يا الربع من عيّن الشاعر دريد اللي يجيب السمان !!

[راع العلطا]

سلام عليكم ورحمة الله وبركاته
اسعد الله اوقاتكم
مبطين عنك يا دريد


يا الربع من عيّن الشاعر دريد اللي يجيب السمان=يا اللي تمرون مكه دورو لدريد بشعابها
ابطيت ماجتني الاخبار عنك وخفت غدر الزمان=لعل يا صاحبي دنياك بك مافر دولابها

[مرجح الميزان]

راع العلطا صح لسانك وصح لسان دريد


؛؛متابع؛؛

[مرزوق حمدان العتيبي]

..
.
وعليكم السلام ورحمة الله وبركاته
.. الشاعر الكبير راع العلطا الحمدلله على السلامه
وحشتنا يارجل ... ووحشنا دريد
صح لسانك ولسانه ...
واصلوا
.....

[خالد المقاطي]

يامرحبا

.. الشاعر الكبير :راعي العلطا

حيــه وحي ماجاب ياخوي الساعه المباركــه

مبطين عنكــ والله يابن عمي

تحياتي واشواقي

صــ ح اللسانكـ

:)

وفي انتظار

اخوي الكبير : دريد بن الصمــه

وسجلوني متواجد

لآخر حرف

دام القاف هذاه يجمــع

عمالقتنى ..

[راع العلطا]

مرجح الميزان لاهنت على المرور ومتابتك نوماس

.................................................. ........................


مرزوق العتيبي الكبير الله ولاعليك زود

تشرفت بمرورك لاهنت والله يسلمك من الناار

[راع العلطا]

كعام المعادي

الله يبقيك ويبارك فيك لاخلا ولا عدم




ولا يبطي عليك غالي

وتواجدك فخر وانا اخوك

[دريد ابن الصمة]

وعليكم السلام ورحمة الله ..

يالله حيه وحي ما جاب ..

واسعد الحزات يا راع العلطا ..


ادريد موجود حاضر يا عميله بين ربع وخوان=في راس رجماً طويل . شعاب مكة ما تلوابها

انته تنشد وانا فاقدك وانشد عنك عقب رمضان = غيبتك قدام تنشد يا عميلي بين اسبابها

[دريد ابن الصمة]

الغالي مرجح الميزان ..

متابعتك شرف لنا وحييت يالغالي ..

[دريد ابن الصمة]

ابو محمد ..

الله لا يحرمنا من مرورك المشرف ..

صح بدنك يالغالي..

[دريد ابن الصمة]

ابن العم والاخ الغالي كعام المعادي ..


وجودك مطلب وينومس اخوانك ..


الله لا يحرمنا من تواجدك ومتابعتك ..

[راع العلطا]

الله يحييك ويبقيك


حنا نشدنا ووجهنا الرسايل لك عيانً بيان=ولو كان غيرك لك يا وسيع العرف ما اشقابها
دنياك يا صاحبي يا دريد محداً قد خذ الها ضمان=و الناس من عقب غبنا يا وسيع العرف وش صابها

[دريد ابن الصمة]

يا شاعراً كل ما غتا تصيته واله قدراً وشان = سولف واسولف معك دام السوالف ما انقفل بابها

عان البغل يا وسيع العرف ياكل من ذراع الحصان = بندقك بندقك بندقك القديمه زان مضرابها

[مرجح الميزان]

والناس من عقب غبنا ياوسيع العرف وش صابها

؛؛
بندقك بندقك بندقك القديمه زان مضرابها


هههههههها

الله الله ياراع العلطا
؛؛
والله الله يادريد

صحت الألسن ومتاااااااااابع للمتعه

[دريد ابن الصمة]

مرجح الميزان ..


صح بنك يالذيب ..


ومتابعتك شرف لاخوانك ..

[راع العلطا]

يا دريد يا عزوتي كيف الكراع اليوم عود سنان=اعرف ترى السود حمّل يا دريد وحسّب حسابها
مادمت فارس هوازن لا تنزل يا دريد العنان=الخيل تعرف نهار الكون يا رجال ركّابها

[دريد ابن الصمة]

المشكله فالمطوع يوم يمشط لحيته كيف خان = شفت الشياطين عنده يوم كبر ثم صلا بها

كلاً بيلقا نهار الكون يا راع الوفيه مكان = الا المساكين ضرب سيوفها ماسوم بارقابها

[راع العلطا]

ما يذبح الذيب لو كررت ترديد النداء و اللعان=اعكس حروف و تبين لك همزات كتابها
اسمك دليل الشرف و اعتز به و اترجمه بـ السان=و الكرده القاطعه يمناك تحكم قبضه نصابها

[راع العلطا]

ما يذبح الذيب لو كررت ترديد النـداء و اللعـان=اعكس حـروف الهجاء و تبيـن لـك همـزات كتابهـا
اسمك دليل الشرف و اعتز به و اترجمه بـالسان=و الكرده القاطعه يمناك تحكـم قبضـه نصابهـا

[دريد ابن الصمة]

اكبر غبينه ليا من الفلاني قام يخدع فلان = للعلم وجهين والدنيا تشيل الشر بجرابها

التاجر اللي يمد العشر عشره ما تعود ثمان = يوم العما من عما قلبه يولعها وياطابها

[دريد ابن الصمة]

راع العلطا ...


تشرفت بالاستفاده منك طال عمرك ..

والختام لك ان اردت ..

[راع العلطا]

دريد الشرف لي لاهنت


ختامه مسك منك

بيض الله وجهك والاستفاده لي بلا شك