سلطااااااااااااااااان الجذع

[بندر المرشدي]

جيت ياسلطان يامال الغنيمة=مادريت اني على شوفك شفاوي
انت يوم اجحرت الارنب فالهشيمه=والهشيمه بين قريه والصداوي

[سلطان الجـذع]

يالتحدي من ليالينا القديمه =اتمنى شوف مثلك بالمناوي
ارنب الصمان ماراحت سليمه =جرحها ماهو مداويه المداوي

[السميــــــري]

انت يوم اجحرت الارنب فالهشيمه
والهشيمه بين قريه والصـداوي


التحدي .. الله الله ..
مبدأ .. جزل .صح لسانك ..

...........

ارنب الصمان ماراحت سليمه
جرحها ماهو مداويه المداوي

سلطان الشعر ..
مبدع بكل المقاااييس ..
صح لسانك ..


متابع .

[سلطان الجـذع]

السميري

انت كبيرنا الذي علمنا السحر <<قصدي الشعر

والاشاده منك محل فخر واعتزاز

لاهنت

[بندر المرشدي]

العلم مرفوع والدنيا مقيمة=والتمشى مع بعيدين الهقاوي

وانت لاشفت لك ريغة في خريمة=جبت حيلك والقضية ما تساوي

[بندر المرشدي]

السميـــــــــــــــري
صح لسانك

اسعدني تواجدك

[سلطان الجـذع]

حسفتني دمعه البنت اليتميه =حظها طايح على الارض متساوي
كل ماقابل خصيم من خصيمه =التراخي شين ..يالحر النداوي

[مالك الذيابي]

التحدي , صح لسانك يالذيب
سلطان الجذع , صح لسانك واصل ياكحيلان

مـــتـــاااابــع :)

[بندر المرشدي]

لا تقول النصر يشبه للهزيمة= وانت تدري بالسنع ما انته بغاوي

طلقة من محزم الطيب جريمة=كل ما يرمي بها الكلب الضراوي

[سلطان الجـذع]

انته اللي في يديك خطام ريمه =مير وصلها بعيدات الحراوي
مالها الا النار جعله بالحريمه =لين يصبح عنك من خوفه نحاوي

[ناصر الجلاه]

..

التحدي

..

والاسطوره (( الجذع ))

..


صحت السنتكم يامبدعين

واصلووووا متابع بصمت

..

[سلطان الجـذع]

..
..
ناصر ..

متابعك اكبر شرف لاعدمتك ..
..
..

[بندر المرشدي]

ما دخل في جونا عجة وغيمة=ولا علينا لو يضيقون الشواوي

تركت الخبلان يابو زيد شيمه=ما تنقص من مقام اهل العزاوي

[بندر المرشدي]

صح بدنك والله لايهينك على المرور

[سلطان الجـذع]

لك وسيمه ولولد عمك وسيمه =وانا دعاك اليوم الاقشر لاتراوي
ليه نترك راعي النفس اللئيمه =بالبلاوي ندفع كبار البلاوي

[سلطان الجـذع]

التحدي بيض الله

وجهك يالغالي ....امتعنتا بهالمحراف الطيب

بيوتك كلها ذهب


وانت لاشفت لك ريغة في خريمة
جبت حيلك والقضية ما تسـاوي<<<ياسلام ياسلام

طلقة من محزم الطيـب جريمـة
كل ما يرمي بها الكلب الضراوي <<<هالله الله

[بندر المرشدي]

عزنا فوق النجوم الله يديمه=وامرنا فوق الحسود امراً سماوي

كل ما لديت عينك للبهيمة=البهيمة تحسب انك ما انت قاويِ

[سلطـان الدلبــــــحي]

.. الله آلله يالتحدي .. وياسلطان ..

صحّ الله السنتكمّ .. ..

.. < .. آكيد في صف سليطين .. ومتحيزّم بالعمامه هههه ..

[عبدالعزيز بن جودان الرويس]

التحدي وسلطان الجذع


انتبهو ترا حماية الحياه الفطريه تدوركم ذابحين لكم ارنب



ابداع من عمالقة الشعر لم يسبق له مثيل
لاهنتو على هالمحراف الطيب