قديمك نديمك

[أخا هوازن]

http://up.joreyat.org/06Jul2007/image003.jpg

http://up.joreyat.org/06Jul2007/image002.jpg
http://up.joreyat.org/06Jul2007/image001.jpg
http://up.joreyat.org/06Jul2007/image004.jpg
لا تعليق


اترك التعليق لكم .......

[ابوراكان2000]

اخا هوازن يا خوي من اي مقبرة طلّعت الحاجات هذي الله الله الله الله

رجعتنا 40 سنة للوراء

بس والله حللللللللللوة يعطيك العافية

[أخا هوازن]

هذي بتبين اعمار المشاركين
يعني انت يابو راكان اكيد عمرك فوق الخمسين
خخخخخخخخخخخخ

[محب الهيلا]

ياألله منين طلعت هذي الاشياء القديمه اكيد ان عمرك فوق الستين لكن مشكور وماقصرت

[أخا هوازن]

الأخ محب الهيلا
شكرا على مرورك
انا صحيح كبير سن لكن فوق الستين كبيره

[عبدالعزيز2007]

تشكر على النقل الطيب ولا هنت

[eMoTiOn]

أعتقد الاغلبيه موجوده الان لكن باشكال

مختلفه واغلفه جديدة التصميم



لك كل الاحترام والتقدير

[محمد فيحان العصيمي]

اثرك شايب يا اخا هوازن

[ابوراكان2000]

ايه يا محمد فيحان اخا هوازن الله العالم انه من حول الستين ههههههههه

[خيال حر]

الله عليك يا أخا هوازن ..
منين طلعت هالصور .. البحار وابو بس .. والمشاخيط
وعصير (الرنجوز ) يعني (اورنج) العربان متطورة من زمان ..
لا والكريم الابيض لا تدهن به الواحد طلع نصفه يلمع والباقي اشهب من الغبار ..

ترى ماهنا كبر بس اخوي الكبير هو اللي معلمني ..

،، مشكور على هالصور الحلوة ،،

[راع العوجا]

ايه قديمك نديمك لو الجديد اغناك هههههه

لاهنت على الصور الروعه

[أخا هوازن]

يالربع صدقوني تراني ما ني شايب

بعدين ترا الشباب شباب القلب :)

اوفهم يا فهيم

وسرى ليلي سرى

عبدالعزيز2007

eMoTiOn

محمد فيحان العصيمي
ابو راكان 2000
خيال حر
راع العوجا


مشكورين على المرور

يا شياب خخخخخخ

[محب الهيلا]

بغيتها عجب وجاتك نشب

[البيـــــــــرق]

السلام عليكم ورحمة الله وبركاته

الحقيقه الشباب كفشاااااان مافيه وقت
اللي يقول من مقبره قديمه
واللي يقول عمرك فوق الستين

الله يعنينك أخا هوازن ..انتبه من هذه المواضيع ههههههههههه
فيه اشياء والله مامرت علينا ..ياالله نذكر الكبريت الاحمر الصيني وابوبس بعد وبعض الحلويات لازالت متوفره ...وعصير تانج اثره قديم والبسكوت ابوميزان وينه هههههههه .

مشكور على موضوعك الجميل الله يبارك فيك ..

[نبض عتيبه]

القديم احلــــــــــــى مهما كان غير جميل

[ابوراكان2000]

القديم احلــــــــــــى مهما كان غير جميل



نبض عتيبة اخا هوازن يقول لك الله يجبر بخاطرك هههههههههههه

[البعيـد النـايف]

ماشاء الله عليك انت عندك مخزن للمنتجات
ذكرتنا بالماضي


لك مني التحية

[أخا هوازن]

الأخ محب الهيلا: صدقت انها جتني نشب

اما انت يالبيرق: مسوي انك شباب ماتعرف من الأشيا هذي شي وفضحت نفسك ببسكوت ابو ميزان يالشايب

الأخ نبض عتيبة : على قول ابو راكان الله يجبر خاطرك . انت الوحيد اللي احس انك شباب

البعيد النايف : من يوم انك تقول ذكرتنا بالماضي اجل انت من الشيبان كفشناك يالعود

[البيـــــــــرق]

السلام عليك اخوي اخا هوازن ..

ابي اجيبها لك على بلاطه /عمري سلمك الله 38

والله الدنيا مابها خير خلها تولي ، لو تقولي ارجع باالعمر وراء ،
أقولك : آسف ، كل سن له وزنه وثقله وخبرته ..

بل ان هناك من يقولون ان السعادة تبدأ من بعد الاربعين حين يقارب ينتهي الشخص من بناء ما يتطلبه من الحياه والآخرون يقولون مع التقاعد تبدأ حياتهم الفعليه إما السنوات الماضيه كلها في الدوام ..والسلام .