مطلوب شاعر فاللقاء مثل الاعصار

[منوخ القيفان]

مني سلام ٍ كما وضح النقاء بين = ينساق للي عليه العين نيشاني
ودي بشاعر فهيم ولاهوب بهين = يفهم بيوت الشعر في كل الاوزاني

[عيد العازمي]

يامرحبا ياهلا من شاعرن دين *** يتبع هل السنّه اللي شانها شاني


يالشاعر اللي تبيلك شاعر معين *** الرجم ماوايقه يكود سرحاني

[منوخ القيفان]

ابك البقاء يالمرحب عد مازين = رسام فنه وشاعر جر الالحاني
الرجم يطلب وحوش ٍ تمزع اللين = ماهوب قولة ترى الاجواد جداني

[عيد العازمي]

ياكـــم من واحـــدن يرجـــع ومتدين *** لكن نوّخ ذلولـــك قــبل تنــداني


الديس ديس المنيحه لاجلك محيّن *** يكفي يتاما المدينه قاصي وداني

[علي فلاح العضياني]

الله الله


صح لسانك يامنوخ القيفان


وصح لسان ابن عاصي


واصلو وعلى القوه

[عيد العازمي]

تسلم يالفالح

مرورك شرف لاهنت

[منوخ القيفان]

ياكم شارب نشوفه بس متصبين = فيه الهياط الثقيل اشكال والالواني
ودي على شوفت امثالك وابا استبين = واجمع وسجل عدد حالات الاجناني

[عيد العازمي]

بالله لا تنزعج ياعقلي الصيّن *** الظاهر انه لبسله جلد شيطاني


بين الاماكن لعلك تاجد مكيّن *** بالطيب والا بغير الطيب غلطاني







::
اخوي ماقف الشطر الاول( ايّن) صح

[ابن شـامي]

صحت االسنتكم ولاهنتوا
ابدعتوا
تحياتي

[منوخ القيفان]

اسمع واشوف العرب قالولك افطين = يالي تقول الشعر منته بفهماني
ابني بيوت الحجر وانته تجي تطين = هدي واهدي وروح يم لبناني

[منوخ القيفان]

الفالح وابن شامي
مشكورين على المرور المشرف
وصحة ابدانكم



تحياتي لكم

[محمد العضياني]

الله الله

ابداع وشعار على مستوى

صحت السنتكم

[منوخ القيفان]

صح بندك اخوي
البواردي
ويشرفني مرورك
وتحياتي لك

[عيد العازمي]

اخى منوخ القيفان


تشرفت بمجاراتك لاهنت


والشكر موصول لكل من مر من هنا

[منوخ القيفان]

الشرف لي
اخوي العازمي
وترانا مبتدئين فلا تاخذ
على خاطرك من اي شي
وتحياتي