سلامي سلام العرف والعز والطيب ...!!!

[ناصر الجلاه]

.
.


سلامي سلام العرف والعز والطيب=سلامٍ محلا من هجوس العصيمي
ليا غابت أهل الوسمه فيه ماغيب=ولن غبت فيه من النشاما نديمي

[معجب العتيبي]

هلا مرحبا ترحيبتن تسبق الطيب=لياقدمه بين الرجال الكريمي
ليا غبت ياناصر على غير ترتيب=يصير الوضع مزري ولاهو سليمي

[عيد العازمي]

ناااااااااصر الجلاه وساارح البال


هنا الابداع سنراه حتماً


صحت السنتكم ياكبار


متابع ........................... بين الحين والاخر

[ناصر الجلاه]

..


حياك ياسارح البال

استلــم :




يدوم البقابك ماتضيع المواجيب=عسى الله على العربان بأمنه يديمي

غيابي بعذر بدون شكٍ ولاريب=مواطن بدار العز ماني مقيمي

[ناصر الجلاه]

..

العازمي

..

صح بدنك يالغااالي .. مرورك كريـــم

لاهنت يالعازمي

..

[معجب العتيبي]

ابا صدقك واردك لعالم الغيب=ورب السما في كل شيٍ عليمي
وابا خذ علومٍ زادت براسك الشيب=جب العلم وافي واشرحه يانديمي

[السميــــــري]

الله الله ..

المبدعين هنا ..

صح لسانك ياناصر ..
صح لسانك ياسارح ..

الله يعطيكم العافية ..

[السيل-الحافي]

تقبلوا خالص تحياتي
أخوكم°ˆ~*¤®§(*§*)§®¤*~ˆ°ياااسلام صحة السنتكم°ˆ~*¤®§(*§*)§®¤*~ˆ°

[معجب العتيبي]

العازمي والسميــــــري


الابداع في تواجدكم ومتابعتكم

يشرفني العب قدام اخوي ناصر ويزيد بي الشرف بحظوركم

فشكرا........

[ناصر الجلاه]

..


ماجيت اطلبك ترضا ليا اخطيت واصيب=تراك الصراحه صدق ماأنته خصيمي

ولا ياعميل الخير مالك مكاتيب=ولاأنته بكبير ولاتسمى يتيمي

[ناصر الجلاه]

..

السميري

..

السيل الحافي

..

صحت ابدانكم يالغااالين.. الابداع مروركم والله يعطيكم العافيه

لاهنتم

..

[سلطان الجـذع]

الله الله ..

نــــــــــــــأصر & سارح البال

واصلوا واصلوا ...

متـــــــــــــأبع

[ناصر الجلاه]

..

سلطان الجذع

..

صح بدنك يالغااالي .. مرورك عطر دائمآ

لاهنت

..

[معجب العتيبي]

حشا منت خصمي ياعميلي ولاهيب=من اللي تجاهلها الفطن والفهيمي
لنا في مواقفنا خصوم ومعاطيب=وعلى مثلك وشرواك قلبي رحيمي

[معجب العتيبي]

السيل الحافي شكرا على المرور

سلطان الجذع تواجدك شرف لي

شكرا

[سلطان الجـذع]

لنا في مواقفنا خصوم ومعاطيـب=وعلى مثلك وشرواك قلبي رحيمي

طيب طيب

[ناصر الجلاه]

..

ههههههههه

استلـــــــــــم :



يازين الصراحه ماتجارون للذيب=لكن استريحوا قبل حد القديمي

وحنا طلعنا عاليات المراقيب=ماهو قول حاضر من زمانٍ قديمي

[معجب العتيبي]

مجاراتنا للذيب ياصاحبي عيب=نفوقه وننتف خشته والخشيمي
طلعتوا يابن عاصم على ددسن وجيب=وحنا طلعناها بذبح الغريمي

[خالد المقاطي]

الله الله

مبدعيـــن


الخال :: ناصر الجلاه

والمبدع : سارح البال


ياخال وشلووووونكــ طيب :)

وعلى البركــه الوسام


:)

[معجب العتيبي]

خالد المقاطي شكرا على المتابعه

وحظرك يسعدنا

[معجب العتيبي]

.
.


سلامي سلام العرف والعز والطيب=سلامٍ محلا من هجوس العصيمي
ليا غابت أهل الوسمه فيه ماغيب=ولن غبت فيه من النشاما نديمي


هلا مرحبا ترحيبتن تسبق الطيب=لياقدمه بين الرجال الكريمي
ليا غبت ياناصر على غير ترتيب=يصير الوضع مزري ولاهو سليمي



يدوم البقابك ماتضيع المواجيب=عسى الله على العربان بأمنه يديمي

غيابي بعذر بدون شكٍ ولاريب=مواطن بدار العز ماني مقيمي[/QUOTE]

ابا صدقك واردك لعالم الغيب=ورب السما في كل شيٍ عليمي
وابا خذ علومٍ زادت براسك الشيب=جب العلم وافي واشرحه يانديمي

..


ماجيت اطلبك ترضا ليا اخطيت واصيب=تراك الصراحه صدق ماأنته خصيمي

ولا ياعميل الخير مالك مكاتيب=ولاأنته بكبير ولاتسمى يتيمي

حشا منت خصمي ياعميلي ولاهيب=من اللي تجاهلها الفطن والفهيمي
لنا في مواقفنا خصوم ومعاطيب=وعلى مثلك وشرواك قلبي رحيمي



يازين الصراحه ماتجارون للذيب=لكن استريحوا قبل حد القديمي

وحنا طلعنا عاليات المراقيب=ماهو قول حاضر من زمانٍ قديمي[/QUOTE]

مجاراتنا للذيب ياصاحبي عيب=نفوقه وننتف خشته والخشيمي
طلعتوا يابن عاصم على ددسن وجيب=وحنا طلعناها بذبح الغريمي

[$ الحــيــران $]

سارح البال وناصر إبداع غير مستغرب صحت ألسنتكم