مــحــــاكـــمـــــة ســـــلــــــطــــــان الــــــجـــــــذع

[علي فلاح العضياني]

الجذع صاير لسانه علينا طويل =والكلام الصحيح المعتبر يجحده
وان هجدته ما هو معجز و لا مستحيل=عادته ما يدلّ الدرب لين اهجده

[نواف العصيمي]

محكمه

:)

صح لسانك يالفالح .. وأزهل الصف



صح لسانك يالجذع ..


ولكم التقدير والإحترام

[سلطان الجـذع]

الجذع جاك بالحجه وجاب الدليل =يوم غيره يسولف علم ماوكده
ماانت قادر على راع الحصان الاصيل =وانت طول الليالي سبحه في يده

[علي الثبيتي]

الله الله
يابوفلاح
صح لسانك
ولسان الجذع

وتراني في صفك
وعندي شهادة هههههههههههههههههه ليلك ليل ياسلطان

[فالح الكرنافـ]

صح السانـ الشعار

واللهـ يعطيكمـ العافيهـ

[علي فلاح العضياني]

العرب كلها تعرف مطالع سهيل =اترك الزور يا سلطان لا تشهده
انت راكب حصان بدون سيفٍ صقيل=يعتبرك العضيّاني مقام ولده

[علي فلاح العضياني]

نواف العصيمي



مشكور على المرور يالغالي

[علي فلاح العضياني]

النشمي

هلا وغلا حيا الله ابوفهد مانستغني اذا عندك شي قدمه للمحكمه الشرعيه

لاهنت اخوي

[علي فلاح العضياني]

فالح الكرناف


لاهنت يالغالي

[بندر المرشدي]

الله...الله.. هذا والله الليـــــــــل

والله ولا محاكمة صدام

[سلطان الجـذع]

لا تحطون منكم للبريه وكيل =كل جاهل يحصل عاقل يرشده
دور لعلمك اللي مايجمل بديل =ليت ابو نيتين يجوز عن مقصده

[علي فلاح العضياني]

ما يشيل الحمول الا جملنا شعيل=يوم ظلاّ جملك ايدينه امقيّده
لو اقرّب زنودي من خشوم الفتيل =انقضت كلّها في فتره محدّده

[سلطان الجـذع]

بارق الصيف ماعدوا له الناس سيل =لو برقه يلوح ولو يدن رعده
مانت راعي كثير ولا انت راعي قليل =ليت عودك تهنا العام في مرقده

[محمد العضياني]

حضور للتشفي في المدعو / سلطان الجذع << مروعينه البارح

ايييييه ابا الثريا

عندكيه يالفالح لا يطلع غير بكفيل

هههههههه

عموماً صحت السنتكم الثنين

يالفالح ويا سلطان

متااااابع للفائدة والمتعة

[علي فلاح العضياني]

انت ثوبك من الدفّه ماهو بالاصيل=لو ينوشه حظير مع الطريق اهرده
وابك انا راعي الطالات زبن الدخيل=يوم بعض الرجال يغيب ما نفقده

[سلطان الجـذع]

وانت ثوبك قصُير لو قوامك طويل =غير هذا زمانك بيٌُده بيٌُده
وابك مانته شقير ولامرير الحبيل =تنقض الحبل والا ياعلي تعقده

[علي فلاح العضياني]

الله انه يعينك لو دموعك تسيل =استلمتك وانا في صحّةٍ جيّده
وابك شعري مع الشعار وزنه ثقيل=وخالك شقير ما قبله ولاش بعده

[سلطان الجـذع]

مانت في صحه ادري عنك قلبك عليل =كيف مسيود ..يطمع ياعرب سيده
خالي شقير بعده ورٌد أفخم موديل =وانت ماعضتنا في ميت فلحده

[ناصر المرشدي]

السلااااااااام عليكم



صح لسانكم كلكم


سلطان لاتسيدله هذا يباله واحدن يعطيه القاز ههههههههههههههههههه




واصلوااااااااااا

[سلطان الجـذع]

السلااااااااام عليكم



صح لسانكم كلكم


سلطان لاتسيدله هذا يباله واحدن يعطيه القاز ههههههههههههههههههه




واصلوااااااااااا

لاتوصي ياخوي الجنب

انت تشوف فعلي فيه ...!!!

اقوى من فعلك في رفيقه هههههههههههه

[علي فلاح العضياني]

ليلنا بالعدد يسوى ثلاثين ليل=الجذع سيّده من مطرقه يجلده
خالك شقير لبيوت الجزاله عميل=وانت فقران حتّى الراتب اتقصّده

[سلطان الجـذع]

لاتعكس السوالف يالكبير الهبيل =اطرد الحلم عن راسك بعيد ..اطرده
مثل خالي ومدي يابن ثعلي جزيل =وانت ضو الكرم من بخل ..ماتوقده

[علي فلاح العضياني]

لوّ هرجك يابن عسّاف يشفي غليل=كان ضغطك ما يمديه ادنى ما زوّده
ما نت مثله ولا شقير الجذع لك مثيل=فالمجاليس له مركا ولك مسنده

[سلطان الجـذع]

انت اللي تركت شداد سحمه يميل =قبل تبدي كلامك ياعي نقٌُده
احمد الله . . ألي بين النشاما حصيل =وعلي فالمجلس المعمور ماناجده

[سلطان الجـذع]

الفالح تصبح على خير

ومشكور يالغالي

تشرفنا باللعب معك

والشكر موصول لجميع من سجلوا مداخلاتهم في المتصفح

[رجا بن فهيد الهاجري]

ياسلام يالفالح مبدا كايف


وسلطان الجذع بيض الله وجهك على هالرد