يالفالح خذها وردها

[عبدالمجيد الثعلي]

سلام تسيلمه تجيك بكيف بن وكيف هيل=على رجال(ن) وافي(ن) تقديرها بمقدارها

يالفالح أنته صاحب الشان وعلى الدعوى وكيل=خلك على هقواتنا اللي ماهقينا غارها

[سلمان الروقي]

صح لساااااااانك
على القوووه

[علي فلاح العضياني]

ذيب المساري اتشرف باللعب معك وآسف على التاخير




واستلم طال عمرك



يا مرحبا ترحيبةٍ تحسب من الوزن الثقيل=يا ربعنا اللي يا ماشاء الله يا كثر شعارها
انا على الهقوه واشبّ النار في خشم الفتيل=يوم انّ بعض الناس ما تقدر تولّع نارها

[فهد النفيعي]

ماتقدر تولع نارها

متابع واصلوا الابداع

[معجب العتيبي]

ياكثر شعارها

الليل الليل نبيها نقد وتبرير

[محمد العضياني]

ياسلام

صحت الالسن


متابع

[عبدالمجيد الثعلي]

ربعك معك مايبخلون بحاجه ولا أنته بخيل=الله وأكبر يالعلوم اطوالها واقصارها

إنسى الرفاقه يالرفيق إنس الزماله يالزميل=ماكلفتنا ذبحة ام جنيب لو في غارها

[عبدالمجيد الثعلي]

سلمان الروقي صح بدنك وشرفنا مرورك طال عمرك

فهد النفيعي لاهنت ومرورك شرف لنا

سارح البال شرفتنا بمرورك

البورادي صح بدنك ونتشرف بك وبمتابعتك

[علي فلاح العضياني]

الحمدلله ما نبالك لا كثير ولا قليل=كل العرب يا صاحبي عندي جميع اخبارها
أمّا انّي انسى رفقتي هذي هي اللي مستحيل=والكلمه اللي قلتها يقنعك ربي خارها

[عبدالمجيد الثعلي]

ماني مدور من ورى مد الجميل أبغى الجميل=ياللي عباتك فوق حلقك مايصك زرارها

لو الطبايع تنتبدل شوف عن طبعك بديل=وأتلا الزمن بقعاء تبا تبرك علاك بزارها

[علي فلاح العضياني]

الليله انت مولّع النور القصير اعن الطويل=الله ولا طرقتك هذيه ولا مشوارها
ما تختلف ملّة هل الطالات مزبان الدخيل=وانا احسب انّك من رياجيلٍ طوال اشبارها

[عبدالمجيد الثعلي]

الليله الموضوع فحص أخلاق والمسرى طويل=ورى صحيبي يصفق بيمناه فوق يسارها

حنا لكم وأنتم لنا والعز للسيف الصقيل=يالله دخيلك مسرع أصحابي تبيح أسرارها

[علي فلاح العضياني]

الليله انته بان لي ما في ضميرك من حصيل =ما تدري ان اهل الوفا دايم تحكّم شارها
عوّد على درب السنع لن كنت رجالٍ دليل=وليا احتديت ايسار قلنا خارها في غارها

[سلمان الروقي]

الله الله
واصلو على القوه
وصح لسانكم مقدمآ

[عبدالمجيد الثعلي]

أهل الوفاء على الرفاقه ماتحط ولاتشيل=من ضيق صدرك تخبط الارض ويطير غبارها

احفظ وصاتك لك يابن عمي ولحّن كل ليل=وألا دروبي قدم ما أسوق الركاب أختارها

[عبدالمجيد الثعلي]

سلمان الروقي شرفتنا

ومرورك يزيدنا شرف كل مره