ناصر الجلااااااااااه // خالي ياخالي

[خالد المقاطي]

مرحبا ياخال ودنا ندردش معكــ وناخذ علومكــ :)

" " "

" "

"



سلامي سلامً فيه هقوه وتخمين = ارده لخالي في طحي وسنامي
نشوف الجبل في تالي الوقت نصفين = وجنبن يدفونه وجبن عدامي

[سلطان الجـذع]

الله الله الله الله

صح لسانكـ يامبدع وفي انتظار الشاعر الكبير

ناصر الجلاه ...


ولكن ياكعام المعادي علم خالك ترى الوجه من الوجه ابيض

لين اشوف اسمه مع المتواجدين ههههههههههههه

<<<يمزح يمزح

[خالد المقاطي]

هههههههههه


الوجيــــه بيض أنشاء الله

يابن عمي .. وحنا في قائمة الانتظار

وفالك طيب :)

[عايض بن زوير]

وجنبن يدفونه وجنبن عدامي


الله الله يابن العم..

صح لسانك.. وصح لسان ناصر مقدما

أنا هالحين في طحي وكان خالك توخر علمني ..هههههههها

؛؛؛؛؛


؛؛؛

؛؛
؛

[خالد المقاطي]

ارحب يامقاطي الحجاز

:)


ايه والله دوره الي خالي

.. مهوب عوايده يبطي ..


دمت ودام مروركــ ..

يابن عمي

[محمد العضياني]

سلامي سلامً فيه هقـوه وتخميـن
ارده لخالي فـي طحـي وسنامـي
نشوف الجبل في تالي الوقت نصفين
وجنبـن يدفونـه وجبـن عدامـي


صح لسااااااااااااانك يا كعام المعادي

متابع وفي صفك

[ناصر الجلاه]

..


هلا يالبناخــــي وعذرآ على التأخيــر

واستلم :


هلا مرحبابك ياكعام المعادين=بناخي ولد شيخٍ عزيز المقامي

جبلنا ترى شامخ على العسر واللين=شمخ مير دور غيرها ياغلامي

[ناصر الجلاه]

..

كل من مر على صح بدنه .. ومروره كريــم

الجذع

ومقاطي الحجاز

والبواردي

والصف واحـــد بلا شكـــ


لاهنتوا


..

[خالد المقاطي]

اررررررحب يالخــــال .. حصل خير

الله الله استلم :)

" " "

" "

"




يدوم البقا لاكُن فتحلي العين = وخلك مع اللي صام شهر الصيامي
صدر في دواوين العرب قدم يومين = وبعض الرجال تعوم بحر الحلامي

[ناصر الجلاه]

..

تسلــــــم يالبناخــي

واستلم :

إذا كان تبغالك كلام وبراهين=اقول افتح أذنك ثم تسمع كلامي

تراها إشاعه واضحه من ضعيفين=إذا كان تبغى للحقيقه تمامي

[خالد المقاطي]

الله الله


اظن العرب فالعلم ماهم بدارين = تسوق المطيه غرب والبرق شامي
سفينتك يانوحً عليها العناوين = رست وستفادو ناس والبعض نامي

[ناصر الجلاه]

..


أجل جاي من وينٍ ورايح على وين=معك سالفه قلها معدا الملامي

تقدم كلامك يالبناخي لحالين=ولا أدري حلال القول وألا حرامي

[خالد المقاطي]

مانبغا تقص جرار سحم السراحين = ياكود الحبال الطايله لضوامي
ياكيف السفينه صار فيها تلاوين = وانا وانت ننطلها لطور القمامي