رفيع المنزل في مكتب التحقـــــيــــــق !!!!

[علي فلاح العضياني]

رفيع المنزل ادخل بالخفاره مكتب التحقيق=و هات اسمك كما هو فالبطاقه واسر يا ساري
بعدها نرفع اقوالك لقاض المحكمه ( تصديق )=عرفنا وجه خوّان الصداقه واسر يا ساري

[أبو نجر النفيعي]

رفيع المنزل ادخل بالخفاره مكتـب التحقيـق
و هات اسمك كما هو فالبطاقه واسر يا ساري
بعدها نرفع اقوالك لقاض المحكمه ( تصديق )
عرفنا وجه خوّان الصداقه واسر يا سـاري



الله الله يا شديقي :)

صح لساانك .. وعندك اياه حقق معه ولاتفكه الا بكفاله ههههههه

.
وصح لسان رفيع المنزل مقدماً..

:)

.

[الـثـقـفـي]

وينك يارفيع المنزل وينك طولت لا يكون في المحكمه
,,,(ابن عمك (عزيز الثقفي)

[معجب العتيبي]

عليك ابه
اهم شي الشده فالتحقيق لاترحمه عشان مايلف ويدور

[رفيع المنزل]

العذر على التاخير يالفالح


الا يا الفالح اللي تسمع اهل الزور والتلفيق= اثر يلعب بعقلك كل عاقه واسر ياساري
وش اللي ترفعه مادام ماللسالفه توثيق=طبخها فلان واشهد له رفاقه واسر ياساري

[علي فلاح العضياني]

انا منكرك وانته مالك الاّ الضرب والتصفيق=ومعنا لا تسوّي لك علاقه واسر يا ساري
تدرّق فالرجال اللي تفك البل نهار الضيق=ترا هذاه من زود الحماقه واسر يا ساري

[رفيع المنزل]

نويت اصفح عن المجنون حتى يعتدل ويفيق=بعدها ياخذ من الورد باقه واسر ياساري
انا من العزوة اللي قلت وش نفعي من التلصيق=وبيت الكذب مايذري رواقه واسر ياساري

[علي فلاح العضياني]

ابا اضيّق علاك الحبل وأزود لك التضييق=مدامك خاين وقطّاع ساقه واسر يا ساري
ترى اسمك واللقب ثنتين لا يمكن علاك تليق=نظرك لتحت وعلومك دقاقه واسر يا ساري

[وحي العقل]

خطير يالفالح

صح لسانك ملايين

[رفيع المنزل]

على هرج ٍ تقوله لي لاتعليق لاتعليق=تعرف الخاين وراع السراقه واسر ياساري
تحاول ترتكي للحمل وانته للحمل ماتطيق=فشلت ولاانت عارف للباقه واسر ياساري

[غازي غالب]

ابا اضيّق علاك الحبل وأزود لك التضييـق
مدامك خاين وقطّاع ساقه واسر يـا سـاري

ابا اضيّق علاك الحبل وأزود لك التضييـق
مدامك خاين وقطّاع ساقه واسر يـا سـاري



ياسلام ياسلام يابن ثعلي

وافي وافي

صح لسانك ملايين يابن العم والصف دبل دبل





وصح لسان رفيع المنزل ولاهان



واصلوا واصلوا


متابع لكم



تحيااااااااتي

[علي فلاح العضياني]

طبيعه فالردي دايم لدرب المهزله عشّيق=على فعل الردى عنده لياقه واسر يا ساري


يا خبل اللي يبا ينطح براسه في جبال طويق=ولاله في حصى الضلعان طاقه واسر يا ساري

[حمد بن جوباح]

.
..

الله الله يا الفالح

صح لسانك يا ابن العم

والصف صفك

ولا يهون رفيع المنزل

واصلووو

:)

.
.
.















تحياتي لكمـ ،،

[عايض بن زوير]

الفالح..

صح لسانك

رفيع المنزل..

صح لسانك


متاااااااااااابع

[رفيع المنزل]

طبيعه فالردي ماهو يبرق فالحكي تبريق=ولاعنده على ضيفه شفاقه واسر ياساري
على هونك ترى الظامي يبي رجل ٍ الريق= وسيع الصدر ماتضيق نطاقه واسر ياساري

[مرزوق حمدان العتيبي]

..
.
يا خبل اللي يبا ينطح براسه في جبال طويـق
ولاله في حصى الضلعان طاقه واسر يا ساري


..
الله الله يابو فلاح مبدع وعندك فراسه في نفس الوقت :)
..
بكل امانه اثنينكم شعراء من الطراز الاول ومحاوره رائعه
بكل المقاييس..
صح لسانك وصح لسان رفيع المنزل..
...
واصلوا
....

[رفيع المنزل]

على هونك ترى الظامي يبي رجل ٍ يبل الريق
وسيع الصدر ماتضيق نطاقه واسر ياساري

مشكور مرزوق على اطلالتك

والشكر لكل من تواصل