محاولة شعرية .... ارجو ابداء الرأي فيها ...

[بن مناش الهراني المقاطي]

سلام عليكم
هذي وحده من المحاولات الشعربه وابي رايكم فيها .. صراحه انا كتبتها في الشايب وعساها تجملني ولو ان حفه ما ينوصل ..
يقول :
تصبح على تقبيلة ايديك وتنام .. مشاعري واجيك مرتاح بالي
الله يحفظك من صوايف الايام .. بي عنك يا كل الوفا دوك حالي
ما تشوف شر وخابرك دوم عزام .. اول وفي الوقت ذا وتالي
الخيل تسال عنك وعيون الايتام .. ونجد سالت وطويق ما هوب سالي
مالك شبيه الا انت يالبادي الهام ..همي رضاك وبس ويطيب فالي ..
حنا عيالك بالشدايد لك حزام .. وفضلك علينا ما تشيله جبالي
اشر وحنا يا ابيض الوجه قدام .. ولنا الفخر لاقلت ذولا عيالي
كسيتنا بالمرجله جلد وعظام .. يا بوي ثنيان كريم السبالي
يالقايد الفذ الشجاع ابو الاقدام .. نوط المعزه والكرم والرجالي
ياالصارم المغوار صعب الارقام .. سلامتك مطلب وهي راس مالي
لاباس يا رمز الرحم عز منضمام .. عساك تبيقى بخير طول الليالي ..
سم وعسى ما شر يا راس حكام .. يا ابوي يا تاج راس المعالي

[ابو شرف]

صح الله لسانك.

قصيده وافيه من شاعر وافي وبيض الله وجهك.

وتحيه مني لوالدك والله يطول في عمره.

مير يابو ثنيان لك فالمحاوره شي.

تحياتي..

[بن مناش الهراني المقاطي]

والله ياالذيب ما حاولت فيها زز بس ان شاء الله اني بحاول والله اني من جمهورها الاول مير محاورت ذا الوقت مطامر ورقص ولا .. ؟؟

[ابو شرف]

والله انك صادق.

مير انا انشدك عن المحاورات اللي تصير فالمنتدى..

[بن مناش الهراني المقاطي]

والله ما جربت وانا منقطع عن المنتدى يجيلي سنه والحين على قولته عائد بقوة ... مير ابشروا باللي اقدر عليه لو ان ابياتك هناك واني ما عرفتلها بس ابشر بحاول والله يعين ...