نايف الروقي !!!

[سلطان الجـذع]

انشد عنك يالروقي مع الروقه ثمان ايام= ثمان ايام وانت مسيطر ذكرك على بالي
انا اعرفكم كرام فالعطايا والنفوس كرام =ولاجاء من طرفنا كلمه تزعلك يالغالي

[خالد المقاطي]

ولاجاء من طرفنا كلمه تزعلك يالغالي

ولاجاء من طرفنا كلمه تزعلك يالغالي

ولاجاء من طرفنا كلمه تزعلك يالغالي



الله الله الله


ياسلطان مبدى كايف

وبأنتظار المبدع :: نايف الروقي


متابــ ع

[سلطان الجـذع]

كعام المعادي

هلا ومرحبا بك يامطول الغيبه

شرفنا تواجدك

يالغالي

[نايف بن ملحق الثعلي]

انا موجود ياسلطان لاتلعبك الاوهام=و ذكري ياوسيع المعرفه بين العرب عالي
ترا حنا هل الطالات والله ينصر الاسلام= وشرهتنا كبيره لاتخلط المر بالحاليِِ

[علي فلاح العضياني]

الله الله واصلوا والله لا يهينكم

[سلطان الجـذع]

انا ماودي الفرقه يابن ثعلي تروح أقسام =وحبل الهرج يقصر ياطويل العمر لو طالي
انا ماابغاك تجلب باعه فالسوق ماتنسام =تعامل بالذهب وانزلك فأعز منزالي

[نايف بن ملحق الثعلي]

وحنا ما نبا شقر العصا يالفارس المقدام=واظن الفرق ياسلطان فالاول وفالتالي
انا عرفك سوات مسيلمه وصحيب ابو عرام=عساكم يالثنينه كلبوكم مالكم والي

[سلطان الجـذع]

جملنا ياجملنا مانت بمروح بدون خطام =وعيبك يوم مالك حيله فالوقت تحتالي
وانا اعرفك تغشك في منامك كثره الاحلام =لو ان الحظ مايل مااعتدل .. والوقت ميالي

[نايف بن ملحق الثعلي]

تبا تاخذ نصيبك من صحيبك والوعد قدام=وحنا مالحقنا عيب نركي فوقك الصالي
اضنك لو تشق الثوب ياسلطان ماتلام=حداك الوقت الاقشر وانت لاعمي ولاخالي

[سلطان الجـذع]

تجهز لللزوم وحط من فوق الحزام حزام = لو انك تالي الايام يالله تستر الحالي
مادامه حل في خشمك على بعض العلوم عرام =عليه بالحرام اني لاحطك جنب جوالي

[ناصر المرشدي]

مادامه حل في خشمك على بعض العلوم عرام
عليه بالحرام انـي لاحطـك جنـب جوالـي

سلطان حاول تحطه في جيبك الايمن احسن له



نايف الروقي بيض الله وجهك



صح لسانكم كلكم


واصلوا يامبدعين

[سلطان الجـذع]

ناصر على شانك نبي نحطه فالجيب الايمن

مع السبحه هههههههههه


ترى ماغير على شانك

[نايف بن ملحق الثعلي]

يلوح البرق ياسلطان يم اهل اليمن والشام= لياجات اللزوم اللازمةماتجهل افعالي
ولا ياراعي الجوال ضيعت العلوم العام= وانا شاعر وانا اعرف كيف مطلاعي ومدخالي