات الحجاز انحدار على سهول نجد واستقرارها فيها..



لله درك يابعيد على هذا التسطير والتوثيق للهيلا , دلائل وشواهد من شعراء كبار ومعروفين , ورحم الله الشيخ تركي بن حميد , كان يعلم رحمه الله ان عتيبة سوف تنهل على نجد , وبالفعل انهلت واصبح لقبها مع القاصي والداني عتيبة الهيلا



تحياتي

[ابو براك]

كلام جميل عن الهيلا والاجمل القصائد

ولاأقول الا بيض الله وجهك يابعيد المرامع

والله لايحرمنا من ابحاثك المفيدة الرائعة

[عنزي220]

مشكور على الموضوع والقصائد وماقصرت وتستاهلون ياعتيبه اكثرمن كذ

[fahad8088]

لاهنت على الموضوع المميز

[العميد ركن]

بيض الله وجهك يا بعيد المرامع

[فيصل العبادي]

مشكور يا اخوي وما قصرت

[روح جاي]

مشكور يابعيد المرامع كفيت ووفيت

[ناصر الدعجاني]

بيض الله وجهك ولا هنت يالغالي

[الجوراسي]

بعيد المرامع

عطاك الله من العافية مايبهج خاطرك
....

صورة مع التحية للمواقع الانترنتية

[محب الهيلا]

مشكور وماقصرت على كل هذا الايضاح

[عتيبي المقناص]

ذباحة الحايل لطمة العايل

بعيد المرامع ..

انا اشهد انك سنايدي والله

ومشكور على موضوعك الرائع

ولد الغبيات

[الفهاد]

بعيد المراميع الله يطنخ والله انك كفو بايض الله وجهك



وعتيبه تستاهل والقبائل ما فيه قصور .



نشكر جميع الشعار وهاذي تعتبر شهادة لن ونعتز فيه


ولكم ت ح ي ا ت ي

[السيف الارقب]

تحياتي واهلا وسهلا

[البعيـد النـايف]

موضوع متميز ولا هنت على الطرح
تقبل مروري

[النايع]

أشهد بالله أن مراميعك بعيدة

تحياتي

[هدّام الطوابيــر]

يامال العافيه على هذا الجهد الكبير

وعتيبة مهما بذلنا مانستطيع من جهد لن نوفيها ربع حقها علينا

تحياتي لكم

[سهم جده]

بعيدالمرامع الله يعطيك العافيه على الموضوع الممتاز

[بن دهــــيـــران]

جهد مميز للأستاذ /بعيد المرامع وبيض الله وجهك على المجهود الجبار ونحن في إنتظار المزيد ...





وشكر خاص لك ولكل من شارك

[ابو ضيف الله]

موضوع قيم يا بعيد لا هنت عليه

والهـيــلا لقب لا يليق إلا بالهــيــلا

[بن محباس]

كفيت اوفيت
وعتيبة تستاهل
في حاضرها اوماضيها

[الذيب العصيمي]

ذبااحت الحااايل ولطاامت العيل


..


الهيلا كبيره


من عهد هوازن

وجاء الملك عبد العزيز


وقفووومعه

هذا الحقيقه

مشكوور اخووي على الموضوع

وماعدمنااك يابعبد المراميس<-- لقب من عندي

تقبل مروري

ياغاالي

[بعيـد المرامع]

مشكور يا أخوي بعيد المرامع موضوع رائع و الله اننا أستفدنا منه و نتمنا المزيد من مواضيعك المميزة

حياك لله يافيحان..وشرفني مرورك..

[ابن حربي]

يعطيك العافيه على التوضيح

ماقصرت


موضوع مميز جدا

[مسلط الدعجاني]

بيض الله وجهك يبن العم والله انك ماقصرت ودي لو فيه ناس



يتصفحون المنتدى؟ ناس على بالي ابا اريحهم من التعب والمهاترات



مشكوووووووووووووووووووووووور

[غازي البقعاوي]

بعيد المرامع لقب لم يات من فراغ
ننتظر جديدك ايها الهيلاوي

تحيتي لك

[فالح بن مسيب الدحيلي]

~*¤ô§ô¤*~عتيبه الهيلا عتيبه الهيلا عتيبه الهيلا~*¤ô§ô¤*~

[Utaibi]

يعطيك العافيه

[ياسر عوض]

موضوع جداً جداً رررررررررررررائع وبيض الله وجهك أخوي بعيد المرامع

[الرومي]

بيض اللة وجهك يابعيد المرامع.

[الدولااار511]

|؛¤ّ,¸¸,ّ¤؛|يعطيك ألف عافية علىالموضوع اجميل
وعتيبه تستاهل من دون قص بعيال الحمايل |؛¤ّ,¸¸,ّ¤؛|

[العصيمي البدائع]

مشكووووووووووووووووور

[يوسف الكرشمي]

§¤°~®~°¤§بيض الله وجهك بعيد المرامع وماقصرت §¤°~®~°¤§