مجاراة الشاعر الكبير / حمد الأسعــــدي .....

[ابن الأجـواد]

السلام عليكم ورحمة الله وبركاته ..

هذي قصيدة للشاعر المعرووف

حمد الأســــــعــــــدي

والذي شارك مؤخرا في تحكيم مسابقة شاعر الشعراء على قناة الجديد والأوطــان ..

كتب في قناة الساحة (الشــات) هذا البيـــت ولا نعرف من قاله :

يامن يعزي نفود السر في عتيبه
اجره على الله ليا سلـّم وعزاهـا


وجاراه الشاعر حمد الأسعدي بهذه الأبيات المتناسقة الرائـعه ::

ياراعـي البيــت بيتـك كنّـه مصيبــه
الله يثيبك عيوني نثرت ماهـــــا

الرمل يبكي فراق الطرش والهيبــه
نفود لاكن بغــال الروح نفداهــا

اوعدتـــها ياولــد ماأطـــول الغيبـــه
مادام انا حي والله مااتناساهـا

وسميتها باسم ثاني لاجل اناديبــه
نفود هيلا العرب وتدوم بحماهـا

حلفت مادام به واحـد من عتــيـبـه
ماياصل الضيم تربتها ولا ماهـا
الشاعر / حمد حمـود الضحيان الأسعـدي ..


اخوكم ..
ابن الأجواد الأسعدي..

[محمد بن غازي]

صح لسان الشاعر الكبير/حمد الأسعدي وبيض الله وجهك يابن الأجواد

[ابن الأجـواد]

صح لسان الشاعر الكبير/حمد الأسعدي وبيض الله وجهك يابن الأجواد


++++++++++++++++++++++++

صح بدنك ..

ووجهك يابن غازي

[راع العوجا]

صح لسان شاعرنا الكبير: حمد الاسعدي

ولاهنت يابن الاجواد على الجهود الطيبة

[ابن الأجـواد]

راع العوجا
شرفتني بمرورك الطيب يا بن العم

[ابن الأجـواد]

ترقبووووا
افضل قصائد

حمد الأسعدي

الجديده والقديمة
ومنها
بغيت النوم مير النوم عيا ..
والكثيير والكثيير

[الذيابي2007]

صح لسانك قصيده رايعه

[ابن الأجـواد]

صح بدنك و حمد مااقصر

[fahad8088]

صح لسان الشاعر

ولاهنت على النقل

[ربوع نجد]

الله يعطيك العافية

[أبوبنـدر]

هيلا العرب

ابيات رائعه وغير مستغربه بشاعر مثل قامة المبدع حمد الضحيان

[ابن الأجـواد]

العفـــــــــــــــــــــو اخواني

[ابن الأجـواد]

هيلا العرب

ابيات رائعه وغير مستغربه بشاعر مثل قامة المبدع حمد الضحيان

ايه والله
مبدع مبدع بكل ماتحمله الكلمة من معنى

[محمدسعد]

ياسلام سلم


صح لسان الشاعر حمد الاسعدي

وشكرا على ايرادها هنا

[غزاي الاسعدي]

صح لسان الشاعر


ولايستغرب منه ذلك

[راعي صبحا]

صح لسان شاعرنا العملاق حمد الضحيان

واللي يعتبر أشهر شعراء الأساعدة في هذا العصر .

وقد تم تكريمه كأحد أعلام قبيلة الأساعدة في حفل قبيلة الأساعدة الكبير في مخيم القبيلة واللي أذيع في قناة الساحة قبل يومين .. وقد ألقى قصيدة في حفل القبيلة .. وقد ألقاها عنه الشبل نواف بن سعود الحداري.


صح لسان إبن العم .. ويستاهل التكريم على هالأبيات التي تقطر حزنا على نفود (الهيلا ) .



راعي صبحا

[(@%{ الأسـعـدي }%@)]

كثر الله خيرك اخونا ابن الاجواد

وصح لسان حمد الشاعر الرائع

(( حلفت مادام به واحـد من عتــيـبـه
ماياصل الضيم تربتها ولا ماهـا ))
ماقصرت يا حــمـــــد


راعي صبحا ماقصرت على الإفادة

[الطارق]

صح لسان الشاعر الكبير حمد الأسعدي والله لايهينه على قصيدة اللي يرفع الراس .

ويستاهل التكريم من هل التكريم . والله يبيض وجه من سعى في تكريمه هو ورجالات القبيلة اللي يشار لهم بالبنان .


حلفت مادام به واحـد من عتــيـبـه ..... ماياصل الضيم تربتها ولا ماهـا


والله أنك صادق يالأسعدي.




أخوك / الطارق

[ابن الأجـواد]

مشكور اخوي على مرورك

[البعيـد النـايف]

لا هنت يا ابن الأجواد وصح لسانك ياحمد الأسعدي


تقبل تحياتي
البعيد النايف