يالسر يا شينك خلا ما فيك أحد

[النايع]

يالسر يا شينك خلا ما فيك أحد


أي عتيبي يمر على موقع المزاين بعد رحيل الهيلا. لا يمكن أن يجلس فيه دقيقة واحدة.
كأن البشرية غادرت كوكب الأرض. وبقي هو وحيداً.


الصدر ضاق وصابني غم وجهد = وسع الخريمة يا معين الصابرين
والشمس غابت والسعد ما من سعد = والليل مقبل والقبيلة راحلين
انشد ويا كثر الذي غيري نشد = انشد عن العتبان هم راحوا منين
راحوا سوى يوم ان راعدهم رعد = ولاّ شتيتٍ في البلاد مفرقين
ياليت روحي تفترق عد وعدد = عدة عتابة تنتشر شام ويمين
وتضيع في كل الديار وفي البلد = ومن اين ما حل العتيبي تستكين
يالسر يا شينك خلا ما فيك أحد = ما كن جاك الغيث من عام اربعين
والله يا لو ما ركّزوا فيك العمد = لأدعي عليك بما يصيب الكافرين
ادعي عليك بدعوة الفرد الصمد = على ثمود وعاد وابليس اللعين
وابوي يالفرقا ولو عيشي رغد = ما يهتني بالي ولا فالي يزين
وابوي من فرقا عرب خيرة معد = فرقا الشجاعة والرجال الغانمين
حبي لربعي لو يطول بي الامد = ثابت ولا يمكن تغيره السنين
وان غابت الهيلا وطال بها العهد = يصبح حسابي من حساب الميتين
اليوم من في قلبه الحقد ارتعد = اشهد على ذلك ودين الله دين
بانت ضغاين من عن العليا قعد = على مقاديم القلوط الاولين
يا من يعقدون ويحلون العقد = اخذوا النصيحة وافهموا يا فاهمين
ضدوا العدا لا بارك الله بالحسد = ضدوا العدا لا رحم جد الحاقدين
هات الدليل بحقد حاقد والسند = ثم شهّروا به مع جميع العالمين
خلّوه يبقى عبرةٍ للي بعد = وشامة سوادٍ في وجيه الخاينين

وسلامتكم

[مرزوق حمدان العتيبي]

حبي لربعي لو يطول بـي الامـد
ثابت ولا يمكـن تغيـره السنيـن
وان غابت الهيلا وطال بها العهـد
يصبح حسابي من حساب الميتيـن
اليوم من في قلبـه الحقـد ارتعـد
اشهد على ذلك وديـن الله ديـن
بانت ضغاين من عن العليـا قعـد
علـى مقاديـم القلـوط الاوليـن
يا من يعقـدون ويحلـون العقـد
اخذوا النصيحة وافهموا يا فاهمين
ضدوا العدا لا بـارك الله بالحسـد
ضدوا العدا لا رحم جد الحاقديـن
..

النايع الرائع .. صح لسانك عدد حروف قصيدتك
وبيض الله وجهك ... شاعر تحرك المشاعر
فلله درك قلت واجزلت ..
...
اخوك
...

[السميــــــري]

اليانع ..
بصراحة رائع ..

ياليت روحي تفترق عـد وعـدد
عدة عتابة تنتشـر شـام ويميـن
وتضيع في كل الديار وفـي البلـد
ومن اين ما حل العتيبي تستكيـن
يالسر يا شينك خلا ما فيـك أحـد
ما كن جاك الغيث من عام اربعين

قصيدة .. بصراحة قرأتهاا مرارا
لجزالتها وتأثيرها في نفسي ..

الله يبيض وجهك ..

[الــوآفــي]

رائع ومبدع يالنايع في كل حالاتك


صح لسااااااااااااااااانك ملايين

اخوك

[النايع]

أبناء العم الأكارم

مرزوق العتيبي
السميري
ذيبان

صحت أبدانكم

ومشكورين على مشاركاتكم المشجعة.

تحياتي

[أبو نجر النفيعي]

..

النايع انت الابداع والجزاله ..

صح لسانك حتى ترضى .. قصيده لها تأثيرها الواضح ..

كتبت فأجدت بحق .. ويالسر ياشينك خلا مافيك احد ..

أنا اشهد ..

.

:)

نتظر جديدك بفارغ الصبر ..

.

أخوك.

