الفالح طلع له قرون!!!!!!!

[ناصر المرشدي]

سلام تسليمةً فيها تلد العيون=فيها مناخ السنه وفصولها كلها
قالوا لي البارح الفالح طلع له قرون=ويقول ابا انطح جبال طويق واهلها

[أبو نجر النفيعي]

..
قالوا لي البارح الفالح طلع له قرون
ويقول ابا انطح جبال طويق واهلها



الله الله يا ناصر ..

صح لسانك .. مبدى يرعب :)

.

وفي انتظار الفالح .....

.

[معجب العتيبي]

عزالله راح فيها الفالح

بس خله مايسمع النصيحه

[ناصر المرشدي]

مرحبا ابونجر



حياك الله لاهنت وصح بدنك

[ابن نميان]

الله الله يااانــاصر

مبدى قــوي

صح لسانكـ

وفــي أنتظار الــفالح وصح لسانه مقدماً

[ناصر المرشدي]

سارح البال


مرحبا حياك الله

[علي فلاح العضياني]

يا مرحبا يا هلا باللي يجر اللحون=وفي باله علوم مدري كيف يا صلّها
يا ناصر انته سبع تاكل بليّا سنون=وحنّا نشيل السيوف الحدب ونسلّها

[علي فلاح العضياني]

ابو نجر النفيعي




سارح البال






ابن نميان




نورتوا الصفحه

[ناصر المرشدي]

مرحبا ابن نيمان


وصح بدنك


اغبط صراحه على توقيعك

ماشاء الله عليك

[علي فلاح العضياني]

سارح البال اذكرك كلامك اخر الطاروق وتندم على كلامك

[معجب العتيبي]

اجل ناويه؟

ياويلك من الله

[ناصر المرشدي]

اليا حضرنا شياطين العرب يركدون=نرفع عصانا وتسلم غصب في ضلها
تقول واقول يابو زيد مهما يكون=لاتحسب ان الدير بالهون تحتلها

[علي فلاح العضياني]

اسيوفنا اللي تقص الروس حفّ المتون=افطن لها قبل تنتف راسك افطن لها

ما هوب انا اللي تمرجل يالعتيبي بهون =نفصح كلام العرب والترك نرطن لها

[ناصر المرشدي]

ياهل المحاني عسى مرحانكم للمزون=قدام بعض النفوس تموت من غلها
كم واحدً مات من كثر الغبون مغبون=والحجه اللي معه عود يطبلها

[علي فلاح العضياني]

الله يخشرك من دعواك ولا تهون=اهل الخضاره يجيها المزن ويعلها
أجل هم السابقون اوأنتم اللاحقون=حجتك فالماء يا نا صر بلّها بلّها

[بندر المرشدي]

الله الله


اليا حضرنا شياطين العرب يركدون
نرفع عصانا وتسلم غصب في ضلها



ناصر المرشدي عندكيه وتراني له على المرصاد الليلة




الفالح ول ول ::::::::::: الظاهر سبب المشكل الجذع
اسيوفنا اللي تقص الروس حفّ المتون
افطن لها قبل تنتف راسك افطن لهـا
يالله شد حيلهم بينهم

على كل حال صحت السنتكم يالأثنين

[ناصر المرشدي]

والله لوصلك يالفالح لحد الجنون=مدام لاقفّت العالم تختلّها
انا معي حجةٍ تلجمك وانته بدون=خل الدعاوي لاهلها خلها خلها

[علي فلاح العضياني]

ياللي تقرّون فالاخير لا تجحدون=تراك تدبل كبود الناس وتعلّها
حنا هل الاولات موسعين الطعون=انهين الاعدا بحد السيف ونذلها

[ناصر المرشدي]

يامدعي تدعي بس العرب يشهدون=بدري على اللي مثل شرواك نذعنلها
وحنا بهاماتنا على الكواكب نمون=ومن فعلنا تبكي العذرى على خلها

[ناصر المرشدي]

التحدي


يامرررررررررررررررررررحبا

مرورك مدري وش اقول مثل الشرطه





المشاكل منه هو ماهي من الجذع

[علي فلاح العضياني]

انته وسلطان يا ناصر وش تدورون=اللي يدور لها تجيه في حلها
امرح وخل العرب يا صاحبي يمرحون=بنت الهوى جالها رجال كفوٍ لّها

[ناصر المرشدي]

وجهك يلوّن ليا جينا ثلاثين لون=في كل ساعه على الصابر تعينلها
ليا سرى الذيب خلك حول ريع الحجون=والفايته من صلاتك صلها صلها

[علي فلاح العضياني]

يا ناصر انته محصّلها ما بين العيون=مالك جدا الاّ دموع عيونك تهلّها
مفروض يا ناصر اتغنّي على المقرفون=افضل من الناس ترسلك وترسلّها

[عبدالمجيد الثعلي]

محاوره تضم الجزاله ولو انها وصلت حدها

صحت ألسنتكم