سلام ياروس الرجال اللي تقابلها رجال

[ريف المسايير]

السلام عليكم وهذا اول مشاركه لي معكم وراح ابتدي فالمشاركه بطاروق والله يحي الجميع





سلام ياروس الرجال اللي تقابلها رجال=وسلام اقوله للرجال اللي تعن اخيولها
حنت رعود الخير والبارق تفطّر فالخيال=والارض لاجاها المطر لازم تسيل اسيولها

[عايض بن زوير]

يامرحبا في مرحبا والطيب ميدان العيال=اللي على وضح النقا دايم تبين فعولها
السيل لا منه هدر ما زحزح ركون الجبال=أما يريح دونها ولا يجي من حولها

[عايض بن زوير]

جدي عاصي عندك أيه..

أنا خارج لأمر طاري..


صح لسانك أخوي ريف والى لقا قريب

[ريف المسايير]

ياليتك لمقاطي مااحرقت القاف وانك كملت بس استلم كان ودي مباشره معك


دام البقى يالشاعر اللي من كريمين السبال=تقولها وتطولها ونقولها ونطولها
مدام كيفي ياوسيع العرف في صفر الدلال=ام الكباير حطت المجنون تحت انعولها

[عيد العازمي]

صحت السنتكم

مقاطى الحجاز كنت ابى ارد ولقيتك سبقتنى


كفو اخوى واصل

[عايض بن زوير]

أخوي ريف المسايير ..

آسف على الخروج الطارىْ..


واذا ماعند مانع نكمل القاف

..جدي عاصي؛؛ شفتك رديت قلت أترك لك المجال


لكن مرحبابك ..ألف

[عايض بن زوير]

ولا عليكم زود والمعنى على ..روس الطوال=والكلمه اللي ما تدسم شاربي ماقولها
مجنون واللي يصحبه مجنون مافيها جدال=ويالله على بعض العرب انك ترد عقولها

[معجب العتيبي]

ريف المسايير
مقاي الحجاز

كتبتما فأبدعتما

كملوا والله يقويكم

[الفرهود_الأسعدي]

بيض الله وجيهكم يامقاطي الحجاز ويا ريف المسامير

[محمد العتيبي]

صح لسانكم جميعا

والله لا يهينكم ..

[عايض بن زوير]

..سارح البال..
..الأسعدي..
..أبو مشعاب..

يامرحبا مليون ولا يسدون

وفي انتظار أخونا ريف المسايير

[عيد العازمي]

منتم بسهلين واصلو الابداع

[ريف المسايير]

الله يخلي للرجال ارجالها يابن الحلال=هذا الزمن دوار والدجال دق طبولها
دام المثل قد قال ماللحمل ياكود الجمال=الخزنه اللي من طرفكم لاتفك اقفولها

[ريف المسايير]

مشكورين على المرور والله لايهينكم

[فراج القرقاح]

الله يخلي للرجال ارجالها يابن الحلال
هذا الزمن دوار والدجال دق طبولهـا
دام المثل قد قال ماللحمل ياكود الجمال
الخزنه اللي من طرفكم لاتفك اقفولها


.
.

الله الله الله


قاف على مستوى وشعار اروع


بالتوفيق

[عايض بن زوير]

مرحبا أخوي ريف المسايير


واستلم مايلي..

[ريف المسايير]

هلابك يالمقاطي اسلم

[عايض بن زوير]

ما للبيوت اللي تبنى من على جرف هيال=غير الهبوب اللي تهب مع الصبا وتزولها
ذكرتني (بالأكلبي) راع القصيدة يوم قال=(يالله بحملتها تقوم وتدرج بحمولها)

[عايض بن زوير]

فراج القرقاح,,

مرحبابك ومنور بمرورك..

[ريف المسايير]

لاصرت انا فالشمس لاتقعد تبطح فالظلال=المشكله كبرت واظنك بالشٍ بحلولها
يالله متى يالله متى يذن على راسك بلال=الناس شافت وش حصل وانت تجر اذيولها

[ريف المسايير]

لاهنت يافراج على المرور

[فراج القرقاح]

يالله متى يالله متى يذن على راسك بـلال
الناس شافت وش حصل وانت تجر اذيولها


يالله متى يالله متى يذن على راسك بـلال
الناس شافت وش حصل وانت تجر اذيولها


يالله متى يالله متى يذن على راسك بـلال
الناس شافت وش حصل وانت تجر اذيولها


//

الله الله
طيب طيب ياريف المسايير

[عايض بن زوير]

يام القرى ما كره أهل الدين في كثر الوصال=غير العبيد اللي على الغارب تشيل سطولها
وختامها كانك تميز فالخفاف وفالثقال=الأرض ياوش هو يجيب جبالها لسهولها

[عايض بن زوير]

أخوي ريف المسايير؛؛

صح لسانك .. تشرفت باللعب معك


والأخير عندك؛؛

[فراج القرقاح]

الله الله الله

لاهنتوا وماقصرتوا

[ريف المسايير]

صح بدنك يامقاطي الحجاز بصراحه مبدع وجزل واستلم لاهنت والشكر موصول لاخواني اللي تابعونا ودمتم



ام القرى وطيبه ترى والقدس ياراع السلال =تحمى وتنصر من رفيع الشان وايضا فحولها
وختامها كانك تميز فالدقاق امن الجلال=حاسب على هرجتك قدام العرب وزحولها

[مرزوق حمدان العتيبي]

..
.
بيض الله وجيهكم على الجزاله
مبدع يابن العم ...
ولابه قصور في ريف المسايير
.....