مرزوق العتيبي ( في قاعة الاجتماع)

[محمد الروقي]

ابو محمد يسعدني اللعب معك وانت من اللي ينومسني لعبهم واستفيد منهم

واستلم يابعدي


سلام فيه نصح ورشد ويخاطب عقول الناس= لعل الفهم يقنعها ولا نحتاج للشده

يابو محمد ترى الضابط بدون الجند والحرّاس = ماتحماه النجوم اللي على متنه لها مده

[مرزوق حمدان العتيبي]

الله الله

اتشرف يابو برجس والفائده لي ......

هلا يامرحبا ترحيبة التقدير والاحساس = ورجلٍ مامعاه احساس خله لارحم جده
علامك يامحمد مندفع والكيل بالمقياس = تحاول للهجوم وجاتلك هجمات مرتدّه

[مرزوق حمدان العتيبي]

لاباس ياراع النيـاق المغاتيـر
الله يسلم راسك اللـي تعـرّض
للجلطة اللي لو تعرض لها بعير
اما برك فالـدرب ولا تعـرّض
انا فدا راسك عسى راسك بخير
وانا لك الدكتور وانا الممـرض

...
ازعجتني وضيقت خاطري هالابيات يامحمد !!!
عسى ماشر .. طمني ؟ وبيض الله وجهك على الشعور النبيل
والغير مستغرب ....

[بعيدالهقاوي]

شكرا للشعار والشعر ونرجو المزيد

[مرزوق حمدان العتيبي]

..
حياك الله يابعيد الهقاوي
نسعد بتشريفك.
....

[محمد الروقي]

الله عليك

واستلم يابعدي



يدوم الك البقا والراس عالي وانت عال الراس = وعلمً ماعرفته لاتعجّل فيه وترده

كليب اللي طغى فالارض جاه الرمح من جساس = اخذ من قصته عبره وسجلها في مسوّده

[محمد الروقي]

الله يسلمك يابو محمد ومايجيك الشر

[محمد العضياني]

سلام فيه نصح ورشد ويخاطب عقول الناس
لعـل الفهـم يقنعهـا ولا نحتـاج للـشـده

هلا يامرحبا ترحيبة التقدير والاحساس
ورجلٍ مامعاه احساس خله لارحم جده

محمد الروقي ومرزوق العتيبي

على الطاولة المستديرة

صحت السنتكم يا مبدعين

متابع

[تركي البرّاق]

يابو محمد ترى الضابط بدون الجند والحرّاس
ماتحماه النجوم اللي على متنـه لهـا مـده

ياسلام ياسلام صح لسانك يابو برجس مافيك حيله وانا في صفك :)

[تركي البرّاق]

علامك يامحمد مندفع والكيل بالمقياس
تحاول للهجوم وجاتلك هجمات مرتـدّه

طيب طيب صح لسانك يامرزووق :) ومتاااابعين ..

[مقعد الدغيلبي]

ياسلاااااااااام

عليكم

انتم وطاروقكم الممتع

والجزل

محاوره تحتااااج لمتابعه

وازهل الصف يابو محمد لايهمك

محمد هالاياام طايش

هههههههههه

تحيااتي وودي للجمييع

[محمد الروقي]

ابو محمد انا طالع الآن


وراجع الساعه 9


عن اذنك

[مرزوق حمدان العتيبي]

يبين اللي مخفى والسوالف عند ابو نواس = تراها ماتمرر مع غزير العلم والمده
كليب يرق له قلب الكريم بوضعه المنحاس = وجساس الحقيقه صار في حاله على حده

[مرزوق حمدان العتيبي]

...
.

شاعرالنخبه البواردي
حياك الله وسعدنابتواجدك
..
.
مروي الشطير مرحبا الف اجمل شي
اني شفت حروفك يابن العم.. الحمدلله على السلامه
.....
.