[نواف العصيمي]

بيض الله وجهك يالنايع وصح لسانك

حبي لربعي لو يطول بـي الامـد
ثابت ولا يمكـن تغيـره السنيـن
..
اليوم من في قلبـه الحقـد ارتعـد
اشهد على ذلك وديـن الله ديـن

..
ضدوا العدا لا بـارك الله بالحسـد
ضدوا العدا لا رحم جد الحاقديـن

ولك التقدير والإحترام

[خلف العتيبي]

النايع..

كتبت وأبدعت..

قصيده جزله تشكر عليها وشد حيلك والله يوفقك في القادم..


خلف الدعجاني..

[وصل العطياني؟؟؟]

صح لسانك ...

قصيدة معبـّرة وأكثر من رائعة ...

في العادة يكون هناك في القصيدة بيت يسمى "بيت القصيدة"

لكن هنا عدّة أبيات في قمة الروعة ...

يعطيك العافية ولا هنت ..



تحياااااااااتي .

[عيضه الثبيتي]

لله درك يالنايع



مبدع

مبدع

كتبت فاجدت


قصيده لا نمل من قرأتها

[النايع]

أبناء العم الكرام

أبو نجر النفيعي

نواف العصيمي

خلف العتيبي

وصل العطياني

عيضة الثبيتي

صحت أبدانكم

وشرفنا مروركم

تحياتي

[الجوراسي]

دوبي اقراها

واقول صح لساااااااااان عدد حروف القصيدة

شاعر فذ

وقلم مبدع


انت فارس من فرسان هذا العصر

[النايع]

صح بدنك أخوي الجوراسي

وهذا العصر ما فيه فرسان

لكن عسانا على درب اهلنا وقبيلتنا

تحياتي

[الذيبان]

صح اللساانكأ

[أبو الوليد]

صح لسانك يالنايع
أراك قد وقفت على الأطلال واثبت أن أصدق الشعر ما امتلأ بالحنين والذكريات ..
تعبير رائع أيها الشاعر الذي قدم إلى مضارب قومه وقد رحلوا عنها وتركوها قفراً فتذكر المنازل والأهل ففاضت عبرته ونطق بروائع الشعر .
عشنا معك أبيات قصيدتك الجزلة المعبرة .. بكل حروفها ونبضها ..
تحيتي وتقديري

[النايع]

أبناء العم

الذيبان

أبو الوليد

صحت أبدانكم

وشرفتنا تعليقاتكم ومروركم الكريم


تحياتي

[شجاع السواط]

الله اكبر

احساس نبيل من شاعر مبدع

عتيبه تستاهل اكثر واكثر....

والسر شاهد على التلاحم والشموخ


والقصيده بكائيه جميله لشاعر ينبض بمقومات الشعر الاصيل


صح السانك ولاعدمناك

[النايع]

ابن العم

شجاع الصواط

صدقت عتيبة تستحق اكثر وتفداها الروح

صح بدنك

تحياتي

[الذيبان]

صح السانكـ روعه وفالكـ المليووون خخخخخ.........

[سهم جده]

النايع مشكور على القصيده الجزله والله أي كلمه نقولها لك قليله بحقك
بس الله يطول بعمرك وتنعاد الأفراح لعتيبه في اجتماعات اخرى أنشالله

قولو امين

[النايع]

صح السانكـ روعه وفالكـ المليووون خخخخخ.........

فالك الجنة

صح بدنك

[النايع]

النايع مشكور على القصيده الجزله والله أي كلمه نقولها لك قليله بحقك
بس الله يطول بعمرك وتنعاد الأفراح لعتيبه في اجتماعات اخرى أن شاء الله

قولو امين


اللهم آمين

صح بدنك

تحياتي

[نايف الحميدي]

الله يعيد الافراح والاجتماعات الطيبه للقبيله




صح لسانك اخوي

[بعيدالهقاوي]

صــــــــــــــح لســــــــــــــــــــانك
والله يديم ذا الاجتماع كل عام

[النايع]

أبناء العم

نايف الحميدي

بعيد الهقاوي


اللهم آمين

صحت أبدانكم

تحياتي

[محب الهيلا]

مشكور على القصيدة وماقصرت

[النايع]

مشكور على القصيدة وماقصرت

العفو


تحياتي

[عقاب العتيبي]

النايع صح لسانك مليوووووووووووووون
ولايكفووووووووووووووووووون,,,, صـــح لسانك
حتى ترضى .... ابداع تجاوز الحدود,,,,لايستغرب
من شاعر رائع,,,, تقبل تحياتي واعجابي