تسجيل الدخول

مشاهدة النسخة كاملة : مزاين الهيلا

الساهر11
29-Nov-2007, 06:20 PM
من جبل ورقان جينا مسايير
لمزاين الهيلا نسج المطايا

اللابه اللي تنطح الضد وتغير
يشهد لهم تاريخ ماهي حكايا

روق وبرقا يتعبون الطوابير
لطامة العايل بسيف المنايا

لزمه زيارتنا شيوخ المناعير
اللي مجالسهم تزيدك مزايا

تلقي مع الترحيب شيمه وتقدير
ودلال من بن الهراري ملايا

والعود الأزرق ينطحك له معاصير
وصينية تشبع شعوب قوايا

في مجلس ابن حميد ريف المسايير
يفرح ليا شاف النجايب ضوايا

وإلا على إبن عمر صرنا خطاطير
يكرم محيانا عقيد السرايا

وإلاإبن عصاى شيخ المسافير
الدلبحي ياقف مواقف بلايا

يشهر مع العليا كما شهرة الطير
ماقال مالي بالمواقف عطايا

وإلا على إبن وديد سقنا المواتير
بمخيم يشبه جبال رسايا

شيخ يهلي بالضيوف المسايير
من شيمته كن الضيوف الدنايا

والله ماجينا سوى لتباشير
والتهنيه ومشاركه في قضايا

من شاعر حربي يجيد التعابير
ياقف مواقف يعتبرها هدايا

وصلاة ربي عد نبت النواوير
على محمد سيد كل البرايا



سند مازن دهيسان المعمري الحربي 12/10/1428
عبدالرحمن الهيلوم
30-Nov-2007, 06:08 AM
بسم الله الرحمن الرحيم
الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين


بيض الله وجهك ووجه حرب حرابة الدول

شكرا يالغالي علي النقل وفي انتظار جديدك
تقبلوا خالص تحياتي
أخوكم(((((((((((الهيــــــــــــــــــــــــــــــ ــــــــــــــلوم1383))
محب الهيلا
30-Nov-2007, 06:52 AM
مشكور وماقصرت على هالقصيده
البعيـد النـايف
02-Dec-2007, 12:04 AM
عساك على القوة وماقصرت

تقبل مروري
خيال العليا
02-Dec-2007, 10:25 PM
ما قصرت على القصيده
سهم عتابه الرويس
02-Dec-2007, 10:34 PM
مشكووور على القصيده الزينه
محمد بن غازي
02-Dec-2007, 11:01 PM
صح لسان الشاعر وشكراً على النقل