نهاية احداث المسلسل

[بندر المرشدي]

مساء الخير ..سلطان الجذع ودنا نمزح معك لا هنت...



عند قاض المحكمة ياعسى قلبه يلين=آتوسط للجذع يمكن انه يعتقه

مار قرر حضرت الشيخ تعليق الثنين=ما بقى إلا نربط أعناقهم فالمشنقة

[غازي غالب]

مار قرر حضرت الشيخ تعليق الثنين
ما بقى إلا نربط أعناقهم فالمشنقـة.


يالله دخيلك



صح لسانك يامبدع ,,


وصح لسان الجزل سلطان مقدماً



متابع بشده



تحياتي

[سلطان الجـذع]

ذاك قاضي مرتشي ..والشهود منافقين =والحكم تمييز الأحكام صعب يصدقه
الثنينه .. كلهم سالمين وغانمين =كم واحد لا حضرنا بريقه نشرقه

[سلطان الجـذع]

هلا والله بالشاعر المبدع قبلان الدعجاني

انت راعي الابداع والجزاله وتواجدك

محل فخر وعتزاز لي ولاخوي بندر

[علي فلاح العضياني]

يا عيال ترى لحوم العلماء مسمومه

[بندر المرشدي]

ياجماعة خير يزمر وهو عندي سجين=لا تلومون الجذع ناصر اللي وهقه

السلامة وينها.. وانته وصاحبك وين= الخصيم ليا حضرنا لزوماً نسحقه

[بندر المرشدي]

قبلان الدعجاني مرحبا مليووووووووون والابداع وجودك

حضرت القاضي شكرا على المرور

[محمد العضياني]

مشنقه وقاضي وشهود ورشاوي

يالله دخيلك

حاضر الجلسة ومنتظر

رفع الاوراق للجهة المختصة

اخوكم / المدعي العام

[سلطان الجـذع]

:)


ياسعيد ياسعيد بعين أمك زوين =(غرك صحيب يلم الحكي ويفرقه )
والله انا من كبار القبيله مستحين =ونحذف اللي ماعليها سند فالمحرقه

[سلطان الجـذع]

يا عيال ترى لحوم العلماء مسمومه

:)

علم روحك ياابو الشباب :)

[سلطان الجـذع]

مشنقه وقاضي وشهود ورشاوي

يالله دخيلك

حاضر الجلسة ومنتظر

رفع الاوراق للجهة المختصة

اخوكم / المدعي العام


ههههههههههههههههههههههههه

طيب طيب . . تواجدك ..هو الاهم يالمدعي العام :)

[بندر المرشدي]

الخبر من صدمته صايرا بذنك طنين=مار جمّع فالحكي من هذاك وزبرقه

العرب باللي تلفق تراهم خابرين=بس هرجا هاكذا عند غيري سوقه

[بندر المرشدي]

مشنقه وقاضي وشهود ورشاوي

يالله دخيلك

حاضر الجلسة ومنتظر

رفع الاوراق للجهة المختصة

اخوكم / المدعي العام

البواردي باقي التنفيذ فقط

[سلطان الجـذع]

المصيبه كلها في عقول المشرفين =مار ساعه للتحدي وعمه يلحقه
والله انا بالنصايح سعينا جاهدين =مار بعض الناس .منكوب مالله وفقه

[بندر المرشدي]

انت شاعر تصخر القاف وتجيب الثمين=مار شف جبهتك من ما يجيك معرقه
لو صدر من شيخنا عن عفو قمتوا مسرعين=يسبقك صاحبك للباب والا تسبقه

[سلطان الجـذع]

وانت شاعر محترم بس في يديني رهين =كل ليله ياكحيلان دمك محرقه
عان شيخك ياابيض الوجه مكتوف اليدين =والجذع كم طوّع اللي عصاه بمطرقه

[علي فلاح العضياني]

متى الحلقه الاخير من المسلسل

[بندر المرشدي]

التمني حيلةٍ للعباد العاجزين=مار ذق ما جاك من حامي الملا ذقه

هاتلووا في معمه وقولوا: تايبين=:يافضيلة شيخنا.. اكسبوا فينا صدقه.

[سلطان الجـذع]

واقع ملموس واله العوارف شاهدين =تدري ان السيل يسحت غصون البروقه
والله اني كنت خابرك رجال فطين =واخر ايامك لسانك علينا مطلقه

[بندر المرشدي]

استلم......... ومسك الختام عندك......

الجذع علت نحر لايسار ولا يمين=كم نصحته مار عيّا يغير منطقه


واحدٍ يطمر ويزمر بدرب المسلمين=لا يلوم النفس لاجاه واحد صفقه

[سلطان الجـذع]

انت لو طاوعتني ماغدى لك معي دين =لن وصلتك غرب الدار والا شرقه
لا حضرنا الساعه اللي بها الخافي يبين =بالك اللي عام ماراق اجيه اروقه

[بندر المرشدي]

بيض الله وجهك ياسلطان اشهد بالله انك وافي وجزل.




شهادة ما انت في حاجتها لكن لازم اقولها


وصح لسانك تصبح على خير

[سلطان الجـذع]

الوفاء والجزاله انت راعيها يابندر ..

وانت من الشعار الذين ارتاح واتشرف باللعب

معهم ...


وصح لسانك تصبح على خير

[$ الحــيــران $]

صح لسانك يابندر وسلطان محاوره رائعه وإبداع غير مستغرب

[$ الحــيــران $]

صح لسانك يابندر وسلطان محاوره رائعه وإبداع غير مستغرب