ناصر المرشدي مطلوب حالاً

[سلطان الجـذع]

يالمرشدي كل نجم مرقب في سماه =متساويه في سماها كلها كلها
واصحيبنا الفالح أصبر له ..لاتشره علاه= نبا ندله دروبه لين يدلٌُها

[مخلف الهقاوي]

يالمرشدي كل نجم مرقب في سماه =متساويه في سماها كلها كلها
واصحيبنا الفالح أصبر له ..لاتشره علاه= نبا ندله دروبه لين يدلٌُها


ياسلام عليك يابطل:)

اشهد بالله طاروق كايف

سجلني في الصف ولايهون المرشدي :)

[علي فلاح العضياني]

الله يا سلطان مبدا كايف




وننتظر ناصر اللذي سوف يوقفك عند حدّك هههههههه




متابع

[حمد بن جوباح]

.
..

ااااااااالله عليك يا سلطان

صح لسانك على هالطاروق الكايف

وبانتظار ناصر

وصح لسانه مقدما ً

الليل الليل

:)

.
.
.














تحياتي لكمـ ،،

[مخلف الهقاوي]

<--مناحر للشاشه ينتظر المرشدي:)

[ناصر المرشدي]

الله يديم الفخر والعز طول الحياه=نجومنا فالسماء والجو صافلها
دامه صحيبٍ لنا لابد ندمح خطاه=لو كان يجرد سيوف الحرب ويسلها

[ابن نميان]

طاروق كايف متاابع لكم


وصحة السنتكم يـاشعارنا

[معجب العتيبي]

الله على هالطاروق

واصلو وانا مع صف الجذع

بس على فكره ليش الفالح ماسلم منكم حتى وهو برا


الله يعين الفالح

[ناصر المرشدي]

مخلف الهقاوي



حمد جوباح


الفالح




حياكم الله جميعا

[سلمان الروقي]

واصلو على القوه
صح لسانكم مقدمآ

[سلطان الجـذع]

عز الله اني نصحته مير مالله هداه =أحيان ينقض لها واحيان يفتل لها
وان ماقلعنا سنون الاجودي من جماه =علوم أكبر منه ...خطر يتوصل لها

[ناصر المرشدي]

لابد من ساعةٍ يطوي عن الماء رشاه=ان بل كبد العطش وان راح مابلها
انا اشهد انه ليا وقّف مايلحق مداه=لكن يجيب الحجج ونقوم ونفلها

[سلطان الجـذع]

ههههههههه الله يستر منه


تراه بعض الليال يخونه الانتباه =يعني لو تكبر الحمله تحمل لها
نبي نجيله بحيله لين نبحث خفاه =حتى يردد (يامل العين ياملها )

[ناصر المرشدي]

نشبتنا معه ياسلطان الله يعينا عليه

من مره المر يلقى والحلا من حلاه=ليا بغى دقها وليا بغى جلها
اصبر له شوي لابده مايزحف وراه=وليا عفينا عنه يرتاح ويفلها