المساعد الشخصي الرقمي

مشاهدة النسخة كاملة : قصيدة الظفيري التي ألقاها في ملتقى الهيلا كيف ...

لورانس روق
09-Nov-2007, 12:42 AM
بسم الله الرحمن الرحيم
الحمد لله رب العالمين والصلاة والسلام على نبينا محمد

ياربع وين أحصل قصيدة الظفيري التي القاها بالملتقى في أول الأمسيات


ت ك ف وووووووو ن
الزراقي@
09-Nov-2007, 02:57 AM
اظم صوتي لك واكيد الاخوان ماهم باخلين علينا
العطاااااوي
09-Nov-2007, 03:12 AM
وانا معكم


فيه ذيبان القثامي




مايقصر
ابو سعود الجعيداني
09-Nov-2007, 04:04 AM
هو صباح الظفيري ؟؟


انا عندي قصيدة صباح الظفيري في الضيط تفضل القصيدة واذا مو هي قولي





بتديت القاف بسم الله رب الكون كله=وحده اللي طالبه ربي ورافعله يديه

التجاله عبده اللي داخله مليون عله=من سبب جور الليالي والمشاكل سرمديه

واحد معبود حكمه والشريعه في سجله=كاشف الاسرار ظاهرها بعد واللي خفيه

ثم اثنيها لابو بندر ووصلها محله=غيهبي تملاه من راسه لساسه غايريه

قاصد اللي من شبابه يعقد الحبل ويحله=من رجال نارهم في حزت الميقاف حيه

عاشوا بعز ومعزه والوفا فيهم جبله=فعلهم يذكر على وقت العصور الاوليه

ماتعودت اتكلم فالكلام بدون ادله=الكلام اللي بدون ثبوت ماله قابليه

والله اني ماطرالي غير بدر الضيط لله=جيت احث الرجل صوبه والهبوب مصافقيه

راكب اللي يوم تله ذاكر ربه وتله=حط في راسه كريم اسبال والنيه مطيه

مادخل فالقلب خوف ومادخل فالقلب ذله=سايقه شدت براسه وامسكت عنده حميه

دق سلفه والمراوح يوم دقه جاوبله=كن صوت المروحه شاعر وغنى السامريه

يوم قفى هل شكمانه مثل دمع تهله=عين بنت وردوا معشوقها حوض المنيه

روحت يم ابن تايف كنها والله تدله=ياجماعه نعنبوها عالميه عالميه

لونها كن البحر من لونها محد يمله=والصياح من الكفر كنه مضاريب برديه

وارد الماني شيح واللي في بالي فدوتله=صاح سايقها وقال ابشر وروحي لك هديه

قلت له تكفى دخيلك لا وصلت الشيخ قله=بلغه مني سلام وبلغه مني تحيه

واشرح ظروفي وقله من مذله في مذله=كني اللي ميت بين البشر والناس حيه

صارت هموم الليالي كل سيف لي تسله=صارت الدنيا بعيني كلها ماهي فضيه

نعنبو ضيم الليالي يطرح الرجل ويذله=يضحك الشامت علي وضحكته شر البليه

والوجيه اللي اليا من غبت دايم مسفهله=نعنبوها كيف تدري بس وش لي وش عليه
عبدالله الجـــذع
09-Nov-2007, 04:28 AM
الله يعافيكــم ماقصــرتوا بيض الله وجيــهكم...
fahad8088
09-Nov-2007, 04:32 PM
يا ليت صوت القصيدة
الفيــــــــلق
09-Nov-2007, 04:42 PM
هلا لورانس طلبك مجاب ابشر بسعدك القصيدة عندي وابشربها بس امهلني بعض الوقت البسيط للكتابه وتشوفها باذن الله غالي والطلب تامربه0000000000


اخوووووك الفيلـــــــــــــق
لورانس روق
14-Nov-2007, 04:49 PM
الأخوة

الزراقي

العطاوي

فهد 8088

عبد الله الجذع

كل الشكر على مروركم ومشاركتكم

الأخ سعود الجعيداني بيض الله وجهك ووجه جميع الأخوة
وماقصرت ولكن القصيدةالتي عليهاال طلب هي قصيدة الظفيري(؟) التي ألقاها في الملتقى الرسمي
وهي بمعنى رائعة أو أشد

الأخ الغالي الفيلق بيض الله وجهك والله يبشرك بما يرضيك

وياليت تكون صوت

أخيرا تحية للجميع الأخوة

وعسى العز دايم