ابو فيصل .. هلابك ويامرحبابك
نورتنا .. وشرفتنا ايها العملاق....
.. ومحمد عسى الله يخارجنا منه ومن طيشانه :)
.....
تحياتي للكل
....

[أبو نجر النفيعي]

...

أبوياااااااااااه .. :)

اثنينكم اجتمعتوا .. لا بالله الا ليلكم ليل ..

..

وأنا في صف مرزوق .. حسب الوضع المجرى هههههههههههه

.

واصلوا وعلى القوه ..

وصحة السنتكم,

:)

[عبدالعزيز بن جودان الرويس]

الله الله محاوره جزله
من الوزن الثقيل
لا هنت يابو محمد ولا هنت يامحمد
واصلو وازهلو الصفوف

[نايف بن ملحق الثعلي]

محمد الروقي

مرزوق العتيبي

صحت السنتكم ياشعار

[محمد الروقي]

اقر من سورة الاخلاص والوسواس والخناس = قبل نقرا عليك الزلزله ياشيخ اهل جده

اجل علمه لايحارب ولد عمه عريب الساس = وجندً محتمينه من عداه وكل من ضده

[محمد الروقي]

بعيد الهقاوي

هلا وغلا
الشكر يعود لك يالغالي


==============================


البواردي

اررحب ياقناص عتيبه

والله يكفينا شر الطاولات المستديره .. لا انا ومرزوق وقوف في ملعب رياضي عشان نقدر نتظار على راحتنا ههههههههه


شرفتنا بحضوورك وصح بدنك


==============================

مروي الشطير ..


اكبر دعم بالنسبه لي تواجدك بصفي يابعدي



صح كلك واباك تفلق ابو نجر بالبياله طالبك :)




==============================


مقعد الدغيلبي

هلالا يابو فيصل يالله حيوووه



وللأسف لقد اخترت الإجابة الخاطئه (صف مرزوق) ههههه



حياك


==============================


ابو نجر النفيعي

من اليوم ورايح بعتبرك دوله معاديه :)


صح كلك وشرفتنا بحضوورك




==============================


عبدالعزيز الرويس

حياك الله ..


والجزالة انت منبعها


والصفوف عامره بك



لاهنت


==============================

نايف الروقي

ارحب ..


وصح قلبك ولاهنت على حضوورك


تحيااتي

[مرزوق حمدان العتيبي]

انا من فضل ربي عاصم ٍ نفسي من الوسواس = ياليتك يامحمد لا نصحت بشي تعتده
ترى فعل الجماله والشكاله غايه ونبراس = ومن جنب عساها صدة ٍ مابعدها ردّه

[محمد الروقي]

نصيحه لصاحب العصمه لايقرب دقنه الامواس = وتصبح لحيته محلوقه ودمه على خده

نبا نخلط لك الليمون والمنقا في وسط الكاس= لاجل مايثور ضغط الدم والشريان فالغده

[مرزوق حمدان العتيبي]

هههه
الله الله

ترى منته ببن هندي ولا مسلط ولاعفاس = لجل تنفخ ذروبك في كلام ٍ منته بقده
عسى الله يقطع الوجه البغيض ويقطع البلاس = اثر بعض الاوادم يامحمد مابها سده

ابو برجس استاذنك ...
الوقت طرف وبكره دوام

صح لسانك اختم والله يعطيك العافيه

[محمد الروقي]

طيب شف التغيرات ههههههههههههه


تبا علمي انا وش لي بطليانً وراها افلاس = اقول اشتالها للمقصب ووده على حده

انا اعرف خبثك اللي ساكنن في عرقك الدساس = واخاطب كل عقلً حسب تفكيره على قده





وصح لساانك يابو محمد وبيض الله وجهك



اشكرك على وقتك .. والختام من عندك ازا بتريد

[السميــــــري]

الله يكافيناا الشر يامحمد ..

صح لسانك يابو برجس ..وصح لسان المدير ابو نجوووووم ..
هههه