ياعتيبه .. من خلوج المزاين

[فارس الباديه]

عد ذرو الرياح وعد وبل المخيل = مرحبا يا عريب الناس وأحرارها
من جداكم خذينا شي ماهو قليل = من خلوج المزاين ناخذ احوارها

[عيد العازمي]

عد ماياقف العتبان دون الدخيل *** البقا من هجوسن تنفض غبارها


ياجماعه ترا الشاعر هذيّا حليل *** اوّل افصح من اي الناس وديارها

[$ الحــيــران $]

صح لسانك فارس
صح لسانك جدي عاصي

متابع عساكم على القوة

[ابراهيم الزراقي]

صحت ابدانكم ويالعازمي واصل يابن العم انا في صفك

[مرزوق حمدان العتيبي]

ياجماعه ترا الشاعر هذيّا حليل *** اوّل افصح من اي الناس وديارها

الله الله :)
صح لسانك ولسان فارس البادبه
..

[عيد العازمي]

شكراً لكل من مر

اخي مرزوق شكراً من الاعماق لاهنت

[فارس الباديه]

شكرا لجميع من مر ويعطيكم العافيه .. واسف على التاخير يالعازمي ... مشاغل الدنيا اشغلتنا ... وسم



بني عمرو حزامي فالعراك الطويل = عزوةٍ بالوفا والطيب مقدارها
فيه سيفٍ مثلم فيه سيفٍ سليل = والرقاب الذليله عند شطارها

[عيد العازمي]

اوزن القاف وابشر بالفرج كل ليل *** البيوت الجزيله تشتعل نارها


منت حمل السيوف ولاعينّا دليل *** يارقابن تواما قــدم جــزّارها

[فارس الباديه]

ترا الله نكب عساف من راكب الخيل = لا تضيع الأصايل دون مشوارها
يا وسيع المعارف لا تغر الجزيل = شوف ربعي عليكم ترسل أنظارها

[عيد العازمي]

فوق ظهر الاصيله مال ربعك مشيل *** دورو فالكدايش ياولد غارها


انظر انظر بعينك للسما في سهيل *** منزلة ربعي الهيلا ومعبارها

[فارس الباديه]

ناطح القوم غنا في حِلال الزميل = مدرستكم رديه طايح جدارها
نعم فيكم قبيله وانت نعم القبيل = مير خل الجنايز عند قبارها

[عيد العازمي]

ناطح القوم غــاب اسبـوع ظني ذليل *** طاح قبل الفتايل يشتغل سارها


انت طرقي خلاوي فوق جنبه صميل *** عقب كبّوه ربعه في ذرا غارها

[فارس الباديه]

شلها يالعتيبي شلها فالشليل = طايرتكم كبيره وين طيارها
أنت سلعه رخيصه يا قليل الحصيل = وأنت مثل القناه توزع أخبارها
غارها ماكنها سرت تصبح على خير اذا ودك تختم اختم

[فارس الباديه]

شلها يالعتيبي شلها فالشليل = طايرتكم كبيره وين طيارها
أنت سلعه رخيصه يا قليل الحصيل = وأنت مثل القناه توزع أخبارها

[عيد العازمي]

في مراح العرب خلّوك ربعك عليل *** واليدين القصيره تقصر اشبارها


ياحليلك يافــارس ياهــذاه العــميل *** روح ود العلوم وعد مصــدارها




غارها ( الغار ) ماسرت


تشرفنا وانا اخوك لاهنت