الفالح ... أقرررررب الله لايهينك ..

[السميــــــري]

مساك الله بالخير يالفالح
إذا وقتك يسمح


تعال يالفالح وشد احزامك الليله ترى = قدمك ترى دربين وانته دوّر اللي ترغبه
من لا هدى بالجدي عز الله ترى الساري سرى = وانته يابن ثعلي رهين اللي تقول وتكتبه

[علي فلاح العضياني]

هلا وغلا

يا اخوي انا ادورك دوره ههههه


اهبّ لو انّك تعرف اللي على بالي طرى =والله ما تزهم علي فاللعب ولاّ تطلبه
ترى الوعد يا صاحبي قدّام لا ترجع ورى=العلم عندي شدّ راسه لو تجوّد فذنبه

[السميــــــري]

ياكاف البلا .. الله يخارج
ههههه



خابرك شايل في قليبك علمٍ أكبر من كرى = مااقول غير الصبر زين , أصبر شويه وأشعبه
كم واحدٍ ياصاحبي اليا نهض يبرك زرى = أقول جعلك منت منهم , والبحر من يشربه ؟؟

[علي فلاح العضياني]

بسم الله الرحمن موتك حان والله اكبرا=ان كان من عمرك ما ذقت الموت مرّه جرّبه
انا جرحتك عام الاول جرح يبطي ما برى=انته حسابك يا عديم المعرفه ما تحسبه

[السميــــــري]

الموت واحد وانت مت ومت شف دمك جرى !!= من سيفنا بنشد يارجال كم ألك أرقبه ؟؟
ياذيب لولا الضلع محدن عن عوى صوتك درا = كم ذيب يعرف ذيب باسمه بس ماهو منسبه

[علي فلاح العضياني]

طبيعة الغافل تجيه الناس و هوه ما درى=ما يدري الرجال فالصندوق ولاّ المرتبه
تبا تذرّى ما انت لاقي لك عن الفالح ذرى=وانت ولد طيّب و فعلي فيك ما تستغربه

[حاكم الغنامي]

يعطيكم العافيه صحت السنتكم جميعاا



متابع وفي صف السميري:)

[السميــــــري]

تراه حالك وانته اللي بالتغافل قد ضرى = لك قلب عن قلبين لكن معي تبطي تقلبه

كم واحدٍ سديت حلقه يوم شفته بالغرى = المرجله راحت من الطيب بعد راح شنبه !!

[علي فلاح العضياني]

السوق طايح معك ما فالسوق بيع ومشترى=والطيّب اللي يالسميري ما تغيّر مذهبه
انا ليا منّي بغيت اكويك وعيونك ترى=الميسم الحامي على طول الليال اكويك به

[السميــــــري]

صحيح ماتشري معي لأنك على حد الثرى = يامدّور الكسبات مابه شي يمكن تكسبه !!
العبد يالفالح ترى في سيده مايامرى = لكن لازم له عصى حتى لا شافه يرعبه .

[مالك الذيابي]

صحت السنتكم

متابع :)

[السميــــــري]

حاكم الغنامي ..
صح بدنك يالغالي .. ويشرفني وجوودك
ياسندي ..

لاهنت .....

[السميــــــري]

ابن نجم ..

هلا والله شرفتن يالغالي ..
مرورك رفعه

[سلطان الجـذع]

الله الله يالسميري

صـــــــــح لسانك وازهل الصف

وانتبه لمجرم الحرب اللي معك

واذا فاتتك الكوره لايفوتك الرجال ههههههه

[السميــــــري]

سلطان الجذع ..

صح بدنك وعمرك ..
ووجودك هو الغاية ..

والكوورة واللاعب لاتنشد عنها هههههههههه

[معجب العتيبي]

وربي صحة السنتكم قليله في حقكم

وياليتكم مقابلين بعض منذو مبطي عشان نستمتع

الله يرعاكم ومن العين ياقاكم

فعلا شرف للمنتدى تواجد مثلكما

اخوكم سارح البال

[السميــــــري]

سارح البال ..

الاشادة من قبلكم ..
نفتخر بها يالغالي ..

صح بدنك ..

ولاهنت على هذا المرور الرائع ..

[$ الحــيــران $]

صحت ألسنتكم ولاهنتوا عزالله إبداع

[عبدالمجيد الثعلي]

السميررررررررررررررررري الفااااااااااااااااااااااااااااالح


صحت ألسنتكم

وماقصرتواااااااا

الله لا يهينكم