تسجيل الدخول

مشاهدة النسخة كاملة : الــــــــــــبــــــــــــــــــــــواردي

علي فلاح العضياني
27-Nov-2007, 08:37 PM
مرحبا ترحيبةٍ شانها شانٍ كبير=الضمير يقولها واللسان يقولها
يا محمد هات بندقك والسيف الشطير=عان فرسان القبيله تعنّ خيولها
مرزوق حمدان العتيبي
27-Nov-2007, 08:41 PM
..
.
يا محمد هات بندقك والسيف الشطير
عان فرسان القبيله تعـنّ خيولهـا



الله الله
صح لسانك يابو فلاح
وننتظر البواردي وصح لسانه مقدماً..
....
محمد العضياني
27-Nov-2007, 09:01 PM
البقا ياللي ترحب وتسلم يالامير=من هجوسن قولها تحتميه فعولها
اعتبرني درع جنبك ليا حان المسير=واضرب شيوخ العشاير وكب خبولها
علي فلاح العضياني
27-Nov-2007, 09:20 PM
المعاني قادها بيننا سلك الحرير=انت يوم تغيب غيبتك ويش حلولها
ما دريت الاّ بعد جا و بشّرك البشير=والحرايب كل ليله تدقّ طبولها
علي فلاح العضياني
27-Nov-2007, 09:20 PM
صح بدنك يا ابو محمد

ومرورك ينومس يالغالي
عيد العازمي
27-Nov-2007, 09:27 PM
كبار الله يحفظكم


متااااااااابع
محمد العضياني
27-Nov-2007, 09:30 PM
مااتغيب مار لو..لي.. ورى توني بليـر=حاجةً .جيته وربعه فصعت عقولها
فيه ساحة للمناعير مذكورة بخير= وفيه مسرح للحضارم وجرة فولها
معجب العتيبي
27-Nov-2007, 09:34 PM
صحت السنتكم

واصلا وازهلوا المتابعه
سلطان الجـذع
27-Nov-2007, 09:40 PM
فيه ساحة للمناعيـر مذكـورة بخيـر
وفيه مسرح للحضارم وجـرة فولهـا

عز الله انك صادق 100%

صح لسانك ملايين وصح لسان الفالح
سهم جده
27-Nov-2007, 09:45 PM
صح السنتكم واصلو لاهنتم
محمد العضياني
27-Nov-2007, 09:59 PM
مرزوق العتيبي


العازمي


سارح البال


سلطان الجذع


سهم جدة


يا مرحبا مليون بكم جميعاً

وصحت ابدانكم

تشرفنا بحضوركم لاهنتوا
علي فلاح العضياني
27-Nov-2007, 10:01 PM
انته الظاهر حريصٍ على نفسك بصير=امتكيّف مع مدار السنه وفصولها
انت علّقت السواري لها وقت كثير =والذخيره من بطاها فسد مفعولها
راع العلطا
27-Nov-2007, 10:11 PM
صحت السنتكم وتقبلو مروري و ودي
عبدالعزيز بن جودان الرويس
27-Nov-2007, 10:12 PM
الله الله
عمالقه
البواردي والفالح والا بداع
محاوره رائعه
لاهنتو
محمد العضياني
27-Nov-2007, 10:18 PM
ماوردت العد يا علي بالحبل القصير=من ورى الهقوة والاجواد ماهي حولها
كل حب القوم وسط الرحا اللي تستدير=ماجنت غير المخاسير من محصولها
محمد العضياني
27-Nov-2007, 10:20 PM
راع العلطااااا


عبد العزيز بن جودان الرويس


يا مرحبا نورتوا المتصفح

وشرفتونا بحضوركم الكريم

صحت ابدانك وتقبلوا كل التقدير والمودة
$ الحــيــران $
27-Nov-2007, 10:41 PM
ياسلام عزالله إبداع
محمد العضياني
27-Nov-2007, 10:59 PM
الحيران

مرحبا مرحبا

الابداع هو تواجد النشاما شرواك
كبتن عتيبه
29-Nov-2007, 01:29 AM
محاوره فريده من نوعها











لله دركم
معجب العتيبي
29-Nov-2007, 01:49 PM
نقاش وعتب هاديء
الهدف منه توحيد الاتجاه

شاعرين اجادا التعامل مع هذا النوع من الدردشه

شكرا على اتحافنا بهذا الموضوع
بندر الهيلا
29-Nov-2007, 05:56 PM
الفالح/افلحت في اجادتك وجزالتك الغير مستغربه عليك
البواردي/اصبت الهدف بكل ماتحمله الكلمه من معنى
صحت السنتكم ولاهنتوووووا
تحيــــــــــــــــاتي
بنـــــــــــــد الهـــــــــــيلا
محمد العضياني
30-Nov-2007, 04:43 PM
كبتن عتيبه

سارح البال

بندر الهيلا

هلا ومرحبا

حضوركم تشريف

واشادتكم نوماس
نايف بن ملحق الثعلي
30-Nov-2007, 09:39 PM
الفالح

البواردي
صحت السنتكم ياشعار
علي فلاح العضياني
30-Nov-2007, 09:49 PM
اشكر جميع الاخوان اللذين مروا وشاركونا وبيض الله وجيههم