أرسله والجذع سلطان يستقبله

[علي فلاح العضياني]

يا سلامي سلامٍ من بعيد الديار=ارسله والجذع سلطان يستقبله
الحقيقه تراها مثل شمس النهار=من هو اللي يقضّ سهيل من منزله

[محمد العضياني]

الحقيقه تراها مثل شمس النهـار
من هو اللي يقضّ سهيل من منزله

الحقيقه تراها مثل شمس النهـار
من هو اللي يقضّ سهيل من منزله

يا سلام يالفالح

صح لسانك مرار وتكرار

وكان احتمى الميدان حددت صفي

ننتظر سلطان الجذع ليكتمل الابداع

[علي فلاح العضياني]

هلا والله بابن العم

ياولد وش اخبارك جوالك متربس مدري علامه


على العموم تسلم والصف عندك والجذع عندي والقوه بالله

تحياتي

[أبو نجر النفيعي]

..

يا سلام يا سلام ..

صح لساانك يالاميررررررر ..

مبداء مرعب :) وسلطان يستقبله :)

.

سجلني في قائمة صفك .. !!!!!!

:)

.

أخوك

[شاعركم]

الفالح

والله اني طالب سلطان


مير الاولويه تفرض نفسها

لك يابن العم

الصف صفك ولايهون سلطان

[علي فلاح العضياني]

هلا وغلا


بالزميل شرفت نورت الصفحه



وجودك في صفي نوماس ويجعلني انتصر على المدعو سلطان

تحياتي

[علي فلاح العضياني]

شاعرنا حصل خير

سلطان كل ليل يلعب سته طواريق سوى اكبر شاعر عندنا فالمنتدى ولاعنده مشكله


ووجودك في صفي يشرفني

تحياتي

[محمد العضياني]

البقا يابن العم

والجوالات واجد مار اللي معك منها

ماهو بشغال هاليومين

ابا ارسل لك الثاني برسالة

[سلطان الجـذع]

مرحبا مرحبا واللعب نار وعمار =فك باب القضيه معي لاتقفله
نجمكم في سماكم ياطوال العمار=ماغطى الدار من جده لحد جبله

[حاكم الغنامي]

الفالح انا متعصب مع الروقه ترى وخصوصا ذي عطيه ولاهانت برقا وشعارها


بس حدد انت من اي عتيبه ترى اذا ماحددت انا في صف الجذع الروقي




مع اعجابي بشعرك وتقديري لك

[مرزوق حمدان العتيبي]

..
.

الله الله يالعمالقه
اكتمل الابداع وضمنا الاستمتاع ...
واصلوا

...

[علي فلاح العضياني]

ناصر المرشدي وقّع وسوّا قرار=قال يا بوفلاح اللي تباه ازهله
وانت لا زال في جوّك شويّة غبار=يا ظريف العيال سهيل من يجهله؟؟؟

[بندر المرشدي]

شهادتي في الاثنين مجروحة تقبلوا تحياتي

[محمد العضياني]

نجمكم في سماكم ياطوال العمار
ماغطى الدار من جده لحد جبله

نجمكم في سماكم ياطوال العمار
ماغطى الدار من جده لحد جبله


الله اكبر يا سلطان

صح لسااااانك حتى ترضى

متابع والصف مع الفالح بناء على وعود وسندات قديمة

[علي فلاح العضياني]

هلا وغلا بمديرنا يالله حيه

شرفت يابو محمد واكتمل الابداع بمرورك الكريم


تحياتي

[علي فلاح العضياني]

هلا والله بالتحدي


شهادتك وسام على صدورنا لاهنت


تحياتي

[ربح السبيعي]

الفالح


يا سلامي سلامٍ من بعيـد الديـار=ارسله والجذع سلطـان يستقبلـه


الحقيقه تراها مثل شمس النهـار=من هو اللي يقضّ سهيل من منزله



سلطان الجذع


مرحبا مرحبا واللعب نار وعمار=فك باب القضيه معـي لاتقفلـه


نجمكم في سماكم ياطوال العمار=ماغطى الدار من جده لحد جبله



الله الله


على الابداع


مبداء رائع ومتميز ورد وافي وشافي


صحت السنتكم يامبدعين



واصلو وأنا ماسك الصفين

[سلطان الجـذع]

مزحمي يجامل فالعلوم الكبار =مايباها تطول وتكبر المشكله
نجمنا لابدى كنك بنص النهار =وعلمنا اللي عليه جدال نعرف هله

[علي فلاح العضياني]

الحريقه تراها ساسها من شرار=عوّذ ابليس واقرا الحمد والبسمله

انت ترميبها ما تلتفت للعيار=مار كل اللذي يطري في بالك قله

[سلطان الجـذع]

لاتحوص يمين العلم والا يسار =واصل العلم يالين الهدف تاصله
لاتعتذر ترى مافي العلوم اعتذار =عندي الخير واللي غير ليه أقبله

[علي فلاح العضياني]

يوم نغزي منوّل فوق قحص المهار=صاحب السيف الاملح راعي الاوله
طايراتك تطير ومالهنّه مطار=فوق راسك تحوم وجاتك محوّله

[سلطان الجـذع]

يوم نغزي نصف لغزونا في مسار =كلبونا سوى والطامع نبهذله
لاتركب شداد شعيل فوق الحوار =مير قصر ثيابك مسبله مسبله

[ناصر المرشدي]

الفالح

صح لساااانك يامبدع ------يامفتري



سلطان الجذع

صح لساانك وبيض الله وجهك



ترى ما صدق لاوقعت له ولاشي وبدري عليه

شغله عندي

[سلطان الجـذع]

انا شرهت علاك ياناصر واعتذرت عنك
قلت الرجال ماغير يجامل هههه

ولكن مادام انها افتراء عندك أياه <<<يعقد الشوش

[رجا بن فهيد الهاجري]

الله الله صح الله لسانك يالفالح ويالجذع

طاروق جزل وغير مستغرب منكم