مرحبا بالنشمي اللي كلبو ربعه نشاما

[علي فلاح العضياني]

مرحبا بالنشمي اللي كلبو ربعه نشاما=والنشاما طبعهم ما يزعلون من الحقيقه
الاداره واثقينن فيك معطينك وساما=وانت تترك ديرتك وتروح للدار الشقيقه

[علي الثبيتي]

البقا بالشاعر اللي له معزه وحتراما= البقا من شاعر، ماشال وسط الصدر ضيقه

عند ربعي يالعتيبي ماتجاوزت النضاما= انتبه للنار والبارود لا تشعل حريقه

[علي فلاح العضياني]

يا عزيزين الجناب و يارفيعين المقاما=ودّنا ناقف سوى وقفة رفيقٍ مع رفيقه
انت لك عشرين عام و فوقها عشرين عاما=لا تضيّع ما كسبته طول عمرك في دقيقه

[علي الثبيتي]

ماعلاكم زود ياهل الطيب في يوم الزعاما= نذكر الافعال والا مجاد يالفالح عريقه
خش فالموضوع يالفالح ومضمون الكلاما=والصديق ان شاف غلطه تنذكر يخبر صديقه

[علي فلاح العضياني]

يا جماعة خير ما حتى تردّون السلاما=دوروا غير الطريقه ذيّ ما هاذي طريقه
انت يالنشمي مدان وفي محلّ الاتهاما=تعتذر بانّك تمشى فالملاهي والحديقه

[علي الثبيتي]

جيتكم طرقي ودورتلك في شرقأ وشاما= ون جحتوها ترى عندي على الدعوى وثيقه

يالعضياني قنعنا من سوالفك العضاما= اركد اكرد قبل لا حملك حملن ماتطيقه

[علي فلاح العضياني]

عهدنا بك في شهر شعبان قدّام الصياما=واثر ابو زاحم مع الجمهور ويشجّع فريقه

لا تلحقنا ملام ولا نلحقكم ملاما=ما يجنّب من يرد للعدّ لين يبلّ ريقه

[علي الثبيتي]

جيت بعد الصوم ابا عايدك يانسل الكراما=والله ان الروح يالفالح على شوفك شفيقه
ما على مثلك ملام وخلها مسك الختاما=فيه في روس الجبال اصقور يالفالح مويقه

[علي الثبيتي]

طاروق مازال في الذاكره