كنا نتمنى من شاعر الوطن ....ز

[برق لاح]

انتهى ملتقى الهيلا لمزايين الأبل بنجاح وبكل فخر ولكن كنا نتمنى من
شاعر الوطن اللواء /خلف بن هذال العتيبي
مشاركة قبيلته بقصيدة لما لقبيلته من حق علية حيث تجلت مشاركة خلف معنوياً فقط , حيث صرح الشاعر خلف في لقاء لقناة الساحه عندما سأله مذيع القناة . ماذا قدم خلف بن هذال لملتقى قبيلته ؟ فأجاب الشاعر خلف ( دعمي كان معنوياً ولم استطيع كتابة قصيده وذلك لضيق الوقت حيث انني استعد لكتابة قصيده لمهرجان الجنادرية و لموسم الحج منى ) .
وانا وجهة نضري بأن قبيلتك لها حق عليك يا شاعرنا الكبير وفي اعتقادي بأن مناسبة ملتقى مزايين القبيلة مناسبة لن تتكرر وستبقى على مر التاريخ فياليتك يابو هذال ما خليت قبيلتك ولو بقصيده ( واتوقع ان قصيده بالنسبة لك ما راح تعوق معك لكونك شاعر من فطاحلت الشعار ) وان هذه المناسبة يشوش لها كل هاجوس .
لك من الود يابوهذال وتمنيت مشاركتك بقصيده مدح في قبيلتك في الحفل الختامي .
والسلام

[خيال الجريبا]

حبيت ارد على هالموضوع


سعادة اللواء الشاعر خلف هذال العتيبي ليس بشاعر لقبيلته فقط

وانما شاعر للوطن اجمع ولجميع قبائل الوطن فقصائده فالجنادريه

ومنى أهـم وبالتوفيق لك ياشاعر الوطــــــــــــــــــــــــــــــــــــن

تقبل تحياااااااااااااااتي ومروري

[راس القوم]

شاعر الوطن

ليس حكر على القبيلة


وخلف اولا من وقف امامه من الزعماء

وبعدين لابد انه يكون لابس البدلة العسكرية

[برق لاح]

الأخ خيال الجريبا مع التحيه .
تقول ان خلف بن هذال شاعر الوطن وهذا شي ما نختلف فيه وكلنا نقر ونعترف به اما قولك ان قصائد خلف في الجنادرية ومنى اهم من انه يقول قصيده في ملتقى قبيلته اسمحلي اقول ان كلامك مردود عليه .
يقول المثل اللي ما فيه خير لربعه ما فيه خير .

[برق لاح]

اخوي راس القوم مع التحيه .
تقول ان خلف اذا بيلقي قصيده لازم يلبس البدله ( ههههههههههههه)
معناته ان كل الشعار اللي في ملتقى عتيبة لازم يلبسون البدله العسكرية لأنهم جميعا حماة الوطن مو خلف بن هذال لوحده .
اشكر مرورك

[عبدالله بن دبيس العتيبي]

بسم الله الرحمن الرحيم

السلام عليكم ورحمة الله وبركاته


مشكور ياخوي برق لاح

والله اذا كانت بالتمني ياخوي برق لاح والله ان كل العتبان ودهم ان خلف شارك في الملتقى لاكن اكيد ابو هذال عنده اسباب اجبرته على ذلك


وبعدين ياخوي خلف بن هذال يحمل رتبه عسكرية عليا وليس من الائق مدح قبيلته وانت اعرف مني ياخوي بارق لاح


خاتمة

والله ياخوي ان استانس لاقريت اسمك تدري ليش لانه يذكري بالامطار

اللهم اغثنا اللهم غثنا
الهم امين


وتقبلوا تحياتي

[##البروفسور##]

سعادة اللواء خلف شاعر الوطن كما قال كان مشغول جدا في الملتقى وعنده الكثير الاشغال مثل ماذكر ابوهذال واعتذر ووعدنا بمايرضى الجميع ---- وربما اراد ان يتيح الفرصه لكثيرا من الشعراء وكفوا ووفوا ولاقصر وا بل زادوا بيض اللة وجيهم ولكم وافر احترامي

[* الدغيلبي *]

الاخ برق لاح

اعرف بان ماقلت في سطورك ناتج عن حبك للقبيله وهذا شي تشكر

عليه 0 اما من ناحية الشاعر خلف بن هذال فهو شاعر وطن ولاتفهم

غلط مع تقديري لشخصك الكريم

[السيل-الحافي]

ارد على هالموضوع


سعادة اللواء الشاعر خلف هذال العتيبي ليس بشاعر لقبيلته فقط

وانما شاعر للوطن اجمع ولجميع قبائل الوطن فقصائده فالجنادريه

ومنى أهـم وبالتوفيق لك ياشاعر الوطــــــــــــــــــــــــــــــــــــن

تقبل تحياااااااااااااااتي ومروري

[* الدغيلبي *]

ارد على هالموضوع


سعادة اللواء الشاعر خلف هذال العتيبي ليس بشاعر لقبيلته فقط

وانما شاعر للوطن اجمع ولجميع قبائل الوطن فقصائده فالجنادريه

ومنى أهـم وبالتوفيق لك ياشاعر الوطــــــــــــــــــــــــــــــــــــن

تقبل تحياااااااااااااااتي ومروري

والله والف نعم لابوهذال ولاتكفيه الله يطول عمره ويخليه ذخرا للقبيله
( وجووووووده بحد ذاته مفخره للقبيله )

[مخاااااوي الغربه]

سعادة اللواء / خلف بن هذال العتيبي شاعر وطن وأمه
وانا متأكد انه أحب ان يترك الفرصه لشعار عتيبه الكبار وهذه القبيله مليئه بالعديد من فطاحلة الشعر

أما خلف فيكفينا فخراً انه شاعر الوطن وشاعر الامه أطال الله في عمره

ودمتم بخير من الله ورضوان

[راع العوجا]

مالنا فالطيب نصيب

بس معذور ابو هذال

[محمد فيحان العصيمي]

شاعر الوطن اللوا خلف بن هذال في قلوبنا جميعا
والله يوفقه وين ما يروح

[البعيـد النـايف]

شاعر الوطن فيه جدال يالربع الكلام هذا ما يجوز فيه الخوض طنشوا بعض الكلام

مع تحيات
البعيد النايف

[غازي البقعاوي]

سعادة اللواء خلف بن هذال العتيبي
يستطيع ان يرتجل معلقه ولا يعسره ذلك
انما رجل يعرف مكانته ومسؤوليته القوميه
هو شاعر الملوك وشاعر الزعماء وشاعر الوطن

فمن اجل ذلك لايليق بان يكون شاعر للوطن ويشارك في حفل قبيلته

هذا الرجل كان وزارة اعلام في حرب الخليج لوحده ، لقد كان يلهب الميادين
حماسا،وكان صدى ابياته كالسياط على على وجوه اخصام الوطن.

يكفينا تواجده بيننا في ايام الملتقى ، لقد كان دواوين شعر متحركه تمر من امامنا ونشاهدها عن قرب.
خلف قامة شامخه في سماء الوطن ، واسم يتوهج في صفحة التاريخ السعودي الحديث ، رجل احب قادته وحكامه فاحبوه وقربوه ، وجدوا فيه ملكة شعر الحماس والوفاء ورجل ذو حزم وعزم وكريم وذو نخوه ومتميز بظهوره باي محفل رسمي يمثل دولته وحكومته ووطنه،
فتحيه لابو هذال تطاول قامته الشامخه وعسى الله يعطيه الصحه والعافيه .
والموضوع انتهى
ولكم تحيتي