الليله المعنى ورى الجدي وسهيل

[صخر]

جيت ابلعب واغني وجيت والجو هادي=ياعسى العلم ياهل العرف ماهو بغادي
دام مال الطويله غير راع الشدادي=جعل فالامر خير وجعل فالامر خيره


الليله المعنى ورى الجدي وسهيل=واللي يبا المعنى يتعّب ركابه
اهل الفضاء صارت تخم الدرابيل=لازم نحط اليوم هيئة رقابه

[صقر نايف العتيبي]

صح السانك يالصخر فيانتضار الشاعر المقابل

[علي فلاح العضياني]

الله الله يا صخر

صح لسانك على القوة طال عمر ونتظر الشاعر المقابل



لاهنت

[صخر]

صح ابدانكم وعلى مروركم وفي انتظار الشعار والله يجيب مطر ان شاء الله

[عيد العازمي]

جيت ابلعب واشارك مع زبون الاصيله

ياصخر خصمك العازمي كل ليلـــــــه

مير قلّي من ايا الناس وايا قبيلـــــــه

جعل فالامر خير وجعل فالامر خيره


الليله المعنى على سبّق الخيل *** فمزاحم الفرسان عز ومهابه


جريت صوتك عقب صغت المواويل *** ياذيب تقنب وسمعتك الذيابه

[صخر]

يابن عاصي ترى الموال يحتاج خبره=
=فيه ضمه وهمزه فيه فتحه وكسره
=مير بالله لايدري حبيّب ويشره
=جعل فالامر خير وجعل فالامر خيره




الظاهر ان العازمي بارد الحيل=وجرحه على ماقيل زاد التهابه
جيبو لنا دكتور خبرة تحاليل=قدام لايمرض ويفقد صوابه

[عيد العازمي]

ياصخر لا تفلسف وانت توّك عليمي

صاحبك بالمعاني مايدان الغشيمي

فيه شدّه وقوه مثل ضلعٍ مقيمي

جعل فالامرخير وجعل فالامرخيره


الظاهر انك ياصخر شالك السيل ***نازل بوادي والمطر في سحابه

كانك ممرض مختبر هاك زنبيــل***ياصخر منته خصمنا اللي نها به

[صخر]

النصيحه تراها يابن عاصي بلاشي=لاتكثر معانا الاسئله والنقاشي
ودام راس الظبي ياهيه مابه عراشي=جعل فالامر خير وجعل فالامر خيره




يالعازمي وش لك بدرب البهاذيل=خلك مع اللي يلعبون الربابه
ان كنت عنتر روح حارب سرائيل=منت بترا اللي حاسبينٍ حسابه

[_الثبيتي_]

اله اله صــــــــــــــــخر ولايهون العصيمي :)

[راعي البلهـا]

ههههههههههههههههههههههههههههههههههههههههههههه

الليل الليل غاب اهلاله ما ضل غير سواده الليل واصلوو
واصلوو وحنــــــــــــــــــــــــــــــــــــان بالشاشه نتابعكم

[صخر]

صح الله ابدانكم
لاهنتوووووووو على المرور

[عيد العازمي]

الشجر لو يثمر ما كرهنا ثمــــــــاره

والبنا لو يبنى ما هدمنا جـــــداره


والخساير بسيطه معك مامن خساره

جعل فالامر خير وجعل فالامر خيره



دربي سهود مهود مابه عراقيل*** ما كدّر الخاطر جــناح الذبـــابه

لن كان ماتقدر فعول الرياجيــل***بعض الرجال يموت محدن درابه

[حمد بن جوباح]

.
..

الله الله

صحت ألسنتكم يا الشعار

واصلووووو

:)

.
.
.

















تحياتي لكمـ ،،

[صخر]

والله اني مع الاجواد ياناس حاضر=آزن الكيل واعرف وجهتي والمعابر
مير ابن عاصي الليله اشوفه يطامر=جعل فالامر خير وجعل فالامر خيره



الدرب واضح والليالي مقابيل=يالطرقي اللي راثعيين بزهابه
حنا هل الكلمه وحنا المشاكيل=لامن دعا الداعي نلبي الاجابه

[عيد العازمي]

فالبدايه نشدتك وانشدك فالنــــهايه

انت اعدّك من الاصحاب والا عـــدايه

واخر العلم ابطلب ربنا فاـــــــلهدايه


جعل فالامر خير وجعل فالامر خيره



صخر وتفتت واخر القال والقيــــل***يالعازمي مخطي ترا وش تبابه

اقول جعلك من عتيبه هل الحيل*** سيفٍ ينومس صاحبه لاغــزابه