يا سلمان من ايّا روق

[علي فلاح العضياني]

يا سلمان انت روقي مار علمني من ايّا روق=هذاه المنتدى يا صاحبي نصّه من الروقه
انا افرح كل ما حصّلت لي شاعر وعنده ذوق=وبالعكس اكره اللي ما يوافق ذوقي لذوقه

[الروقي العتيبي]

أخوي الفالح اسعد الله مساك

تسمحلي بسؤال بسيط على اي بحر لعبك هذا


ولك التقدير والاحترام

[علي فلاح العضياني]

والله ما ادري يابن الحلال


الابيات موزنه وتنتلحّن على الحان كثيره

وشكرا

[عمرالروقي]

يا سلمان انت روقي مار علمني من ايّا روق=هذاه المنتدى يا صاحبي نصّه من الروقه
انا افرح كل ما حصّلت لي شاعر وعنده ذوق=وبالعكس اكره اللي ما يوافق ذوقي لذوقه

0
0
0
صحححح لسانك
يالزميل الفالح ولاهنت
وفي انتظار سلمان
..............
وصح لسانه مقدما
.....................

[سلمان الروقي]

من الروقه ومن مزحم وخذها فاول الطاروق=عتيبه كلها مثل الرصاص بوسط صندوقه

وانا ماني براع الدله اللي بنها محروق=دلال ٍ من شربها فوق كبده زادة احروقه

[محمد العضياني]

يا سلام

بداية مشوقة تستحق المتابعة

الفالح وسلمان

صحت السنتكم

[الروقي العتيبي]

من الروقه ومن مزحم وخذها فاول الطاروقعتيبه كلها مثل الرصاص بوسط صندوقـه
وانا ماني براع الدله اللي بنهـا محـروقدلال ٍ من شربها فوق كبـده زادة احروقـه


يا سلام ياسلام هذا الكلام

[عبدالله الجـــذع]

صحت ألسنتكم ...




واصلووا الأبداااااااااع...

[علي فلاح العضياني]

نصيحه وضّح العنوان كله واحسن المنطوق=ترى الرجال يا سلمان يعرف حسب منطوقه
انا لي نظرتي فالشعر يا سلمان منك و فوق=بنيت البيت بذراعي و رزّيت العلم فوقه

[ناصر المرشدي]

انا لي نظرتي فالشعر يا سلمان منك و فوق
بنيت البيت بذراعي و رزّيت العلـم فوقـه

الله اكبر يامطلق الثبيتي الله يرحمه



كفو
كفو
كفو

ياعلي



بس ما عليك منه ياسلمان

احشره حشر طير وانا في صفك

[سلمان الروقي]

عطيناكم خبر لكن يالفالح عليك أحقوق=ترى الرجال ياشاعر لابده يوفي أحقوقه

الك نظره ولي نظره وخذ مني خبر ماثوق=ترى نكبت مصر ياصاحبي من حكم فاروقه

[سلمان الروقي]

صح بدنكم جميعآ

لاهنتوووووو

مروركم شرف لنا

[معجب العتيبي]

طاروق رااااااااااااااااااااااائع كروعة الشاعرين


فعلا يستحق المتابعه

وتكفون اللي يعرف يجمع الابيات وينسق لايبخل علينا


الليل الليل

[علي فلاح العضياني]

ليا اكملت الخبر تقدر تلحّق بالخبر ملحوق=على هونك ترى اللي باقيه بالهون ملحوقه
انا هامور وابيع اسهمي دايم بسعر السوق=وسوق الاسهم الهامور يرفع في سعر سوقه

[علي فلاح العضياني]

الله يرحم مطلق الثبيتي


دوبك يا ناصر ما وصلت العلوم ليا هالدرجه الله يهديك

[حمد بن جوباح]

.
..

الله الله يا الجزاله

شعر على معنى وذوق

صحت السنتكم

ومتابع

:)

.
.
.


















تحياتي لكمـ ،،

[سلمان الروقي]

أشوف الناس تسئل ودها تعرف دفعها الشوق=وصاحبنا يغني بالحون ويجهل أطروقه

هوامير الزمن هذا ماتملك مال فالصندوق=تساهم ماتساهم عندها الارزاق ممحوقه