ويش انت سارح فيه يا سارح البال ؟؟؟؟

[علي فلاح العضياني]

ويش انت سارح فيه يا سارح البال ؟؟؟=ركّز معي جيتك بشيله و موّال
و ابا اتفنّن معك في بدع الامثال =يالله على بابك يا فتّاح الابواب



سلام وآعزّ تسليم =على سلوم الرجالي
ينصا الرجال الشغاميم=اللي لهم قدر غالي

[معجب العتيبي]

ماغبت يالفالح مكاني وموجود=اتابع الشعار في منتدى الجود
واشوف طاروقن مع حميد وحمود=يالله على بابك يافتاح الابواااب


يامرحبا عد ماتهيم=شعارنا فالليالي
وعداد ماتمطر الغيم=بالشاعر اللي يلالي

[عيد العازمي]

صح لسانك الفالح


وصح لسانك سارح البال


واصلو الابداااع



متاااااااااااااابع

[علي فلاح العضياني]

يا اخوي يوم انّ الاسامي كثيره=دوّر بدال اسمك هذاه اسم غيره
انته نعدّك من كبار العشيره =يالله على بابك يا فتّاح الابواب






حنّا نحشّمك تحشيم =يوم انت صاحب معالي
ولاّ عليّ الملازيم=لتصير مضرب مثالي

[معجب العتيبي]

صح لسانك الفالح


وصح لسانك سارح البال


واصلو الابداااع



متاااااااااااااابع


صح بدنك
ومشكوووور على الحظور

[محمد العضياني]

بداية رائعة لمحاورة

تستحق المتابعة

صحت الالسن

[معجب العتيبي]

نور القمر مازاد يومه مذكر=
والشمس يارجال مانقّصت حر=
القاب والالقاب بالفعل تفخر=
هذا الصحيح وقولوا اللي تقولون=



منكم تعلمت تعليم=حسن التعامل ياغالي
وان عوّدت للمحازيم=حمايتن للتوالي

[علي فلاح العضياني]

العلم واضح لا تفلسف عليّه=هذي نصيحه من خويّ لخويّه
حاول تقبّلها بنفسٍ رضيّه =يالله على بابك يا فتّاح الابواب



يا مقسّم الرزق تقسيم=ارزق كريم السبالي
لن صار فالجوّ تقتيم=ما فيه مثل الهلالي

[معجب العتيبي]

العلم واضح والنصيحه نصيحه=
في وقتها والا تعوّد فضيحه=
وبعض الطرق ياخوي ماهي مريحه=
يالله على بابك يافتاح الابواب=


ان كان فالقصد تحطيم=محدن من الشر خالي
وان كان فالقصد ترقيم=رقمي فالاول يخالي

[ابن معيض]

متاااابع بستمتااااااع

صح لسانك يالفالح

وصح لسانك يا سارح البال

[علي فلاح العضياني]

ترى النصايح ما تعوّد فضايح=الاّ مع اللي ما يعرف النصايح
خلّك على المعنى معي جاي رايح =يالله على بابك يا فتاح الابواب



لا تنفخ النار يا شريم=وتصير مالك مجالي
القاف يحتاج تختيم= لو انّ ما ضاق بالي

[معجب العتيبي]

يالفالح انته تنصح وقلتلك تم=
انصح على كيفك وفضفض تكلم=
نصيحتك من فوق راسي وتسلم=
هذا الصحيح وقولوا اللي تقولون=


ماقلتها غير من ظيم=ظيمن وبالنفس جالي
ياصاحبي جبت تعميم=نفذ ودور بدالي

[معجب العتيبي]

الفالح:

كلمة حق من يلعب معك ولايستفيد فنصيحه ان لايلعب
ومن يشاهد ويستمع محاوراتك ولايطرب للشعر فالافضل ان لايسمع شعرا


سعدت باللعب والاستفاده منك

[السميــــــري]

سارح البال ..
صح لسانك مليوون يامبدع ..
الله يعطيك العافية ..

.............


الفالح صح لسانك ..
وابدعتم في المحاورة

تسلمووون ..

[بندر الهيلا]

الفالح -سارح البال
بيض الله وجيهكم على اللعب الجزل والرايق في نفس الوقت

سارح البال كلمتك في ختام المحاورة >>>>>>>>>> احرجت الفالح

تحيــــــــــــــــــــاتي
بنـــــــــــــدر الهيــــــــــــــلا

[معجب العتيبي]

السميري
مرورك شرف
واشادتك وسام
فلك الشكر

بندر شكر على الحظور
ومشكور على التنويه ههه والفالح يستاهل

[$ الحــيــران $]

محاوره رائعه صح لسانك يالفالح وسارح البال

[علي فلاح العضياني]

اشكر الاخوان اللذين شاركونا في هذه الصفحه

وعزالله احرجني اخوي سارح البال بيض الله وجهه