بندر المرشدي للاهميه

[نايف بن ملحق الثعلي]

يا مرحبا ياهلا يابندر المرشدي=ترحيبه مايجوز العذر من دونها
من يوم حطوك مشرف جعل منت ابردي=امانت الله تبقي عند مامونها

[فالح الكرنافـ]

صح السانكـ يا نايفـ

وبيضـ اللهـ وجهكـ

ونتظر الشاعر بندر المرشديـ

اخوكـ

فالح الكرنافـ

[نايف بن ملحق الثعلي]

فالح الكرناف صح بدنك

[بندر المرشدي]

دام البقاء من ضميرٍ ما يغش اجودي=يازن حقوق الرجال ويخلص اديونها

وش رايك انته بعد ماشفتنا يابعدي=وجه نظر قولها والناس يوحونها

[علي فلاح العضياني]

الله الله


ابداع غير مستغرب


واصلوا يعطيكم العافيه

[نايف بن ملحق الثعلي]

تري الاصيله معي وخطامها في يدي=ماهيب من حظكم يالي تمنونها

خابرك شاعر وانا ماقلتلك سيدي=لاكن خل القدم تمشي علي هونها

[نايف بن ملحق الثعلي]

الفالح مرورك يشرفنا

[بندر المرشدي]

عينين في راس من يوم العباد طردي=اصغّر القمة الك وقلت ياهونها

صحيح بعض النشاما يارجال يغدي=قولوا لنايف يخليها بكرتونها

[نايف بن ملحق الثعلي]

يابندرالمرشدي بالله لا تحتدي=قدمك ذياب المساري حدت اسنونها

الياحصلك سلامه روح وذبح فدي=ياالله عسي روح بندر تبرداغبونها

[$ الحــيــران $]

ياسلام يابندر ونايف عساكم على القوة

[بندر المرشدي]

ماني بمرتاح يوم انك سريت تعدي=تهبد قدور العرب وتكفي صحونها

ما قدمي الا بلادٍ حزمها جرهدي=واللي حواليّ لاحاجة يشوفونها

[مرجح الميزان]

الله الله


يانايف ويابندر


متاااااااااابع

[نايف بن ملحق الثعلي]

عطنا علوم الحقيقه والبساط احمدي=بعض السوالف تخالف لاتقولونها
لو طول الوقت لايمكن تنوش الجدي=ناس كثيره سواتك تلطم اعيونها

[نايف بن ملحق الثعلي]

مرجح الميزان



مرورك يشرفنا

[بندر المرشدي]

تبغى الحقيقة ترا ما انته لبندر لدي=والله لتبطي عظم وانته بطاعونها

كل العرب تدري بترتيبي الابجدي=مثل القمر واضحة يلي تخفونها

[بندر المرشدي]

الله يبيض وجيه الاخوان اللي نوروا هذه الصفحة

شكرا لهم اجمعين

[بندر المرشدي]

نايف الروقي صح لسانك ومسك الختام عندك ان شئت

[نايف بن ملحق الثعلي]

تبي الحقيقه لامنك جيتنا معتدي=نكويك بالجمره الي فوق غليونها

ياالشاعر الي تغني ويش هو مقصدي=لن كان ماتجهل الشعار ولحونها